LIZHER KENTAŃ PAOL D'AN DESALONIKIZ

 

Pennad 1

1  Paol, Silvan ha Timote, da Iliz an Desalonikiz a zo e Doue an Tad hag en Aotrou Jezuz-Krist: Ar c'hras hag ar peoc'h ra vo roet deoc'h a-berzh Doue hon Tad hag a-berzh an Aotrou Jezuz-Krist!

Trugarekadennoł evit feiz an Desalonikiz

2  Trugarekaat a reomp Doue dalc'hmat evidoc'h holl, o venegiń ac'hanoc'h en hor pedennoł,

3  o kaout sońj bepred, dirak Doue hon Tad, eus oberenn ho feiz, eus labour ho karantez hag eus started hoc'h esperańs en hon Aotrou Jezuz-Krist,

4  o c'houzout, breudeur karet-mat gant Doue, penaos oc'h bet dibabet gantań.

5  Rak hon Aviel n'eo ket bet kemennet deoc'h gant komzoł hepken, met ivez gant galloud, gant ar Spered-Santel, ha gant ur surentez leun, hervez ar pezh ma'z omp bet en ho touez hag e-keńver ac'hanoc'h, evel ma ouzoc'h.

6  Bet oc'h hon heńvelerien ha re an Aotrou, o vezań resevet ar gomz e-touez kalz a c'hlac'haroł, gant levenez ar Spered-Santel,

7  e doare ma'z oc'h bet skouerioł evit an holl re o deus kredet e-barzh Makedonia hag Akaia.

8  Rak n'eo ket a-walc'h ma'z eo bet klevet komz an Aotrou eus ho pro e Makedonia hag en Akaia, met ar feiz hoc'h eus e Doue a zo bet anavezet e pep lec'h, e doare ma n'hon eus ket ezhomm da gomz.

9  Rak int a lavar o-unan peseurt degemer hon eus bet en ho kichen, ha penaos ez oc'h distroet diouzh an idoloł da Zoue, evit servijań an Doue bev ha gwirion,

10  hag evit gortoz eus an neńv e Vab en deus dasorc'het a varv, Jezuz, an hini a zieub ac'hanomp eus ar gounnar da zont.

 

Pennad 2

Labour Paol e Tesalonike

1  C'hwi hoc'h-unan a oar a-dra-sur, breudeur, penaos hon donedigezh en ho touez n'eo ket bet difrouezh.

2  Petra bennak m'hor boa gouzańvet poanioł diagent ha resevet dismegańsoł e Filipi, evel ma ouzoc'h, hon eus kemeret hardizhegezh en hon Doue evit prezeg deoc'h Aviel Doue e-kreiz stourmoł bras.

3  Rak n'eus bet en hor prezegerezh na touell, na tra lous ebet, na tromplezon.

4  Met evel m'en deus Doue kavet mat fiziout ennomp an Aviel, dre-se e komzomp, nann evit plijout d'an dud, met da Zoue a amprou hor c'halonoł.

5  Rak n'hon eus biskoazh implijet komzoł lubanus, evel ma ouzoc'h, na labouret dre zroukc'hoant, Doue a zo test a gement-se.

6  N'hon eus ket klasket ar c'hloar a zeu eus an dud, nag en ho touez nag e-touez reoł all, daoust ma c'hellemp pouezań warnoc'h gant galloud evel ebestel Krist,

7  koulskoude ez omp bet dous en ho touez. Evel ma kemer ur vagerez ur preder tener gant he bugale,

8  evel-se, leun a evezh evidoc'h, hor bije karet reiń deoc'h nann hepken Aviel Doue, met ivez hor buhez hon-unan, rak hor boa evidoc'h ur garantez vras.

9  Sońj hoc'h eus, breudeur, eus hol labour hag eus hor poan. En ur labourat noz-deiz evit na vijemp ur bec'h da hini ebet ac'hanoc'h eo hon eus prezeget deoc'h Aviel Doue.

10  Testoł oc'h ha Doue ivez, pegen santel, pegen reizh ha pegen didamall hon eus en em renet en ho keńver-c'hwi ar re a gred.

11  Anavezout a rit ivez penaos hon eus aliet, kalonekaet hag aspedet start pep hini ac'hanoc'h, evel un tad e-keńver e vugale,

12  evit m'en em renfec'h en un doare dellezek eus Doue, a c'halv ac'hanoc'h d'e rouantelezh ha d'e c'hloar.

Feiz an Desalonikiz ha mision Timote

13  Setu perak ne baouezomp ket da drugarekaat Doue evidoc'h, rak p'hoc'h eus resevet komz Doue disklźriet deoc'h ganeomp, hoc'h eus he degemeret nann evel komz an dud, met evel ma'z eo e gwirionez, evel komz Doue, hag e labour gant nerzh ennoc'h-c'hwi ar re a gred.

14  Rak c'hwi, breudeur, a zo deuet da vezań an heńvelerien eus Ilizoł Doue a zo e Judea e Jezuz-Krist, dre ma hoc'h eus ivez gouzańvet a-berzh ar re eus ho proad hoc'h-unan, an hevelep traoł hag int a-berzh ar Yuzevien;

15  ar re-se hag o deus lakaet d'ar marv an Aotrou Jezuz hag o frofeded o-unan, o deus hon heskinet, ne blijont ket da Zoue, hag a zo enebourien d'an holl dud,

16  o herzel ouzhimp da gomz d'ar broadoł evit ma vefent salvet, hag o leuniań dre-se bepred muioc'h muzul o fec'hedoł. Met ar gounnar a zo kouezhet warno a-benn ar fin.

17  Evidomp, breudeur, o vezań bet pellaet diouzhoc'h abaoe ur pennad amzer, a gorf ha nann a galon, hon eus bet kement muioc'h a c'hoant hag a hast d'ho kwelout a-nevez.

18  Fellet eo bet deomp ur wech, ha zoken div, mont d'ho kavout, da vihanań me Paol, met Satan en deus harzet ouzhimp d'henn ober.

19  Rak petra eo hon esperańs, hol levenez, pe hor c'hurunenn a c'hloar? Ha n'eo ket c'hwi, dirak hon Aotrou Jezuz-Krist en e zonedigezh?

20  Ya, c'hwi eo hor gloar hag hol levenez.

 

Pennad 3

1  Setu perak, o vezań na c'hellemp ket gortoz pelloc'h, karet hon eus muioc'h chom hon-unan en Aten,

2  ha kaset hon eus Timote hor breur, ministr Doue, hor c'henlabourer en Aviel Krist, evit ho kalonekaat hag hoc'h aliań diwar-benn ho feiz,

3  evit na vefe den brańsellet er glac'haroł-mań, rak anavezout a rit hoc'h-unan ez omp tonket evit kement-se.

4  Pa oamp ganeoc'h, hon eus lavaret deoc'h en a-raok hor bije da c'houzańv poanioł, ar pezh a zo c'hoarvezet evit gwir, evel ma ouzoc'h.

5  Neuze, o vezań na c'hellen ket gortoz pelloc'h, em eus e gaset da glevout diwar-benn ho feiz, gant aon n'en defe an tempter touellet ac'hanoc'h ha na vefe deuet hol labour da vezań difrouezh.

Distro Timote

6  Met bremań Timote o vezań distroet eus ho kichen d'hor c'havout, en deus degaset deomp keloł mat eus ho feiz hag eus ho karantez; mirout a rit ur sońj mat ac'hanomp, o c'hoantaat hor gwelout evel ma c'hoantaomp ivez ho kwelout.

7  Setu perak, breudeur, frealzet omp bet dre ho feiz e-kreiz hon holl c'hlac'haroł hag ankenioł.

8  Rak bevań a reomp bremań, peogwir e chomit start en Aotrou.

9  Pebezh trugarez na c'hellomp ket reiń da Zoue diwar ho penn, evit an holl levenez hon eus dirak hon Doue abalamour deoc'h,

10  o pediń anezhań gant birvidigezh noz-deiz evit ma c'hellfemp gwelout ho tremm ha leuniań ar pezh a vank d'ho feiz.

11  Ra reno Doue hon Tad e-unan ha Jezuz-Krist hon Aotrou hor c'hammedoł war-zu ennoc'h.

12  Ra lakaio ac'hanoc'h an Aotrou da greskiń ha da fonnań er garantez an eil e-keńver egile, hag e-keńver an holl, evel m'emań diouzhomp en ho keńver,

13  ha ra nerzho ho kalonoł evit ma vint didamall er santelezh dirak Doue hon Tad, pa zeuio hon Aotrou Jezuz-Krist gant e holl sent.

 

Pennad 4

Ar santelezh hag ar garantez

1  A-hend-all, breudeur, evel m'hoc'h eus desket ganeomp e peseurt doare eo ret en em ren evit plijout da Zoue, ni ho ped hag hoc'h ali start en Aotrou Jezuz, fonnit e kement-se bepred muioc'h-muiań.

2  Rak anavezout a rit ar gourc'hemennoł hon eus roet deoc'h a-berzh an Aotrou Jezuz.

3  Setu amań a-dra-sur bolontez Doue, ra viot santelaet, ra en em ziwallot diouzh an hudurniezh,

4  ra ouezo pep hini ac'hanoc'h derc'hel e gorf er santelezh hag en onestiz,

5  hep en em reiń d'ar c'hoantoł fall evel ma ra re ar broadoł n'anavezont ket Doue;

6  ra chomo pep hini hep touellań e vreur nag ober gaou dezhań en aferioł, rak an Aotrou eo ar veńjer eus an holl draoł-se, evel ma hon eus e lavaret ha testeniet deoc'h.

7  Rak Doue n'en deus ket hor galvet d'an hudurniezh, met d'ar santelezh.

8  An hini eta a zispriz kement-se ne zispriz ket un den met Doue, eń hag en deus roet ivez deomp e Spered-Santel.

9  E keńver ar garantez etre breudeur, n'hoc'h eus ket ezhomm e vefe skrivet deoc'h, rak hoc'h-unan hoc'h eus desket digant Doue karout an eil egile.

10  Ha kement-se eo ivez ar pezh a rit e-keńver an holl vreudeur a zo e Makedonia a-bezh, met ec'h aliomp ac'hanoc'h, breudeur, da fonnań e kement-se muioc'h-muiań,

11  da gemer preder da vevań e peoc'h, d'en em reiń d'hoc'h aferioł hoc'h-unan, da labourat gant ho taouarn hoc'h-unan, evel ma hon eus gourc'hemennet deoc'h,

12  evit ma en em renot gant onestiz e-keńver ar re a-ziavaez, ha ma n'ho po ezhomm eus tra ebet.

Dilamerezh an Iliz

13  Ha ne fell ket din, breudeur, e vefec'h hep gouzout ar pezh a sell ouzh ar re a gousk, evit na vefec'h ket glac'haret evel an dud all ha n'o deus ket esperańs.

14  Rak mar kredomp ez eo Jezuz marvet ha dasorc'het, evel-se ivez evit ar re a gousk e Jezuz, Doue o degaso gantań.

15  Setu amań ar pezh a zisklźriomp deoc'h hervez komz an Aotrou: Ni, ar re vev, ar re a vo chomet evit donedigezh an Aotrou, ne ziaraogimp ket ar re a gousk.

16  Rak an Aotrou e-unan a ziskenno eus an neńv, d'un arouez roet, da vouezh an arc'hael, ha da son trompilh Doue, hag ar re varv a zo e Krist a zasorc'ho da gentań;

17  neuze, ni, ar re vev hag a vo chomet, a vo dilamet a-unan ganto er goabrennoł, war arbenn d'an Aotrou en aer, hag evel-se e vimp atav gant an Aotrou.

18  En em frealzit eta an eil egile dre ar c'homzoł-se.

 

Pennad 5

Beilhomp

1  Diwar-benn an amzerioł hag ar mareoł, n'eus ket ezhomm e vefe skrivet deoc'h, breudeur,

2  gouzout mat a rit hoc'h-unan penaos deiz an Aotrou a zeuio evel ul laer en noz.

3  Rak pa lavarint: Peoc'h ha surentez! neuze un distruj trumm a zeuio warno, evel ma c'hoarvez gwentloł ar gwilioud gant ur wreg a zo brazez, ha ne dec'hint ket.

4  Met c'hwi, breudeur, n'emaint ket en deńvalijenn evit ma teufe an deiz-se warnoc'h evel ul laer,

5  holl ez oc'h bugale ar sklźrijenn ha bugale an deiz. N'omp ket eus an noz nag eus an deńvalijenn.

6  Na gouskomp ket eta evel ar re all, met beilhomp ha bezomp poellek.

7  Rak ar re a gousk, a gousk en noz, hag ar re en em vezv, en em vezv en noz.

8  Met ni hag a zo eus an deiz, bezomp poellek, o vezań gwisket hobregon ar feiz hag ar garantez, ha tokarn esperańs ar silvidigezh.

9  Rak Doue n'en deus ket hol lakaet evit ar gounnar, met evit dalc'hidigezh ar silvidigezh dre hon Aotrou Jezuz-Krist,

10  eń hag a zo marvet evidomp, evit ma vevimp a-unan gantań, pe ni a vo dihun, pe ni a vo kousket.

11  Setu perak en em aliit an eil egile hag en em genteilhit an eil egile, evel ma rit dija.

Alioł diwezhań ha saludoł da glozań

12  Ho pediń a reomp, breudeur, da anavezout ar re a labour en ho touez, a evesha warnoc'h hervez an Aotrou, hag ho kelenn,

13  ha da gaout evito ur garantez vrasoc'h abalamour d'o labour. Ha bezit e peoc'h etrezoc'h.

14  Ho pediń a reomp ivez, breudeur, gourdrouzit ar re zizurzh, frealzit ar re a zo digalonekaet, sikourit ar re zinerzh, bezit habask e-keńver an holl.

15  Diwallit na rentfe hini ebet droug evit droug, met grit bepred hervez ar mad, hag etrezoc'h hag e-keńver an holl.

16  Bezit laouen bepred.

17  Pedit hep paouez.

18  Trugarekait en holl draoł, rak evel-se eo bolontez Doue e Jezuz-Krist en ho keńver.

19  Na vougit ket ar Spered.

20  Na zisprizit ket ar profediezhoł.

21  Amprouit pep tra, dalc'hit ar pezh a zo mat.

22  En em virit diouzh pep doare a zroug.

23  Hag an Doue a beoc'h e-unan d'ho santelaat holl, ha kement a zo ennoc'h, ar spered, an ene hag ar c'horf, da vezań miret divlam a-benn donedigezh hon Aotrou Jezuz-Krist.

24  An hini en deus ho kalvet a zo feal hag a raio kement-se.

25  Breudeur, pedit evidomp.

26  Saludit an holl vreudeur dre ur pok santel.

27  Hoc'h aspediń a ran dre an Aotrou, ra vo lennet al lizher-mań d'an holl vreudeur santel.

28  Gras hon Aotrou Jezuz-Krist ra vo ganeoc'h! Amen.