EIL LIZHER PAOL D'AR GORINTIZ

 

Pennad 1

1  Paol, abostol Jezuz-Krist dre volontez Doue, hag ar breur Timote, da Iliz Doue a zo e Korint, ha d'an holl sent a zo en Akaia a-bezh:

2  Ar c'hras hag ar peoc'h ra vo roet deoc'h a-berzh Doue hon Tad hag a-berzh an Aotrou Jezuz-Krist!

Doue a frealz ac'hanomp

3  Benniget ra vo Doue, Tad hon Aotrou Jezuz-Krist, Tad an trugarezioł, hag an Doue a bep frealz;

4  hor frealziń a ra en hon holl c'hlac'haroł, evit ma c'hellimp frealziń an holl re a zo en ur glac'har bennak, dre ar frealz a resevomp hon-unan digant Doue.

5  Rak evel ma fonn poanioł Krist ennomp, evel-se fonnań a ra hor frealz dre Grist.

6  Pa'z omp glac'haret, ez eo evit ho frealz hag ho silvidigezh a zo sevenet dre ar basianted da c'houzańv an hevelep poanioł hag ar re a c'houzańvomp ni ivez, ha pa'z omp frealzet, ez eo evit ho frealz hag ho silvidigezh.

7  Hag an esperańs hon eus en ho keńver a zo start, oc'h anavezout penaos p'hoc'h eus lod er poanioł, ho po ivez lod er frealz.

8  Rak, breudeur, ne fell ket deomp n'oufec'h ket diwar-benn ar glac'har a zo deuet deomp en Azia, penaos omp bet gwall vec'hiet, dreist hon nerzh, en hevelep doare m'hon doa zoken kollet an esper da zerc'hel hor buhez.

9  Hag en em sellemp hon-unan evel barnet d'ar marv, evit na lakajemp ket hor fiziańs ennomp hon-unan, met e Doue a zasorc'h ar re varv,

10  hag en deus hon dieubet eus un hevelep marv, hag hon dieub, hag hon eus ar fiziańs ennań e tieubo ac'hanomp c'hoazh.

11  Sikouret omp ivez ganeoc'h dre ho pedennoł evidomp, evit, evel m'hon eus resevet ar c'hras-se dre meur a hini, ma vo ivez meur a hini o trugarekaat diwar hor penn.

Paol en deus kemmet e raktres

12  Ar pezh a ra hor gloar eo an testeni-mań eus hor c'houstiańs penaos omp en em renet er bed, ha dreist-holl en ho keńver, gant eeunder ha gwirionded dirak Doue, nann gant ur furnez kigel, met hervez gras Doue.

13  Ne skrivomp deoc'h netra all nemet ar pezh a lennit hag ivez a anzavit. Hag en gortoz on en anzavot betek an diwezh,

14  pa hoc'h eus dija anzavet un tamm ez omp ho kloar, evel ma viot ivez hon hini e deiz an Aotrou Jezuz.

15  Er fiziańs-se eo e c'hoantaen da gentań mont d'ho kavout evit m'ho pije un eil gras,

16  neuze tremen eus ho pro da Vakedonia, ha goude eus Makedonia distreiń d'ho kavout, ha bezań ambrouget ganeoc'h etrezek Judea.

17  Ha graet em eus dre skańvadurezh pa em eus sońjet kement-se? Pe ar pezh a sońjan, bez' eo hervez ar c'hig e doare ma vez ennon ar "ya" hag an "nann"?

18  Met Doue a zo feal, hag ar gomz hoc'h eus resevet diganeomp n'eo ket bet "ya" ha "nann".

19  Rak Jezuz-Krist, Mab Doue, an hini a zo bet prezeget deoc'h ganeomp, ganin-me, gant Silvan, gant Timote, n'eo ket bet "ya" ha "nann", met n'eus bet ennań nemet "ya".

20  Holl bromesaoł Doue a zo "ya" ennań hag "Amen" ennań drezomp, evit gloar Doue.

21  An hini hor c'hreńva ganeoc'h e Krist hag en deus hon olevet eo Doue,

22  eń hag en deus ivez hor siellet, hag en deus roet deomp en hor c'halonoł arrez ar Spered.

23  Ha kemer a ran Doue da dest war va ene, eo evit hoc'h espern n'on ket aet c'hoazh da Gorint,

24  n'eo ket e renomp war ho feiz, met kenlabourat a reomp d'ho levenez, dre ma chomit start dre ar feiz.

 

Pennad 2

1  Divizet em boa eta ennon va-unan na zistrofen ket d'ho kavout en dristidigezh.

2  Rak mar glac'haran ac'hanoc'h, piv a laouenaio ac'hanon, nemet an hini a vo bet glac'haret ganin?

3  Kement-se am eus skrivet deoc'h evit na vin ket glac'haret, pa vin erruet, gant ar re a zlefe reiń levenez din, rak ar fiziańs-mań am eus ennoc'h holl penaos e rit holl ho levenez eus va hini.

4  Rak skrivet em eus deoc'h en ur glac'har bras, gant enkrez em c'halon ha gant kalz a zaeroł, ha ne oa ket evit ho klac'hariń met evit reiń da anavezout deoc'h ar garantez vras am eus evidoc'h.

Ar pec'her pardonet

5  Ma'z eus bet unan bennak kiriek da dristidigezh, n'eo ket me en deus glac'haret, met c'hwi holl eo en un doare bennak, evit na lavarfen ket re.

6  A-walc'h eo d'un hevelep den bezań bet kastizet gant an niver brasań,

7  e doare ma tleit pardoniń dezhań hag e frealziń, gant aon na vefe bec'hiet gant ur glac'har re vras.

8  Setu perak ho pediń a ran da ziskouez dezhań ho karantez.

9  Rak evit kement-se eo ivez em eus skrivet deoc'h, evit anavezout, en ur amprouiń ac'hanoc'h, ha sentus ez oc'h en holl draoł.

10  D'an hini eta e pardonit un dra bennak, e pardonan ivez dezhań, hag evidon ar pezh am eus pardonet, mar em eus pardonet un dra bennak, eo abalamour deoc'h dirak Krist,

11  evit ma n'en devo ket Satan ar gounid warnomp, rak n'omp ket hep anavezout e sońjoł.

Gloar an Emglev Nevez

12  A-hend-all pa'z on deuet da Droaz evit Aviel Krist, petra bennak m'en doa an Aotrou digoret un nor din,

13  ne oa ket va spered en diskuizh, dre ma ne'm boa ket kavet va breur Tit. O vezań kimiadet diouto, on aet da Vakedonia.

14  Grasoł ra vo roet da Zoue a laka ac'hanomp atav da drec'hiń e Krist, hag a skuilh drezomp c'hwezh-vat e anaoudegezh e pep lec'h.

15  Rak ni a zo c'hwezh-vat Krist dirak Doue evit ar re a zo salvet hag evit ar re a zo kollet,

16  d'ar re-mań ur c'hwezh a varv o reiń ar marv, ha d'ar re-se ur c'hwezh a vuhez o reiń ar vuhez. Ha piv a zo barrek evit an traoł-se?

17  Rak ne falsomp ket komz Doue evel ma ra kalz, met komz a reomp gant gwirionded, evel a-berzh Doue, dirak Doue, e Krist.

 

Pennad 3

1  Hag en em lakaat a rafemp a-nevez d'en em erbediń hon-unan, pe ezhomm hon eus, evel hiniennoł, eus lizhiri-erbediń evidoc'h pe eus ho perzh?

2  C'hwi hoc'h-unan eo hol lizher, skrivet en hor c'halonoł, anavezet ha lennet gant an holl dud.

3  Anat eo ez oc'h ul lizher eus Krist, bet savet gant hor ministrerezh, bet skrivet nann gant liv, met gant Spered an Doue bev, nann war daolennoł-maen, met war daolennoł-kig ar galon.

4  Dre Grist eo hon eus un hevelep fiziańs dirak Doue.

5  N'eo ket e vefemp barrek ac'hanomp hon-unan da sońjal un dra bennak evel pa zeufe ac'hanomp, met hor barregezh a zeu eus Doue.

6  Hol lakaet en deus barrek da vezań servijerien an Emglev Nevez, nann eus al lizherenn met eus ar Spered, rak al lizherenn a lazh met ar Spered a ro buhez.

7  Hogen ar ministrerezh a varv, hini al lizherennoł engravet war vein, a zo bet ken glorius ma ne c'helle ket mibien Israel sellout start ouzh dremm Moizez, en abeg da c'hloar e zremm, petra bennak ma tlee tremen,

8  pegement ministrerezh ar Spered n'eo ket gloriusoc'h?

9  Rak mard eo bet glorius ministrerezh ar gondaonidigezh, ministrerezh ar reizhder a fonn kalz muioc'h e gloar.

10  Ha mard eo bet glorius ar pezh kentań, ne oa ket kement glorius hag ar c'hloar dispar an eilvet.

11  Rak mard eo bet glorius ar pezh a zlee echuiń, ar pezh a zle chom a zo kalz gloriusoc'h.

12  O kaout eta un hevelep esperańs, e komzomp gant ul librentez vras,

13  ha ne reomp ket evel Moizez a lakae ur ouel war e zremm, evit na sellfe ket mibien Israel ouzh an diwezh eus ar pezh a zlee mont da netra.

14  Met o c’hlevidigezh a zo kaledet, rak betek hiziv c'hoazh an hevelep gouel-se a chom hep bezań tennet pa lennont an Testamant Kozh; rak n'eo dilamet nemet e Krist.

15  Betek hiziv c'hoazh, pa lenner Moizez, ar ouel a chom war o c'halon,

16  met pa zistroont ouzh an Aotrou, ar ouel a zo dilamet.

17  Hogen an Aotrou eo ar Spered, hag e-lec'h m'emań Spered an Aotrou, eno emań al librentez.

18  Evel-se ni holl, dioueliet hon dremm, a sell evel en ur melezour ouzh gloar an Aotrou, hag e teuomp da vezań heńvel ouzh an hevelep skeudenn a c'hloar da c'hloar dre Spered an Aotrou.

 

Pennad 4

Un teńzor e listri-douar

1  Setu perak, o kaout ar ministrerezh-se hervez an drugarez a zo bet graet deomp, ne gollomp ket kalon.

2  Taolet hon eus kuit an traoł mezhus a guzher, o tremen hep bevań dre droidell hag hep falsań komz Doue, hag en em erbedomp hon-unan da bep koustiańs den dirak Doue, en ur ziskouez ar wirionez.

3  Mard eo kuzhet hon Aviel, ez eo kuzhet evit ar re a ya da goll,

4  evit ar re ziskredik a zo bet dallet o c'hlevidigezh gant doue ar c'hantved-mań, evit na vefent ket sklźrijennet gant ar gouloł eus Aviel glorius Krist, eń hag a zo skeudenn Doue.

5  Ne brezegomp ket ac'hanomp hon-unan, met Krist Jezuz evel an Aotrou, hag ez omp ho servijerien abalamour da Jezuz.

6  Rak Doue, hag en deus lavaret d'ar sklźrijenn splannań e-kreiz an deńvalijenn, eo an hini a splann en hor c'halonoł, evit o sklźrijennań gant anaoudegezh gloar Doue war zremm Jezuz-Krist.

7  Met an teńzor-se hon eus e listri-douar, evit ma vefe meurded ar galloud-se roet da Zoue ha nann deomp-ni.

8  Gwasket omp eus pep kostez met n'omp ket kaset da netra, ankeniet omp met n'omp ket hep esperańs,

9  heskinet omp met n'omp ket dilezet, diskaret omp met n'omp ket distrujet,

10  dougen a reomp atav en hor c'horf marv an Aotrou Jezuz, evit ma vo ivez buhez Jezuz diskouezet en hor c'horf.

11  Rak ni ar re vev, a zo bepred roet d'ar marv abalamour da Jezuz, evit ma vo ivez buhez Jezuz diskouezet en hor c'hig marvel,

12  e doare ma labour ar marv ennomp, hag ar vuhez ennoc'h.

13  Met ni hon eus an hevelep spered a feiz gant ar pezh a zo skrivet: Kredet em eus, setu perak em eus komzet. Ni ivez a gred, ha setu perak e komzomp,

14  oc'h anavezout penaos an hini en deus dasorc'het an Aotrou Jezuz, hon dasorc'ho ivez dre Jezuz, hag a raio deomp en em ziskouez ganeoc'h.

15  Rak an holl draoł-se a zo evidoc'h, evit ma teuio ar c'hras fonnus-se da sevel trugarekadennoł eus kalz evit gloar Doue.

16  Setu perak ne gollomp ket kalon. Ha petra bennak m'en em zistruj hon den a-ziavaez, hon den a-ziabarzh en em nevesa a zeiz da zeiz.

17  Rak hor glac'har skańv, hag a zle tremen, a ro ur pouez a c'hloar peurbadus ha meurbet gwelloc'h,

18  pa ne sellomp ket ouzh an traoł gwelus met ouzh an traoł diwelus. Rak an traoł gwelus n'int nemet evit un amzer, met ar re ziwelus a zo peurbadus.

 

Pennad 5

Hor chomlec'h en neńvoł

1  Gouzout a reomp a-dra-sur penaos mard eo distrujet an tabernakl-mań, hon ti douarel, hon eus en neńvoł un ti a zo eus Doue, un ti peurbadus n'eo ket graet gant dorn an den.

2  Evit kement-se eo e huanadomp, o c'hoantaat gant bervder gwiskań hon ti neńvel,

3  ha mard omp gwisket evel-se, ne vimp ket kavet en noazh.

4  E-pad ma'z emaomp en tabernakl-mań, e huanadomp dindan ar bec'h, o vezań ma fell deomp, e-lec'h bezań diwisket, bezań gwisket evit ma vo ar pezh a zo marvel lonket gant ar vuhez.

5  Hag an hini en deus hor c'hrouet evit kement-se (= gwiskań hon ti neńvel) eo Doue, hag en deus roet deomp ivez arrez ar Spered.

6  Evel-se ez omp bepred leun a fiziańs, ha gouzout a reomp penaos e-keit ha ma chomomp er c'horf-mań ez omp ezvezant eus an Aotrou,

7  rak kerzhout a reomp dre ar feiz ha nann dre ar gweled.

8  Bez' omp eta leun a fiziańs, hag e karomp gwelloc'h bezań ezvezant eus ar c'horf-mań ha chom bezant gant an Aotrou.

9  Setu perak ivez e klaskomp bezań kavet plijus gantań, pe e chomfemp bezant pe e vefemp ezvezant.

10  Rak ret eo deomp holl mont dirak lez-varn Krist, evit ma resevo pep hini ar pezh en devo graet en e gorf, pe ar mad pe an droug.

Adunvanet dre Jezuz-Krist

11  Oc'h anavezout eta an doujańs a zleer d'an Aotrou, e kendrec'homp an dud. Doue a anavez ac'hanomp, hag ec'h esperan penaos en ho koustiańsoł, ec'h anavezit ivez ac'hanomp.

12  N'en em erbedomp ket a-nevez dirazoc'h, met reiń a reomp deoc'h lec'h da gaout gloar ganeomp, evit ma c'hellot respont d'ar re a denn gloar eus an diavaez ha nann eus ar galon.

13  Rak mard omp diskiant ez eo evit Doue, ha mard omp a skiant vat ez eo evidoc'h.

14  Karantez Krist a wask ac'hanomp, o vezań ma kredomp penaos mard eo unan hepken marvet evit an holl, an holl eta a zo marvet,

15  ha mard eo marvet evit an holl, ez eo evit na vevo ken evito o-unan ar re a vev, met evit an hini a zo marvet ha dasorc'het evito.

16  Setu perak n'anavezomp ken den hervez ar c'hig bremań. Ha zoken mar hon eus anavezet Krist hervez ar c'hig, bremań n'anavezomp ken anezhań en doare-se.

17  Mar ez eus eta unan bennak e Krist, ur grouadenn nevez eo. An traoł kozh a zo tremenet, setu, an holl draoł a zo deuet da vezań nevez.

18  Dont a ra an holl draoł-se eus Doue, en deus hon adunvanet gantań dre Jezuz-Krist, hag en deus roet deomp ministrerezh an adunvanidigezh,

19  rak Doue a oa e Krist, oc'h adunvaniń ar bed gantań, hep kontań dezho o disentidigezh, ha lakaet en deus ennomp ar gomz a adunvanidigezh.

20  Kannaded evit Krist ez omp eta, evel pa vefe Doue oc'h aspediń drezomp: Pediń a reomp start abalamour da Grist, bezit adunvanet gant Doue!

21  Rak an hini n'en deus ket anavezet ar pec'hed, en deus graet dezhań da vezań pec'hed evidomp, evit ma teufemp da vezań reizhder Doue ennań.

 

Pennad 6

Dalc'husted Paol en e vinistrerezh

1  Pa labouromp eta gantań, e pedomp start ac'hanoc'h na zegemerot ket gras Doue en aner,

2  rak lavarout a ra: Da selaouet em eus en amzer vat, da sikouret em eus e deiz ar silvidigezh. Setu bremań an amzer vat, setu bremań deiz ar silvidigezh.

3  Ne roomp abeg ebet da gouezhań, e netra, evit na vo ket tamallet hor ministrerezh,

4  met en em ziskouez a reomp en holl draoł evel servijerien Doue, en un dalc'husted vras, er glac'haroł, er poanioł, en ankenioł,

5  er goulioł, en toulloł-bac'h, en dispac'hioł, el labourioł, er beilhoł, er yunoł,

6  er burentez, en anaoudegezh, er basianted, en douster, er Spered-Santel, en ur garantez wirion,

7  er gomz a wirionez, e galloud Doue, en armoł ar reizhder a zalc'her a-gleiz hag a-zehoł,

8  e-kreiz ar c'hloar hag an dismegańs, e-kreiz ar vrud fall hag ar vrud vat, o vezań kemeret evel touellerien ha ni gwirion koulskoude,

9  evel tud dianav ha ni anavezet mat koulskoude, evel marv ha setu e vevomp, evel kastizet ha nann lakaet d'ar marv,

10  evel glac'haret ha ni bepred laouen, evel peorien ha ni o pinvidikaat kalz, evel o kaout netra ha ni o perc'hennań an holl draoł koulskoude.

11  Hor genoł a zo digoret evidoc'h, Korintiz, hor c'halon a zo en em ledanaet,

12  n'oc'h ket war enk ennomp, met emaoc'h war enk en ho kreizon hoc'h-unan.

13  Roit ho kement all deomp, komz a ran ouzhoc'h evel ouzh va bugale, en em frankait hoc'h-unan ivez.

N'en em lakait ket dindan un hevelep yev gant tud difeiz

14  N'en em lakait ket dindan un hevelep yev gant tud difeiz. Rak peseurt heńvelded a zo etre ar reizhder hag an direizhder? Petra a zo kumun etre ar sklźrijenn hag an deńvalijenn?

15  Peseurt emglev a zo etre Krist ha Belial? Peseurt lod en deus an den a feiz gant an hini difeiz?

16  Peseurt keńver a c'hell bezań etre templ Doue hag an idoloł? Rak c'hwi eo templ an Doue bev, evel m'en deus lavaret Doue: Hag e chomin enno, hag e kerzhin enno, hag e vin o Doue, hag e vint va fobl.

17  Setu perak it kuit eus o c'hreiz ha dispartiit diganto, eme an Aotrou, na stokit ouzh netra dic'hlan, hag e tegemerin ac'hanoc'h.

18  Me a vo evidoc'h un tad, ha c'hwi a vo evidon mibien ha merc'hed, eme an Aotrou holl-c'halloudek.

 

Pennad 7

An dristidigezh hervez Doue

1  Peogwir hon eus hevelep promesaoł, re garet-mat, en em c'hlanaomp eus pep hudurniezh eus ar c'hig hag eus ar spered, o kas da benn hor santeladur e doujańs Doue.

2  Degemerit-ni, n'hon eus graet droug da zen, n'hon eus noazet da zen, n'hon eus graet hor mad eus den.

3  Ne lavaran ket kement-mań evit ho kondaoniń, rak dija em eus lavaret ez oc'h en hor c'halonoł evit mervel asambles hag evit bevań asambles.

4  Kalz hardizhegezh am eus o komz ouzhoc'h, ul lec'h mat am eus da dennań gloar ac'hanoc'h, leuniet on a frealz, karget on a levenez e-kreiz hon holl c'hlac'haroł.

5  Rak abaoe ma'z on deuet e Makedonia, hor c'hig n'en deus bet diskuizh ebet, met glac'haret omp bet e pep doare: stourmoł en diavaez hag aon en diabarzh.

6  Met Doue hag a frealz ar re a zo dinerzhet, en deus hor frealzet dre zonedigezh Tit,

7  ha nann hepken dre e zonedigezh, met ivez dre ar frealz en deus bet diganeoc'h. Roet en deus deomp da anavezout ho c'hoant bras, ho taeroł, ho kred evidon, e doare m'eo bet kresket va levenez.

8  Petra bennak ma em eus ho tristaet gant va lizher, ne'm eus ket keuz a gement-se, zoken mar em eus bet keuz a-se dija, rak gwelout a ran penaos al lizher-se en deus ho tristaet nemet evit ur pennad amzer.

9  Bremań en em laouenaan, n'eo ket dre ma em eus ho tristaet, met dre ma he deus ho tristidigezh ho kaset da gaout keuz, rak tristaet oc'h bet hervez Doue, e doare ma n'hoc'h eus bet koll ebet eus hor perzh.

10  Rak an dristidigezh hervez Doue a ro ur c'heuz a gas d'ar silvidigezh, ha ne vo biken kerse anezhi, met tristidigezh ar bed a ro ar marv.

11  Rak setu, an hevelep tristidigezh-se hervez Doue, nag a resevender n'he deus ket degaset ennoc'h, nag a zidamalloł, nag a vrouez, nag a zoujańs, nag a c'hoant, nag a gred, nag a gastiz! Diskouezet hoc'h eus e pep keńver ez oc'h glan en afer-se.

12  Evel-se pa em eus skrivet deoc'h, ne oa ket abalamour d'an hini en doa graet an droug, nag abalamour d'an hini a oa bet graet dezhań, met evit reiń da anavezout deoc'h ar preder am eus evidoc'h dirak Doue.

13  Frealzet omp bet eta dre ho frealz, met muioc'h c'hoazh ez omp bet laouenaet dre levenez Tit, rak e spered a zo bet adsavet ganeoc'h holl.

14  Mar em eus tennet gloar ac'hanoc'h un tammig dirazań, ne'm eus ket bet mezh a-se, met evel ma hon eus lavaret an holl draoł hervez ar wirionez, ar pezh am eus tennet gloar anezhań dirak Tit a zo en em gavet gwir.

15  E garantez evidoc'h a zeu da vezań c'hoazh brasoc'h p'en deus sońj eus sentidigezh pep hini ac'hanoc'h, hag eus an doare m'hoc'h eus e zegemeret gant doujańs ha krenadenn.

16  En em laouenaat a ran eta dre ma em eus fiziańs ennoc'h en holl draoł.

 

Pennad 8

Dastum-arc'hant evit Iliz Jeruzalem

1  A-hend-all breudeur, e roomp da anavezout deoc'h ar c'hras en deus roet Doue da Ilizoł Makedonia,

2  penaos, o vezań bet amprouet dre galz a c'hlac'haroł, e-kreiz puilhentez o levenez hag o brasań paourentez, o deus skuilhet gant fonnder madoł o largentez.

3  Rak testeniań a ran, roet o deus eus o fenn o-unan, hervez o galloud, zoken en tu all d'o galloud,

4  o pediń ac'hanomp start da resev ar c'hras da gemer o lodenn er servij evit ar sent.

5  N'o deus ket zoken graet evel ma esperemp, met en em roet o deus o-unan da gentań d'an Aotrou, ha deomp-ni ivez goude-se dre volontez Doue,

6  e doare ma hon eus pedet Tit da echuiń an oberenn-se a c'hras en ho touez, peogwir en doa kroget ganti.

7  Evel ma fonnit e pep tra, e feiz, e komz, en anaoudegezh, e gred a bep doare, e karantez evidomp, fonnit ivez en oberenn-se a c'hras.

8  Ne lavaran ket kement-se evit reiń ur gourc'hemenn, met dre skouer gred ar re all, evit amprouiń gwirionded ho karantez.

9  Rak anavezout a rit gras an Aotrou Jezuz-Krist, o vezań pinvidik eo en em c'hraet paour evidoc'h, evit ma vefec'h rentet pinvidik dre e baourentez.

10  E kement-se e roan deoc'h un ali, hag e tere ouzhoc'h, c'hwi hag hoc'h eus nann hepken kroget gant an oberenn-se, met ivez hoc'h eus bet ar youl d'hec'h ober adalek ar bloaz tremenet.

11  Peurechuit eta bremań an oberenn-se, hag evel ma hoc'h eus diskouezet ar youl anezhi, kasit-hi da benn ivez hervez ho kalloud.

12  Rak mard emań ar youl vat da gentań, un den a zo kavet mat hervez ar pezh a zo ha nann hervez ar pezh n'eus ket.

13  Arabat eo deoc'h bezań re vec'hiet evit ma vo sikouret ar re all,

14  met ra vo ingalded etrezoc'h: ra zeuio ho fonnder da sikour en amzer a-vremań o faourentez, evit ma teuio o fonnder ivez da sikour ho paourentez, e doare ma vo ingalded,

15  hervez ma'z eo skrivet: An hini en doa dastumet kalz n'en doa ket re, hag an hini en doa dastumet nebeut ne vanke ket dezhań.

16  Grasoł ra vo rentet da Zoue rak lakaet en deus an hevelep resevender evidoc'h e kalon Tit,

17  degemeret mat en deus hon ali, hag eo aet en hent d'ho kwelout a-youl-frank ha gant muioc'h a hast.

18  Kaset hon eus gantań ar breur a zo skuilhet e veuleudi en holl Ilizoł er pezh a sell ouzh an Aviel,

19  hag ouzhpenn-se a zo bet dibabet gant an Ilizoł evit dont ganeomp en hor beaj, hag evit kas an aluzenoł-se a veromp evit gloar an Aotrou e-unan hag hervez tizh ho kred.

20  Kemeret hon eus ar preder-se evit na c'hello den rebech ac'hanomp e-keńver mererezh an aluzenoł fonnus-se,

21  o klask ober ar pezh a zo mat, nann hepken dirak an Aotrou, met ivez dirak an dud.

22  Kaset hon eus ganto hor breur all hon eus alies amprouet e c'hred e meur a wech, hag en devo muioc'h c'hoazh ar wech-mań, abalamour d'ar fiziańs vras en deus ennoc'h.

23  Evel-se diwar-benn Tit, ez eo va c'henseurt ha va c'henlabourer en ho kounid; diwar-benn hor breudeur, ez int ar re gaset gant an Ilizoł ha gloar Krist.

24  Roit eta dezho, dirak an Ilizoł, prouennoł eus ho karantez hag eus al lec'h hon eus da dennań gloar ac'hanoc'h.

 

Pennad 9

1  N'eo ket ret din skrivań deoc'h diwar-benn an aluzenoł evit ar sent,

2  rak anavezout a ran ho resevender, hag abalamour dezhań e tennan gloar ac'hanoc'h dirak ar Vakedoniz, o vezań ma'z eo prest Akaia abaoe warlene. Hag ho kred en deus bountet un niver bras.

3  Kaset em eus ar vreudeur evit na vo ket hor gloar ac'hanoc'h en aner e-keńver-se, hag evit ma viot prest evel ma em eus lavaret,

4  gant aon ma teufe Makedoniz ganin ha na vefec'h ket kavet prest, na drofe kement-se d'hor mezh, evit tremen hep lavarout d'hoc'h hini, en abeg d'ar c'hloar hon eus tennet ac'hanoc'h.

5  Kavet em eus mat e oa ret pediń ar vreudeur da vont da gentań d'ho kavout, ha da echuiń da gempenn al largentez hoc'h eus dija prometet, evit ma vo prest nann evel frouezh ar bizhoni met evel ul largentez.

6  A-hend-all e lavaran deoc'h: An hini a had gant pizhoni a vedo ivez gant pizhoni, hag an hini a had gant largentez a vedo ivez gant largentez ivez.

7  Ra roio pep hini hervez ar pezh m'en deus sońjet en e galon, nann gant keuz na dre ret, rak Doue a gar an hini a ro gant levenez.

8  Ha Doue a zo galloudek evit ho leuniań a bep seurt grasoł, evit ma kreskot en holl oberoł mat, o kaout atav hag e pep tra kement hoc'h eus ezhomm,

9  hervez ma'z eo skrivet: Skuilhet en deus, roet en deus d'ar beorien, e reizhder a bad da viken.

10  Hogen an hini hag a ro had d'an hader, a roio deoc'h bara da zebriń, a gresko deoc'h hoc'h had, hag a lakaio da liesaat frouezh ho reizhder,

11  hag e viot pinvidikaet e pep doare, evit ma c'hellot ober pep largentez, a lakaio ac'hanomp da rentań trugarekadennoł da Zoue.

12  Rak sevenedigezh ar servij-se a bourvez da ezhommoł ar sent, hag ouzhpenn-se c'hoazh eo ur vammenn fonnus a drugarekadennoł a vo rentet da Zoue gant meur a hini.

13  Reiń a raint gloar da Zoue evit ar sentidigezh a ziskouezit e-keńver Aviel Krist dre vuhezadur ar sikour-se, hag evit ho largentez gwirion en o c'heńver hag e-keńver an holl.

14  Pediń a reont evidoc'h, o karout ac'hanoc'h kalz abalamour d'ar c'hras dispar en deus Doue roet deoc'h.

15  Ra vo rentet trugarekadennoł da Zoue evit e zonezon dilavarus!

 

Pennad 10

Paol a zifenn e vinistrerezh

1  Me Paol a bed ac'hanoc'h, dre zouster ha madelezh Krist, me hag a zo uvel dirazoc'h, met leun a hardizhegezh en ho keńver pa'z on pell diouzhoc'h,

2  ho pediń a ran na vo ket ret din, pa vin ganeoc'h, implijout gant fiziańs an hardizhegezh-se am eus sońj d'ober ganti a-enep hiniennoł a sell ouzhimp evel pa gerzhfemp hervez ar c'hig.

3  Rak petra bennak ma kerzhomp er c'hig, ne stourmomp ket hervez ar c'hig,

4  rak hon armoł a vrezel n'int ket kigel, met galloudek int dre Zoue evit diskar ar c'hreńvlec'hioł,

5  o tistrujań an arguzennoł, ha pep uhelder en em sav a-enep anaoudegezh Doue, hag o tegas pep sońjezon da vezań dalc'het da sentidigezh ouzh Krist.

6  Ha prest omp da gastizań pep disentidigezh, goude ma vo deuet peurglok ho sentidigezh.

7  Sellout a rit an traoł diouzh o diavaez? Ma'z eus unan bennak hag a gred ennań e-unan ez eo da Grist, ra gredo ivez ennań e-unan penaos, evel ma'z eo-eń da Grist, ni ivez a zo da Grist.

8  Ha mar tennan gloar un tamm re eus ar galloud en deus an Aotrou roet deomp evit kenteliań ha nann evit ho tistrujań, ne'm eus mezh ebet,

9  ha ne fell ket din kaout doare d'ober aon deoc'h dre va lizheroł.

10  Rak, eme an dud, e lizhiri a zo garv ha nerzhus, met pa vez amań, e zoare a zo dinerzh, hag e gomz a zo dispriz.

11  Ra ouezo an hini a sońj evel-se penaos evel ma'z omp en hor c'homzoł en hol lizhiri o vezań pell, evel-se ivez ez omp en hon oberoł o vezań dirazoc'h.

12  Ne gredomp ket en em unaniń pe en em geńveriań ouzh hiniennoł e-touez ar re en em veul o-unan. Met oc'h en em vuzuliań o-unan drezo o-unan hag oc'h en em geńveriań o-unan outo o-unan, e tiskouezont n'o deus skiant ebet.

13  Met ne dennomp ket gloar en tu all d'hor muzul. Er c'hontrol e chomomp e-barzh ar muzul eus al lodenn en deus Doue roet deomp evit dont betek ennoc'h.

14  N'en em astennomp ket pelloc'h eget n'eo dleet, evel pa ne vijemp ket deuet betek ennoc'h. Met gwir eo ez omp deuet betek ennoc'h gant Aviel Krist.

15  Ne dennomp ket gloar en tu all d'hor muzul, evel e labourioł ar re all, met spi hon eus, gant ho feiz o kreskiń, en em astennimp kalz pelloc'h en ur chom el lodenn a zo merket deomp,

16  hag e prezegimp an Aviel en tu all d'ho pro, hep tennań gloar eus ar pezh a zo dija bet graet e lodenn ar re all.

17  Ha ra fougeo en Aotrou an hini a fouge.

18  Rak n'eo ket an hini en em erbed e-unan a vez aprouet, met an hini a zo erbedet gant an Aotrou.

 

Pennad 11

Paol hag ar fals-ebestel

1  Plijus e vefe din ma c'hellfec'h gouzańv un tamm va follentez; ya, me ho ped, gouzańvit-me!

2  Rak gwarizi am eus ouzhoc'h, ur warizi eus Doue, dre ma em eus unanet ac'hanoc'h gant ur pried hepken, evit ho kinnig da Grist evel ur werc'hez c'hlan.

3  Met evel ma touellas an naer Eva dre widre, aon am eus na zeufe ivez ho sońjoł d'en em vreinań diouzh an eeunder a zo e Krist.

4  Rak mar deufe unan bennak da brezeg deoc'h ur Jezuz all disheńvel diouzh an hini hon eus prezeget, pe mar resevfec'h ur Spered all disheńvel diouzh an hini hoc'h eus resevet, pe un Aviel all disheńvel diouzh an hini hoc'h eus degemeret, en gouzańvfec'h mat.

5  Met krediń a ran n'on bet e netra izeloc'h eget ar wellań ebestel.

6  Mard on evel un den izel e-keńver ar gomz, n'on ket e-keńver an anaoudegezh. Henn roet hon eus da anavezout en ho touez e pep doare hag en holl draoł.

7  Graet em eus eta ur pec'hed oc'h en em izelaat va-unan evit ma vefec'h uhelaet, pa em eus prezeget deoc'h evit netra Aviel Doue?

8  Diwisket em eus Ilizoł all, o resev diganto ur gopr evit ho servijań.

9  Pa'z on bet en em gavet en ezhomm en ho touez, n'on bet ur bec'h da zen ebet, rak ar vreudeur deuet eus Makedonia o deus pourvezet d'ar pezh a vanke din. En holl draoł em eus diwallet da vezań ur bec'h deoc'h, hag en em virin c'hoazh.

10  Dre wirionez Krist a zo ennon, ne vo ket lamet diganin al lec'h a c'hloar-se e broioł eus Akaia.

11  Perak? O vezań n'ho karan ket? Doue a oar.

12  Met kement-se a ran hag a rin c'hoazh, evit lemel pep digarez digant ar re a glask un digarez da vezań kavet kevatal deomp en traoł a dennont gloar diouto.

13  Rak hevelep tud a zo fals-ebestel, labourerien douellus dic'hizet en ebestel Krist.

14  Ha kement-se n'eo ket souezhus, rak Satan e-unan en em zic'hiz en un ael a sklźrijenn.

15  N'eo ket un dra sebezus eta ma en em zic'hizont ivez e servijerien ar reizhder, met o diwezh a vo hervez o oberoł.

16  Henn lavarout a ran c'hoazh, arabat da zen va c'hemer evel un den diskiant. Pe neuze, va degemerit evel un diskiant, evit ma en em roin gloar un tamm ivez.

17  Ar pezh ez an da lavarout, n'eo ket hervez an Aotrou met evel dre follentez, gant ar fiziańs e c'hellan kavout gloar ennań.

18  Pa en em ro gloar meur a hini hervez ar c'hig, en em roin gloar me ivez,

19  dre ma c'houzańvit a-volontez-vat ar re foll, c'hwi o vezań fur.

20  Mar deu unan bennak d'ho mestroniań, mar lonk ac'hanoc'h, mar krog ennoc'h, mar en em uhela, mar sko war ho tremm, e c'houzańvit kement-se.

21  Mezh am eus o lavarout-se, ni a zo bet gwan, koulskoude kement tra a gred ober unan all, e komzan gant follentez, me a gred ivez henn ober.

22  Hebreed int? Me ivez. Israeliz int? Me ivez. Eus lignez Abraham int? Me ivez.

23  Servijerien Krist int? Komz a ran gant follentez, me 'zo muioc'h c'hoazh, kalz muioc'h el labourioł, kalz muioc'h er goulioł, muioc'h en toulloł-bac'h, alies e riskl ar marv,

24  pemp gwech em eus bet digant ar Yuzevien daou-ugent taol nemet unan,

25  teir gwech on bet pilet gant gwalinier, ur wech on bet meinataet, teir gwech em eus graet peńse, tremenet em eus un nozvezh hag un devezh en donder,

26  alies on bet e beaj, e riskl war ar stźrioł, e riskl a-berzh al laeron, e riskl a-berzh va c'henvroiz, e riskl a-berzh ar broadoł, e riskl er c'hźrioł, e riskl er gouelec'hioł, e riskl war vor, e riskl e-touez ar fals-breudeur,

27  er poanioł, el labourioł, er beilhadennoł alies, en naon, er sec'hed, alies er yunoł, er yenijenn, en noazhder.

28  Hep komz eus traoł an diavaez, bemdez ez on arsailhet gant prederioł an holl Ilizoł.

29  Piv a zo gwan, ha ne vefen gwan ivez? Piv a zeu da gouezhań, ha ne vefen ivez devet?

30  Mard eo ret en em reiń gloar, e tennin gloar a-ziwar va gwander.

31  An Doue ha Tad eus hon Aotrou Jezuz-Krist, benniget ra vo da virviken, a oar ne lavaran ket a c'hevier.

32  E Damask, gouarnour ar roue Aretaz en doa lakaet da ziwall kźr an Damaskenianed evit kregiń ennon,

33  met diskennet e oan en ur baner dre ur prenestr, a-hed ar voger, hag em eus tec'het diouzh e zaouarn.

 

Pennad 12

Gweledigezhioł Paol

1  A dra-sur ne zere ket ouzhin en em reiń gloar, dre ma teuin da gomz eus gweledigezhioł ha diskuliadurioł a-berzh an Aotrou.

2  Anavezout a ran un den e Krist a voe savet betek an trede neńv ouzhpenn pevarzek vloaz 'zo, pe e voe en e gorf, n'ouzon ket, pe e voe er-maez eus e gorf, n'ouzon ket, Doue a oar.

3  Gouzout a ran penaos an den-se, pe e voe en e gorf pe e voe er-maez eus e gorf, n'ouzon ket, Doue a oar,

4  a voe savet er baradoz, hag a glevas gerioł dilavarus ha ne c'hell ket un den o distagań.

5  Tennań a rin gloar eus an den-se, met ne dennin ket gloar ac'hanon va-unan, nemet eus va gwander.

6  Ma fellfe din en em reiń gloar, ne vefen ket diskiant, ha ne lavarfen nemet ar wirionez, met en em virout a ran evit na veulo den ac'hanon en tu all d'ar pezh a wel ennon pe d'ar pezh a glev diganin.

7  Ha gant aon n'en em c'hwezhfen re en abeg da vrasted dispar an diskuliadurioł-se, eo bet lakaet din em c'hig ur broud, un ael eus Satan da'm jodata, evit va herzel d'en em uhelaat.

8  Teir gwech em eus pedet an Aotrou d'e bellaat diouzhin,

9  met lavaret en deus din: Va gras a zo a-walc'h evidout, rak va galloud en em ziskouez er gwander. Tennań a rin gloar eta kentoc'h eus va gwander, evit ma chomo galloud Krist ennon.

10  Setu perak en em blijout a ran er gwander, en dismegańsoł, en ezhommoł, en heskinoł, en ankenioł, abalamour da Grist. Rak pa'z on gwan, neuze ez on kreńv.

Nec'het eo Paol

11  Diskiant on bet oc'h en em reiń gloar, met c'hwi eo hoc'h eus va rediet da vezań. Rak ganeoc'h eo e tleen bezań erbedet, dre ma n'on bet izeloc'h e tra ebet eget re wellań an ebestel, petra bennak ma n'on netra.

12  Ar prouennoł eus va abostolerezh a zo bet diskouezet en ho touez dre ur basianted leun, dre arouezioł, burzhudoł ha mirakloł.

13  Rak e petra hoc'h eus bet nebeutoc'h eget an Ilizoł all, nemet n'on ket bet ur bec'h deoc'h? Pardonit din ar gwall-se.

14  Setu, evit an trede gwech ez on prest da vont d'ho kavout, ha ne vin ket ur bec'h deoc'h, rak n'eo ket ho madoł a glaskan, c'hwi hoc'h-unan eo. Evit gwir, n'eo ket d'ar vugale dastum evit o zud, met d'an dud evit o bugale.

15  Me avat a zispigno a galon-vat, hag en em zispignin va-unan evit hoc'h eneoł, zoken ma vin karet nebeutoc'h ganeoc'h, ouzh ho karout muioc'h.

16  Mat! Ne vefen ket bet ur bec'h deoc'h, met o vezań un den troidellus, em befe ho kemeret dre widre.

17  Hag-eń em eus tennet ur gounid bennak diganeoc'h dre unan bennak eus ar re am eus kaset deoc'h?

18  Dibabet em eus Tit ha kaset em eus ur breur gantań. Hag-eń en deus tennet Tit ur gounid bennak diganeoc'h? Hag-eń n'hon eus ket kerzhet, eń ha me, en hevelep spered ha war an hevelep roudoł?

19  Krediń a rit e fell deomp adarre en em zidamall dirazoc'h? Komz a reomp dirak Doue e Krist, ha kement-se holl, re garet mat, evit ho kenteliań.

20  Rak aon am eus, pa'z in d'ho kavout, na gavin ket ac'hanoc'h evel ma fell din, ha ma kavot ac'hanon evel na fell ket deoc'h, ha na vo tabutoł, gwarizi, kasonioł, dirollerezh, droukkomzoł, falstamalloł, lorc'hentez, trubuilhoł,

21  hag o vezań distroet d'ho kavout, na rofe Doue din mezh en ho touez, ha na'm befe da ouelań war meur a hini eus ar re o deus pec'het diagent ha n'o deus ket bet keuz eus an dic'hlanded, eus an hudurniezh, hag eus ar gasterezh o deus en em roet ennań.

 

Pennad 13

Alioł diwezhań ha saludoł da glozań

1  Setu an trede gwech ma'z an d'ho kavout. War c'her daou pe dri dest e vo kadarnaet pep tra.

2  Lavaret em eus dija hag henn lavarout a ran adarre, evel ma vijen en ho touez an eil gwech daoust din bezań bremań pell diouzhoc'h, e skrivan d'ar re o deus pec'het diagent ha d'an holl re all, penaos mar distroan n'espernin den,

3  pa glaskit ur brouenn emań Krist o komz drezon, eń ha n'eo ket dinerzh en ho keńver met a zo galloudek ennoc'h.

4  Rak petra bennak ma'z eo bet kroazstaget er gwander, koulskoude ez eo bev dre c'halloud Doue. Ni ivez a zo gwan ennań, met bevań a raimp gantań dre c'halloud en ho touez.

5  En em sellit hoc'h-unan da welout hag-eń emaoc'h er feiz, en em amprouit hoc'h-unan. Daoust ha n'anavezit ket hoc'h-unan penaos emań Jezuz-Krist ennoc'h? Nemet e vefec'h marteze dianzavet.

6  Ha spi am eus ec'h anavezot penaos n'omp ket ni dianzavet.

7  Met pediń a ran Doue na rafec'h droug ebet, nann evit ma vefemp kavet mat, met evit ma reot ar pezh a zo dereat d'ober, ha pa zlefemp-ni bezań evel dianzavet hon-unan.

8  Rak n'hon eus galloud ebet a-enep ar wirionez, met evit ar wirionez hepken.

9  Laouen omp pa vezomp gwan gant ma viot kreńv. Hag ar pezh a c'houlennomp, eo ma teuiot da vezań peurvat.

10  Setu perak e skrivan an traoł-se o vezań pell diouzhoc'h, evit pa vin en ho touez, na'm bo ket da vezań garv ganeoc'h, hervez ar galloud en deus an Aotrou roet din evit kenteliań ha nann evit distrujań.

11  A-hend-all, breudeur, en em laouenait, bezit peurvat, en em frealzit, bezit eus un hevelep santad, bevit e peoc'h, hag an Doue a garantez hag a beoc'h a vo ganeoc'h.

12  En em saludit an eil egile dre ur pok santel.

13  An holl sent a salud ac'hanoc'h.

14  Gras an Aotrou Jezuz-Krist, karantez Doue, ha kenunvaniezh ar Spered-Santel ra vo ganeoc'h holl! Amen.