EIL LIZHER PAOL D'AN DESALONIKIZ

 

Pennad 1

1  Paol, Silvan ha Timote, da Iliz an Desalonikiz a zo e Doue hon Tad hag en Aotrou Jezuz-Krist:

2  Ar c'hras hag ar peoc'h ra vo roet deoc'h a-berzh Doue hon Tad hag a-berzh an Aotrou Jezuz-Krist!

Trugarekadenn ha pedenn

3  Breudeur, ret eo deomp trugarekaat Doue dalc'hmat evidoc'h, evel ma'z eo dereat, abalamour ma kresk ho feiz muioc'h-muiań ha ma fonn ar garantez hoc'h eus an eil e-keńver egile,

4  e doare ma tennomp gloar ac'hanoc'h en Ilizoł Doue, abalamour d'ho pasianted ha d'ho feiz, en hoc'h holl heskinoł hag er glac'haroł a c'houzańvit,

5  ar pezh a zo ur brouenn eus barnedigezh reizh Doue, evit ma vefec'h kontet dellezek eus rouantelezh Doue a c'houzańvit poan eviti.

6  Rak reizh eo dirak Doue ma rentfe ar glac'har d'ar re ho klac'har,

7  ha ma rofe deoc'h-c'hwi hag a zo glac'haret, an diskuizh ganeomp, pa en em ziskouezo an Aotrou Jezuz eus an neńv gant aeled e c'halloud,

8  en ur flamm-tan, o tennań veńjańs eus ar re n'anavezont ket Doue ha na sentont ket ouzh Aviel hon Aotrou Jezuz-Krist.

9  Gouzańv a raint o c'hastiz, ur gollidigezh peurbadus pell diouzh dremm an Aotrou ha diouzh gloar e c'halloud,

10  pa zeuio evit resev gloar d'an deiz-se en e sent, hag evit bezań gwelet gant boem en holl re o devo kredet, ha kredet hoc'h eus d'hon testeni en ho touez.

11  Setu perak ivez e pedomp dalc'hmat evidoc'h, evit ma kavo hon Doue ac'hanoc'h dellezek eus e c'halvidigezh, ha ma peurc'hraio gant galloud holl sońjoł hegarat e vadelezh hag oberenn ar feiz,

12  ha ma vo roet gloar da anv hon Aotrou Jezuz-Krist ennoc'h, ha deoc'h ennań, hervez gras hon Doue hag an Aotrou Jezuz-Krist.

 

Pennad 2

Donedigezh an Aotrou hag emziskouez mab ar gollidigezh

1  Diwar-benn donedigezh hon Aotrou Jezuz-Krist hag hon unaniezh gantań, e pedomp ac'hanoc'h, breudeur,

2  n'en em lezit ket da vezań brańsellet aezet en ho sońjoł, ha da vezań nec'het gant ur spered, gant ur gomz, pe gant ul lizher a vefe lavaret dont eus hor perzh, evel ma vije aze dija deiz Krist.

3  Arabat da zen touellań ac'hanoc'h e doare ebet. Rak ret eo e c'hoarvez an apostazia da gentań, hag en em ziskouez an den a bec'hed, mab ar gollidigezh;

4  enebiń a ra hag en em sevel a ra ouzh kement a anver Doue pe a azeuler, betek mont da azezań evel Doue e templ Doue, ha d'en em reiń e-unan evel Doue.

5  Hag-eń n'hoc'h eus ket sońj em eus lavaret an traoł-se deoc'h pa oan c'hoazh ganeoc'h?

6  Ha bremań gouzout a rit petra a harz outań, evit ma n'en em ziskouezo nemet en e amzer.

7  Rak mister an direizhder a labour dija, met an hini a harz outań bremań, a harzo outań hepken betek ma vo tennet kuit.

8  Ha neuze en em ziskouezo ar Fallakr, a vo distrujet gant an Aotrou dre c'hwezh e c'henoł, ha kaset da netra gant splannder e zonedigezh.

9  Emziskouez ar Fallakr-se a c'hoarvezo dre nerzh Satan, gant pep seurt galloud, arouezioł ha burzhudoł faos,

10  ha gant holl douellerezh an direizhder e-touez ar re en em goll, dre ma n'o deus ket degemeret karantez ar wirionez evit bezań salvet.

11  Setu perak Doue a gaso dezho un nerzh a ziheńchań, e doare ma kredint d'ar gaou,

12  evit ma vo kondaonet an holl re n'o deus ket kredet er wirionez, met o deus kemeret plijadur en direizhder.

Dalc'hit start

13  Ret eo deomp trugarekaat Doue dalc'hmat evidoc'h, breudeur karet-mat gant an Aotrou, dre m'en deus Doue ho tibabet abaoe ar penn-kentań evit ar silvidigezh, dre santeladur ar Spered, ha dre ar feiz er wirionez.

14  Ho kalvet en deus da gement-se dre hon Aviel, evit ma vo ganeoc'h gloar hon Aotrou Jezuz-Krist.

15  Setu perak, breudeur, chomit start, ha dalc'hit ar gelennadurezh hoc'h eus resevet dre hor c'homz pe dre hol lizher.

16  Hon Aotrou Jezuz-Krist e-unan, ha Doue hon Tad, hag en deus hor c'haret ha roet deomp dre e c'hras ur frealz peurbadus hag un esperańs vat,

17  ra frealzint ho kalonoł ha ra greńvaint ac'hanoc'h e pep komz vat hag e pep oberenn vat.

 

Pennad 3

1  A-hend-all, breudeur, pedit evidomp evit ma en em skuilho komz an Aotrou, ha ma vo roet gloar dezhań evel ma'z eo en ho touez,

2  hag evit ma vimp dieubet eus an dud diroll ha fall, rak an holl n'o deus ket ar feiz.

3  An Aotrou a zo feal, eń ho kreńvaio hag ho tiwallo diouzh an droug.

4  Ar fiziańs-mań hon eus en ho keńver en Aotrou, penaos e rit hag e reot an traoł a c'hourc'hemennomp deoc'h.

5  Ra reno an Aotrou ho kalonoł da garantez Doue ha da basianted Krist.

Kemenn diwar-benn an dizurzh

6  Breudeur, gourc'hemenn a reomp deoc'h, en anv hon Aotrou Jezuz-Krist, da bellaat diouzh pep breur a vev en dizurzh, ha nann hervez ar gelennadurezh en deus bet diganeomp.

7  Rak anavezout a rit hoc'h-unan penaos eo ret evidoc'h heńvelout ouzhimp, rak n'hon eus ket bevet en ho touez en dizurzh.

8  N'hon eus debret evit netra bara den, met er boan hag er skuizhder hon eus labouret noz-deiz evit na vijemp ket ur bec'h da hini ac'hanoc'h.

9  N'eo ket dre ma n'hor boa ket ar galloud d'henn ober, nemet e oa evit reiń deoc'h ennomp ur skouer da heuliań.

10  Evel-se p'edomp ganeoc'h, disklźriet hon eus deoc'h penaos piv bennak na fell ket dezhań labourat ne zle ket debriń kennebeut.

11  Koulskoude e klevomp ez eus en ho touez hiniennoł a vev en dizurzh, hep labourat met o koll o amzer e traoł didalvoud.

12  Ar re-se a bedomp hag a aliomp start dre hon Aotrou Jezuz-Krist, da labourat gant peoc'h evit debriń o bara o-unan.

13  Met c'hwi, breudeur, na skuizhit ket oc'h ober ar mad.

14  Ha ma ne sent ket unan bennak ouzh ar pezh a lavaromp el lizher-mań, merkit-eń ha chomit hep e zaremprediń evit m'en devo mezh.

15  Koulskoude na sellit ket outań evel ouzh un enebour, met kelennit-eń evel ur breur.

Saludoł da glozań

16  An Aotrou a beoc'h e-unan ra roio deoc'h ar peoc'h e pep amzer hag e pep doare! Ra vo an Aotrou ganeoc'h holl!

17  Me Paol, a salud ac'hanoc'h eus va dorn va-unan. Hennezh eo va sinadur em holl lizhiri, evel-se eo e skrivan.

18  Gras hon Aotrou Jezuz-Krist ra vo ganeoc'h holl! Amen.