EIL LIZHER PAOL DA DIMOTE

 

Pennad 1

1  Paol, abostol Jezuz-Krist dre volontez Doue evit prezeg promesa ar vuhez a zo e Jezuz-Krist,

2  da Dimote, va mab karet-mat: Ar c'hras, an drugarez hag ar peoc'h ra vo roet dit a-berzh Doue hon Tad hag a-berzh Jezuz-Krist hon Aotrou!

Enaouiń a-nevez donezon Doue

3  Trugarekaat a ran Doue, a servijan gant ur goustiańs c'hlan evel va hendadoł, rak noz ha deiz ne baouezan da gaout sońj ac'hanout em fedennoł,

4  o kaout eńvor eus da zaeroł, hag o c'hoantaat gwelout ac'hanout evit bezań leuniet a levenez,

5  hag o virout ar sońj eus ar feiz gwirion a zo ennout, a zo bet da gentań ez mamm-gozh Loiz hag ez mamm Euniz, hag a zo ennout ivez, me a zo sur-mat.

6  Setu perak e tegasan sońj dit da enaouiń a-nevez donezon Doue a zo bet roet dit dre lakadur va daouarn.

7  Rak Doue n'en deus ket roet deomp ur spered a lentegezh, met ur spered a nerzh, a garantez hag a emvestroni.

8  Na'z pez ket mezh eta eus testeni hon Aotrou, na mezh ac'hanon e brizoniad, met gouzańv poan ganin evit an Aviel dre c'halloud Doue,

9  en deus hor salvet hag hor galvet dre ur c'halvedigezh santel, nann hervez hon oberoł, met hervez e ziviz e-unan, hag hervez e c'hras a zo bet roet deomp e Jezuz-Krist a-raok an amzerioł peurbadus,

10  hag a zo bet bremań disklźriet dre zonedigezh hor Salver Jezuz-Krist, en deus distrujet ar marv, ha lakaet er sklźrijenn ar vuhez hag an divarvelezh dre an Aviel,

11  ez on bet lakaet evitań da brezeger, da abostol ha da zoktor ar broadoł.

12  En abeg da-se eo e c'houzańvan an traoł-se, met ne'm eus ket mezh rak gouzout a ran e piv em eus kredet, ha sur on eo galloudek evit mirout va fiziad betek an deiz-se.

13  Dalc'h, er feiz hag er garantez a zo e Jezuz-Krist, ar skouer eus ar c'homzoł yac'h ac'h eus klevet diganin.

14  Gant sikour ar Spered-Santel a chom ennomp, mir an traoł mat bet fiziet ennout.

15  Gouzout a rez penaos an holl re a zo en Azia o deus dilezet ac'hanon, en o zouez emań Fijel hag Hermojen.

16  Ra raio an Aotrou trugarez da diegezh Onezifor, rak alies en deus va frealzet ha n'en deus ket bet mezh eus va chadennoł,

17  er c'hontrol, pa'z eo deuet da Rom, en deus va c'hlasket gant gred hag en deus va c'havet.

18  Ra roio an Aotrou dezhań kaout trugarez dirak an Aotrou en deiz-se. Gouzout a rez gwelloc'h eget nikun pegement eo bet talvoudus din en Efez.

 

Pennad 2

Ur gwir soudard da Jezuz-Krist

1  Te eta, va mab, en em greńva er c'hras a zo e Jezuz-Krist.

2  An traoł ac'h eus klevet diganin dirak meur a dest, fizi-int e tud feal a vo barrek da gelenn ivez ar re all.

3  Te eta, gouzańv ar poanioł, evel ur gwir soudard da Jezuz-Krist.

4  Den ebet oc'h ober ar brezel n'en em laka e poan eus traoł ar vuhez-mań, evit plijout d'an hini en deus enrollet anezhań.

5  Ha mar gouren unan bennak en atleterezh, ne vo kurunet nemet gourenet en defe hervez ar reolennoł.

6  Al labourer-douar en deus poaniet a zo an hini kentań o tastum ar frouezh.

7  Taol evezh ouzh ar pezh a lavaran, ra roio an Aotrou skiant dit e pep tra.

8  Az pez sońj eus Jezuz-Krist, deuet eus lignez David, dasorc'het eo a-douez ar re varv hervez va Aviel,

9  evitań e c'houzańvan poan, betek bezań ereet evel un torfedour; met komz Doue n'eo ket ereet.

10  Setu perak e c'houzańvan pep tra abalamour d'ar re zibabet, evit m'o devo ivez ar silvidigezh a zo e Jezuz-Krist, gant ar c’hloar beurbadus.

11  Ar gomz-mań a zo gwir: Mard omp marv gantań, e vevimp ivez gantań;

12  mar gouzańvomp gantań, e renimp ivez gantań; mar nac'homp anezhań, eń ivez a nac'ho ac'hanomp;

13  mard omp difeal, eń a chom feal, ne c'hell ket en em nac'hań e-unan.

Ur servijer divlam

14  An traoł-se, degas anezho da sońj en ur desteniań dirak an Aotrou ma pellaer diouzh tabutoł ar gerioł, na servijont da netra nemet da goll ar re o selaou.

15  Bez aketus d'en em ziskouez dirak Doue evel amprouet, evel ul labourer divlam o lodennań gant eeunder komz ar wirionez.

16  Met diwall diouzh an divizoł disantel ha difrouezh, rak ar re o lavar a gouezh atav muioc'h en dizoujańs-Doue,

17  hag o c'homzoł en em zebro evel ur brein-krign. En o zouez emań Himene ha Filet,

18  a zo en em bellaet diouzh ar wirionez en ur lavarout e vefe dija erruet an dasorc'hidigezh, hag e tiskaront feiz hiniennoł.

19  Koulskoude chom a ra start diazez Doue, o kaout ar siell-mań: An Aotrou a anavez ar re a zo dezhań, ha: Piv bennak a c'halv anv Krist, ra zilezo an direizhder.

20  En un ti bras n'eus ket hepken listri aour hag arc'hant, met c'hoazh re goad ha re bri. Darn a zo evit un implij enorus, ha darn all evit un implij izeloc'h.

21  Mar en em vir eta unan bennak glan eus an traoł-se, e vo ul lestr a enor, santelaet, talvoudus d'e vestr, ha kempennet evit pep ober mat.

22  Tec'h diouzh gwallc'hoantoł ar yaouankiz; klask ar reizhder, ar feiz, ar garantez, ar peoc'h gant ar re a c'halv anv an Aotrou gant ur galon c'hlan.

23  Kas kuit ar c'haozioł foll ha difrouezh, o c'houzout penaos e tegasont tabutoł.

24  Arabat eo da servijer an Aotrou karout tabutoł, met ret eo dezhań bezań dous e-keńver an holl, mat da gelenn, habask,

25  o reizhań gant douster an enebourien, o c'hortoz ma roio Doue dezho ar geuzidigezh a zegaso anezho da anavezout ar wirionez,

26  ha ma'z aint kuit eus mezvadur pechoł an diaoul a zalc'h anezho ereet ha dindan e volontez.

 

Pennad 3

Dizoujańs Doue an devezhioł diwezhań

1  Ret eo dit gouzout e vo amzerioł diaes en deizioł diwezhań.

2  Rak an dud a vo emgar, a garo an arc'hant, a vo fougeüs, lorc'hus, mallozherien, disent ouzh o zadoł hag o mammoł, dizanaoudek, difeiz,

3  hep karantez naturel, didruez, droukkomzerien, diroll, garv, enebourien d'an dud vat,

4  treitour, taer, c'hwezhet a ourgouilh, a garo ar blijadur kentoc'h eget Doue,

5  o devo an diavaez eus an doujańs-Doue, met o devo dinac'het ar pezh a ra he nerzh. En em bella diouzh an dud-se.

6  En o zouez emań ar re a ya en tiez, hag a c'hounit paour-kaezh merc'hed karget a bec'hedoł, hejet gant pep seurt youloł fall,

7  atav o teskiń hep gallout biken dont a-benn da anavezout ar wirionez.

8  Evel m'o deus Jannez ha Jambrez enebet ouzh Moizez, evel-se ivez ar re-mań a eneb ouzh ar wirionez, tud a skiant vreinet ha kollet e-keńver ar feiz.

9  Met ned aint ket pelloc'h, rak o follentez a vo anavezet gant an holl, evel ma voe ivez hini an daou-se.

Alioł Paol da Dimote

10  Evidout, anavezet ec'h eus va deskadurezh, va c'hundu, va menoz, va feiz, va fasianted, va c'harantez, va dalc'husted,

11  va heskinoł, va glac'haroł, evel ar re a zo c'hoarvezet ganin en Antioch, en Ikoniom, e Listra. Pebezh heskinoł am eus gouzańvet! Hag an Aotrou en deus va dieubet eus an holl.

12  Ya, kement hini a fell dezhań bevań e Jezuz-Krist hervez an doujańs-Doue, a vo heskinet.

13  Met an dud fall hag an douellerien a yelo bepred en ur washaat, o touellań hag o vezań touellet.

14  Evidout, chom start en traoł ac'h eus desket hag anavezet evel diarvar, o c'houzout digant piv ec'h eus o desket.

15  Abaoe da vugaleaj ec'h anavezez ar Skriturioł Santel a c'hell reiń dit ar furnez evit ar silvidigezh dre ar feiz a zo e Jezuz-Krist.

16  An holl Skritur a zo awenet gant Doue, ha mat da zeskiń, da gendrec'hiń, da zifaziań, da gelenn er reizhder,

17  evit ma vo an den a Zoue peurc'hraet, ha prest da bep oberenn vat.

 

Pennad 4

1  Da bediń a ran start eta dirak Doue ha dirak an Aotrou Jezuz-Krist, a zle barn ar re vev hag ar re varv p'en em gavo e emziskouez hag e ren,

2  prezeg ar gomz, dalc'h war an dud en amzer hag e-maez an amzer, kroz, gourdrouz, ali gant pep pasianted hag en ur gelenn.

3  Rak dont a raio un amzer ma ne c'houzańvo ket an dud ar gelennadurezh yac'h, met o c'hoantaat klevout traoł plijus, e kemerint ur bern kelennerien hervez o menozioł,

4  hag e serrint o divskouarn ouzh ar wirionez, o treiń etrezek mojennoł.

5  Met te, bez aketus en holl draoł, gouzańv ar glac'haroł, gra labour un avielour, kas da benn da holl vinistrerezh.

Paol a ziougan e varv

6  Rak mont a ran da vezań aberzhet, hag amzer va disparti a dosta.

7  Stourmet em eus ar stourm mat, echuet em eus ar redadenn, miret em eus ar feiz.

8  A-hend-all ar gurunenn a reizhder a zo lakaet evidon a-du, an Aotrou, ar barner reizh, a roio anezhi din en deiz-se, ha nann hepken din-me, met ivez d'an holl re o devo karet e emziskouez.

Alioł diwezhań ha saludoł da glozań

9  Hast dont buan da'm c'havout,

10  rak Demaz en deus dilezet ac'hanon dre garantez evit ar c'hantved-mań, hag aet eo da Desalonike; Kreseńs a zo aet e Galatia, Tit e Dalmatia.

11  Lukaz hepken a zo ganin. Kemer Mark ha degas-eń ganit, rak talvoudus eo din evit ar ministrerezh.

12  Kaset em eus Tichik da Efez.

13  Pa zeui, degas ganit ar vantell am eus lezet e Troaz e ti Karpuz, hag al levrioł ivez, dreist-holl ar parchoł.

14  Aleksandr, an hini a labour ar c'houevr, en deus graet kalz droug din. An Aotrou a rento dezhań hervez e oberoł.

15  En em ziwall ivez dioutań rak gwall stourmet en deus ouzh hor c'homzoł.

16  Den n'en deus va sikouret em c'hentań difenn, met holl o deus va dilezet. Gant na vo ket kement-se kontet dezho.

17  Met an Aotrou a zo en em zalc'het tost din, ha va c'hreńvaet en deus, evit ma vefe ar brezegenn drezon un disklźriadur leun, hag an holl vroadoł o deus he c'hlevet. Ha dieubet on bet eus genoł al leon.

18  An Aotrou am dieubo eus pep ober drouk hag am saveteo evit e rouantelezh neńvel. Dezhań ra vo ar c'hloar e kantvedoł ar c'hantvedoł! Amen.

19  Salud Priska hag Akilaz, ha tiegezh Onezifor.

20  Erast a zo chomet e Korint, ha Trofim am eus lezet klańv e Milet.

21  Hast buan dont a-raok ar goańv. Eubuluz, Pudens, Linuz, Klaodia hag an holl vreudeur a salud ac'hanout.

22  An Aotrou Jezuz-Krist ra vo gant da spered! Ar c'hras ra vo ganeoc'h! Amen.