LIZHER PAOL D'AN EFEZIZ

 

Pennad 1

1  Paol, abostol Jezuz-Krist dre volontez Doue, d'ar sent a zo en Efez ha d'ar feizidi e Krist Jezuz:

2  Ar c'hras hag ar peoc'h ra vo roet deoc'h a-berzh Doue hon Tad hag a-berzh an Aotrou Jezuz-Krist.

Bennozhioł e Jezuz-Krist

3  Ra vo benniget Doue ha Tad hon Aotrou Jezuz-Krist, en deus hor benniget a bep seurt bennozhioł speredel el lec'hioł neńvel e Krist.

4  Evel-se en deus hon dibabet ennań, a-raok krouidigezh ar bed, evit ma vimp santel ha didamall dirazań er garantez,

5  o vezań hor raktonket d'an advugelań dre Jezuz-Krist, hervez ar blijadur vat eus e volontez,

6  da veuleudigezh gloar e c'hras, en deus roet deomp drezi da vezań degemeret er C'haret-Mat.

7  Ennań hon eus an dasprenadur dre e wad, ar pardon eus ar pec'hedoł, hervez pinvidigezhioł e c'hras

8  en deus skuilhet warnomp gant fonnder dre bep seurt furnez ha skiant,

9  o vezań roet deomp da anavezout mister e volontez, hervez e blijadur vat en doa divizet ennań e-unan,

10  penaos, e roidigezh an oberiańs eus an amzerioł, e tastum an holl draoł e Krist, kement ar pezh a zo en neńvoł evel ar pezh a zo war an douar.

11  Ennań ivez eo ez omp deuet da vezań heritourien, o vezań bet raktonket hervez an diviz eus an hini a ra an holl draoł hervez ali e volontez,

12  evit ma servijimp da veuleudigezh e c'hloar, ni hag hon eus da gentań esperet e Krist.

13  Ennań emaoc'h ivez, o vezań klevet ger ar wirionez, an Aviel (= keloł mat) eus ho silvidigezh, hag o vezań kredet ennań, oc'h bet siellet gant ar Spered-Santel a oa bet prometet,

14  hag a zo un arrez eus hon hźrezh, betek dasprenadur ar re en deus perc'hennet da veuleudigezh e c'hloar.

Trugarekadennoł ha pedennoł

15  Setu perak, o vezań ivez klevet komz eus ho feiz en Aotrou Jezuz hag eus ho karantez e-keńver an holl sent,

16  ne baouezan ket da drugarekaat evidoc'h, o kaout sońj ac'hanoc'h em fedennoł,

17  evit ma roio deoc'h Doue hon Aotrou Jezuz-Krist, an Tad a c'hloar, ur spered a furnez hag a ziskuliadur en e anaoudegezh,

18  ha ma sklaerio daoulagad ho klevidigezh, evit ma'c'h anavezot pehini eo an esperańs oc'h galvet dezhi, pere eo ar pinvidigezhioł eus gloar e hźrezh er sent,

19  ha pehini eo brasted divuzul e c'halloud a ziskouez en hor c'heńver-ni, ar re a gred, hervez oberiusted ar galloud eus e nerzh,

20  displeget gantań e Krist, p'en deus e zasorc'het a-douez ar re varv hag e lakaet da azezań a-zehoł dezhań el lec'hioł neńvel,

21  dreist pep prińselezh, pep nerzh, pep galloud, pep mestroni, pep anv a c'hellfe bezań anvet, nann hepken er c'hantved-mań met ivez en hini da zont.

22  Lakaet en deus pep tra dindan e dreid, hag e roet en deus evit penn-bras d'an Iliz,

23  hag a zo e gorf, al leunder eus an hini a leugn an holl en holl.

 

Pennad 2

Ar vuhez roet evit netra

1  C'hwi a oa marv en ho mankoł hag en ho pec'hedoł,

2  ma hoc'h eus kerzhet gwechall enno hervez giz ar bed-mań, hervez prińs nerzh an aer, ar spered a labour bremań e mibien an disentidigezh.

3  En o zouez e vevemp holl gwechall, hervez droukc'hoantoł hor c'hig, oc'h oberiań hervez youloł ar c'hig hag ar meiz, hag e oamp dre hon natur bugale a fulor evel ar re all.

4  Met Doue hag a zo pinvidik e trugarez, en abeg d'ar garantez vras en deus hor c'haret ganti,

5  pa oamp marv en hor pec'hedoł, en deus hon degaset d'ar vuhez a-unan gant Krist, dre c'hras eo ez oc'h salvet,

6  en deus hon dasorc'het a-gevret, hag hol lakaet da azezań a-gevret el lec'hioł neńvel e Jezuz-Krist,

7  evit diskouez er c'hantvedoł da zont ar pinvidigezhioł divent eus e c'hras dre e vadelezh en hor c'heńver e Jezuz-Krist.

8  Rak salvet oc'h dre c'hras, war-bouez ar feiz. Ha kement-se ne zeu ket ac'hanoc'h, donezon Doue eo.

9  N'eo ket dre an oberoł, evit na denno gloar den ebet.

10  Rak ni eo e labour, o vezań bet krouet e Jezuz-Krist evit an oberoł mat en deus Doue kempennet diaraok, evit ma kerzhimp enno.

Unanet e Krist

11  Setu perak ho pet sońj, e oac'h gwechall paganed er c'hig hag anvet diamdroc'hidi gant ar re a anver amdroc'hidi er c'hig dre zorn an den,

12  hag e oac'h en amzer-se hep Krist, diavaezidi da gumuniezh Israel, estrańjourien e-keńver emglevioł ar bromesa, hep esperańs hag hep Doue er bed.

13  Met bremań, e Jezuz-Krist, c'hwi hag a oa pell gwechall, oc'h bet degaset tost dre wad Krist.

14  Rak eń eo hor peoc'h, eń hag en deus graet unan hepken eus an daou, en ur ziskar moger an disparti,

15  o vezań distrujet en e gig ar gasoni, lezenn ar gourc'hemennoł dalc'het en urzhioł, evit krouiń ennań e-unan eus an daou un den nevez hepken, goude bezań graet ar peoc'h,

16  hag evit unvaniń gant Doue dre ar groaz an eil hag egile en ur c'horf hepken, en ur zistrujań enni ar gasoni.

17  Deuet eo da zegas Keloł Mat (= Aviel) ar peoc'h, deoc'h-c'hwi a oa pell ha d'ar re a oa tost,

18  rak drezań hon eus an eil hag egile un degemer digant an Tad en un hevelep Spered.

19  Evel-se eta, n'oc'h ken nag estrańjourien na tud a-ziavaez, met kenvroiz d'ar sent hag izili eus ti Doue,

20  o vezań bet savet war ziazez an ebestel hag ar brofeded, Jezuz-Krist e-unan o vezań ar maen-korn;

21  ennań an holl vańsonadur, urzhiet mat, a sav evit bezań un templ santel en Aotrou,

22  ennań ivez ez oc'h savet a-gevret evit bezań ur chomlec'h da Zoue er Spered.

 

Pennad 3

Tud ar broadoł a zo kenheritourien

1  En abeg da-se, me Paol a zo prizoniad Jezuz-Krist evidoc'h-c'hwi re ar broadoł,

2  mar hoc'h eus klevet petra eo roadenn gras Doue a zo bet grataet din evidoc'h,

3  penaos dre ziskuliadur en deus roet din da anavezout ar mister-se, evel ma em eus skrivet e nebeut a c'herioł,

4  hag e c'hellit kompren en ur lenn anezho pehini eo an anaoudegezh am eus diwar-benn mister Krist,

5  ha ne oa ket bet disklźriet da vugale an dud en amzer tremenet, evel ma'z eo disklźriet bremań dre ar Spered d'e ebestel santel ha d'e brofeded,

6  da c'houzout eo penaos tud ar broadoł a zo kenheritourien, oc'h ober un hevelep korf hag o kemer lod en e bromesa e Krist dre an Aviel,

7  ez on bet graet ministr anezhań dre zonezon gras Doue a zo bet grataet din dre nerzh e c'halloud.

8  Ar c'hras-se a zo bet grataet din-me, an disterań eus an holl sent, evit prezeg e-touez ar broadoł pinvidigezhioł digomprenus Krist,

9  hag evit diskouez sklaer dirak an holl roidigezh ar mister kuzhet a bep amzer e Doue en deus krouet an holl draoł dre Jezuz-Krist,

10  evit ma teuio bremań furnez Doue, oc'h en em ziskouez e pep seurt doare, da vezań disklźriet dre an Iliz d'ar prińselezhioł ha d'an nerzhioł el lec'hioł neńvel,

11  hervez ar mennad divizet a bep amzer en deus oberiet e Krist Jezuz hon Aotrou;

12  ennań hon eus al librentez da dostaat ouzh Doue gant fiziańs dre ar feiz ennań.

13  Dre-se eo e c'houlennan diganeoc'h na gollot ket kalon en abeg d'ar poanioł a c'houzańvan evidoc'h, ar pezh a zo ho kloar.

Karantez an Aotrou

14  En abeg da-se e plegan an daoulin dirak Tad hon Aotrou Jezuz-Krist,

15  a denn pep familh hec'h anv dioutań en neńvoł ha war an douar,

16  evit ma roio deoc'h, hervez pinvidigezhioł e c'hloar, da vezań kreńvaet gant nerzh dre e Spered en den a-ziabarzh,

17  evit ma chomo Krist en ho kalonoł dre ar feiz, evit, o vezań gwriziennet ha diazezet er garantez,

18  ma c'hellot kompren gant an holl sent petra eo al ledander, an hirder, an donder hag an uhelder,

19  hag anavezout karantez Krist a zo dreist pep gouiziegezh, hag evit ma viot leuniet gant holl leunder Doue.

20  D'an hini a c'hell ober dre ar galloud a labour ennomp muioc'h eget na c'houlennomp ha na sońjomp,

21 dezhań ra vo ar c'hloar e-barzh an Iliz ha dre Jezuz-Krist, en holl oadoł, evit kantvedoł ar c'hantvedoł! Amen.

 

Pennad 4

Unaniezh e korf Jezuz-Krist

1  Ho pediń a ran eta, me prizoniad en Aotrou, d'en em ren en un doare dellezek eus ar c'halvidigezh ez oc'h bet galvet drezań,

2  e pep izelegezh ha douster gant habaskted, oc'h en em c'houzańv an eil egile gant karantez,

3  oc'h en em stagań da genderc'hel unaniezh ar spered dre ere ar peoc'h.

4  Bez' ez eus ur c'horf hepken hag ur Spered hepken, evel ivez ma'z oc'h bet galvet da un esperańs hepken dre ho kalvidigezh,

5  un Aotrou hepken, ur feiz hepken, ur vadeziant hepken,

6  un Doue hepken ha Tad d'an holl, a zo dreist an holl hag e-touez an holl hag ennoc'h holl.

7  Met ar c'hras a zo roet da bep hini ac'hanomp, hervez muzul donezon Krist.

8  Setu perak eo lavaret: O vezań pignet d'an nec'h, en deus kaset dalc'het an dalc'herezh, hag en deus lodennet donezonoł d'an dud.

9  Hogen petra eo: Pignet? Nemet ez eo ivez diskennet diagent el lec'hioł izelań eus an douar.

10  An hini a zo diskennet eo an hevelep hini hag a zo pignet dreist an holl neńvoł, evit leuniań an holl draoł.

11  Eń eo ivez en deus lakaet lod da ebestel, ha lod da brofeded, ha lod da avielourien, ha lod da bastored ha kelennerien,

12  evit peurvadelezh ar sent, evit labour ar servij, evit savidigezh korf Krist,

13  betek ma vimp holl deuet da unaniezh ar feiz hag an anaoudegezh eus Mab Doue, da stad an den peurc'hraet da vuzul ar vent beurvat eus Krist,

14  evit na vimp ken bugaligoł, kaset ha troet amań hag ahont gant pep avel a gelennadurezh dre douell an dud ha dre o gwidre da douellań dre droidelloł,

15  met, o lavarout ar wirionez er garantez, evit ma kreskimp en holl draoł en hini a zo ar penn, Krist.

16  Dioutań ar c'horf a-bezh, urzhiet mat hag unanet start dre sikour an holl juntoł, a denn e greskańs hervez an nerzh roet da bep ezel, evit ma vo savet eń e-unan er garantez.

An den kozh hag an den nevez

17  Setu eta ar pezh a lavaran hag a zisklźrian en Aotrou: Na gerzhit ken evel ar baganed all a gerzh hervez fouge o sońjoł.

18  Teńvalaet eo o skiant, pellaet int diouzh buhez Doue, en abeg d'an diouiziegezh a zo enno ha da galeter o c'halon,

19  o vezań kollet pep santad, ez int en em roet d'al loustoni evit ober pep seurt hudurniezh gant gwallc'hoant.

20  Met n'eo ket evel-se hoc'h eus desket Krist,

21  da vihanań mar hoc'h eus selaouet anezhań, ha mard oc'h bet desket ennań, hervez ar wirionez a zo e Jezuz,

22  da ziwiskań, evit ar pezh a sell ouzh ho puhez tremenet, an den kozh a vrein gant droukc'hoantoł touellus,

23  d'en em nevesaat dre ar Spered en ho klevidigezh,

24  ha da wiskań an den nevez, krouet diouzh Doue er reizhder hag er gwir santelezh.

25  Setu perak, o vezań kaset kuit ar gaou, ra gomzo pep hini ac'hanoc'h hervez ar wirionez d'e nesań, rak izili omp an eil d'egile.

26  Mar fulorit, na bec'hit ket, arabat d’an heol kuzhat war ho fulor,

27  ha na roit ket digor d'an diaoul.

28  An hini a laere, ra chomo hep laerezh ken, met ra labouro kentoc'h gant e zaouarn da un dra vat bennak, evit m'en devo peadra da reiń d'an ezhommeg.

29  Arabat da gomz dizonest ebet dont eus ho kenoł, met ra vo ho komzoł mat da skoliań gant talvoudegezh, evit reiń gras d'ar re o c'hlevo.

30  Na dristait ket Spered-Santel Doue, oc'h bet siellet gantań evit deiz an dasprenadur.

31  Ra vo pep c'hwervoni, pep kasoni, pep fulor, pep garmadenn, pep droukkomz kaset kuit eus ho touez, kenkoulz ha pep drougiezh.

32  Bezit mat an eil e-keńver egile, ha trugarezus, o pardoniń an eil d'egile evel m'en deus Doue ivez pardonet deoc'h e Krist.

 

Pennad 5

1  Bezit eta heńvelerien ouzh Doue, evel bugale karet-mat,

2  kerzhit er garantez, evel m'en deus Krist ivez hor c'haret hag eo en em ginniget e-unan da Zoue evidomp e prof hag en aberzh a c'hwezh dudius.

3  Gant na vo ket klevet anv en ho touez, nag eus gadaliezh, nag eus hudurniezh ebet, nag eus droukc'hoant, evel ma tere d'ar sent,

4  na komz dizonest, na reoł foll, na farserezh, a zo traoł divalav, met ra vo klevet kentoc'h trugarekadennoł.

5  Rak anavezout a rit kement-mań, penaos den gadal ebet, pe hudur, pe gwallc'hoantek hag a zo un idoler, n'en deus hźrezh e rouantelezh Krist ha Doue.

6  Gant na douello den ac'hanoc'h dre gomzoł aner, rak en abeg d'an traoł-se e teu fulor Doue war ar vugale disent.

7  N'ho pet eta lod ebet ganto.

8  Rak gwechall e oac'h teńvalijenn, met bremań oc'h sklźrijenn en Aotrou. Kerzhit eta evel bugale ar sklźrijenn,

9  rak frouezh ar Spered a zo e pep seurt madelezh, reizhder ha gwirionez.

10  Eveshait ouzh ar pezh a zo kavet mat gant an Aotrou,

11  n'ho pet lod ebet en oberoł difrouezh an deńvalijenn, met kentoc'h kondaonit anezho.

12  Rak mezhus eo zoken lavarout ar pezh a reont e kuzh,

13  met kement a zo dianzavet a zo diskuliet gant ar sklźrijenn, rak ar pezh a laka da ziskuliań eo ar sklźrijenn.

14  Setu perak ez eo lavaret: Dihun, te hag a gousk, sav a-douez ar re varv, ha Krist a sklźrijenno ac'hanout.

15  Lakait evezh eta ouzhoc'h hoc'h-unan d'en em ren gant eeunder, nann evel tud diskiant met evel tud fur,

16  dasprenit an amzer rak an deizioł a zo fall.

17  En abeg da-se na vezit ket diskiant, met komprenit petra eo bolontez an Aotrou.

18  N'en em vezvit ket gant gwin, rak ennań ez eus diroll, met bezit leuniet gant ar Spered,

19  komzit etrezoc'h dre salmoł, meulganoł, kanaouennoł speredel, o kanań hag o salmiń a-greiz ho kalon meuleudioł d'an Aotrou.

20  Trugarekait bepred hon Doue ha Tad evit pep tra, en anv hon Aotrou Jezuz-Krist.

21  Plegit an eil d'egile e doujańs Doue.

Gwazed ha gwragez. Krist hag an Iliz

22  Gwragez, plegit d'ho kwazed hoc'h-unan evel d'an Aotrou,

23  rak ar gwaz eo penn ar wreg, evel ma'z eo Krist ivez penn an Iliz, hag eo Salver ar c'horf.

24  Hag evel ma pleg an Iliz da Grist, ra blego ivez ar gwragez d'o gwazed o-unan en holl draoł.

25  Gwazed, karit ho kwragez evel m'en deus ivez Krist karet an Iliz hag eo en em roet e-unan eviti,

26  evit he santelaat hag he glanaat dre ur walc'hadenn en dour gant ar ger,

27  evit he lakaat dirazań evel an Iliz leun a c'hloar, hep saotr na roufenn na netra eus ar seurt-se, met santel ha divlam.

28  Evel-se e tle ar wazed karout o gwragez evel o c'horfoł o-unan. An hini a gar e wreg en em gar e-unan,

29  rak den ebet n'en deus kasaet biskoazh e gorf e-unan, met e vag hag e prederi anezhań, evel ma ra ivez an Aotrou e-keńver an Iliz,

30  dre ma'z omp an izili eus e gorf, eus e gig hag eus e eskern.

31  Setu perak ar gwaz a guitaio e dad hag e vamm hag en em stago ouzh e wreg, hag an daou a vo ur c'hig hepken.

32  Ar mister-se a zo bras, henn lavarout a ran diwar-benn Krist hag an Iliz.

33  Evel-se, ra garo pep hini ac'hanoc'h e wreg eveltań e-unan ha ra zoujo ar wreg he gwaz.

 

Pennad 6

Bugale ha tud

1  Bugale, sentit ouzh ho tud en Aotrou, rak un dra reizh eo.

2  Enor da dad ha da vamm, ar c'hentań gourc'hemenn eo, hag ez eus ur bromesa gantań:

3  evit ma vi eürus ha ma vevi pell war an douar.

4  Ha c'hwi, tadoł, na hegasit ket ho pugale, met desavit anezho e kenurzh hag e kelennadur an Aotrou.

Servijerien ha mistri

5  Servijerien, sentit ouzh ho mistri hervez ar c'hig gant doujańs ha krenadenn, en eeunder a galon, evel ouzh Krist,

6  o servijań anezho nann zoken dindan o daoulagad evel ma klaskfec'h plijout d'an dud, met oc'h ober a galon vat bolontez Doue, evel servijerien Krist,

7  oc'h ober servij gant karantez, evel d'an Aotrou ha nann d'an dud,

8  o c'houzout penaos pep hini, pe sklav pe frank, a resevo digant an Aotrou hervez ar mad en devo graet.

9  Ha c'hwi mistri, grit en hevelep doare en o c'heńver ha dilezit ar gourdrouzoł, o c'houzout hoc'h eus ivez evelto ur Mestr en neńv, ha dirazań n'eus van ebet ouzh diavaezioł an dud.

Harnez Doue

10  A-hend-all, va breudeur, en em greńvait en Aotrou ha dre nerzh e c'halloud.

11  Gwiskit harnez Doue en e bezh, evit ma c'hellot derc'hel start a-enep troidelloł an diaoul.

12  Rak n'eo ket a-enep ar c'hig nag ar gwad hon eus da stourm, met a-enep ar prińselezhioł, a-enep an nerzhioł, a-enep mestroł an deńvalijenn eus ar bed-mań, a-enep speredoł ar fallentez el lec'hioł uhel.

13  Setu perak kemerit ganeoc'h harnez Doue en e bezh, evit ma c'hellot chom start en deizioł fall, hag o vezań kendrec'het pep tra, e talc'hot start.

14  Dalc'hit start eta, gourizit ho tivgroazell gant ar wirionez, gwiskit hobregon ar reizhder,

15  en ho treid kemerit gred an Aviel a beoc'h (= keloł mat ar peoc'h),

16  krogit dreist-holl skoed ar feiz da c'hellout mougań holl daolioł loskus an hini drouk,

17  kemerit ivez tokarn ar silvidigezh ha kleze ar Spered, hag a zo ger Doue,

18  o pediń e pep amzer dre bep seurt pedennoł hag aspedennoł dre ar Spered, oc'h eveshaat ouzh kement-se gant dalc'husted, hag o pediń evit an holl sent

19  hag evidon-me ivez, evit ma vo roet din da gomz gant frankiz hag hardizhegezh, evit reiń da anavezout mister an Aviel (= keloł mat),

20  ma'z on ar c'hannad anezhań er chadennoł, hag evit ma komzin anezhań gant hardizhegezh evel ma tlean ober.

Saludoł da glozań

21  Evit ma ouiot ivez ar pezh a sell ouzhin hag ar pezh a ran, Tichik, ar breur karet-mat ha ministr feal en Aotrou, a roio da anavezout deoc'h pep tra.

22  Kaset em eus anezhań deoc'h evit-se, evit ma ouiot petra a c'hoarvez war-dro deomp ha ma tic'hlac'haro ho kalonoł.

23  Ra vo roet ar peoc'h d'ar vreudeur, hag ar garantez ivez gant ar feiz, a-berzh Doue an Tad hag a-berzh an Aotrou Jezuz-Krist!

24  Ra vo ar c'hras gant an holl re a gar hon Aotrou Jezuz-Krist gant gwirionded! Amen.