LIZHER PAOL DA FILEMON

 

1  Paol, prizoniad Jezuz-Krist, ha Timote hor breur, da Filemon, hor c'haret-mat hag hor c'henlabourer,

2  d'hor c'haret-mat Apfia, da Arkipuz hor c'henvrezelour, ha d'an Iliz a zo ez ti:

3  Ar c'hras hag ar peoc'h ra vo roet deoc'h a-berzh Doue hon Tad hag a-berzh an Aotrou Jezuz-Krist!

Pedennoł Paol

4  Trugarekaat a ran va Doue, o kaout bepred sońj ac'hanout em fedennoł,

5  o vezań klevet diwar-benn ar feiz ac'h eus en Aotrou Jezuz ha diwar-benn da garantez e-keńver an holl sent,

6  evit ma vo roet ent-efedus da lod ar feiz ac'h eus, en ur lakaat da c'houzout an holl vat en em ra en ho touez e Jezuz-Krist.

7  Rak, va breur, da garantez he deus roet deomp ul levenez vras hag ur frealz mat, dre ma ec'h eus laouenaet kalonoł ar sent.

Goulenn Baol diwar-benn Onezim

8  Setu perak, petra bennak ma em eus e Krist ul librentez vras da c'hourc'hemenn dit ar pezh a zo dereat,

9  koulskoude e pedan kentoc'h ac'hanout en anv ar garantez, o vezań ar pezh ez on, Paol koshaet, ha bremań zoken prizoniad Jezuz-Krist.

10  Da bediń a ran evit va mab Onezim, am eus ganet o vezań er chadennoł,

11  eń hag a zo bet gwechall didalvoud dit, met bremań a vo talvoudus dit koulz ha din, hag a gasan en-dro dit.

12  Degemer-eń evel va c'halon va-unan.

13  C'hoant em boa d'e zerc'hel ganin, evit ma'm servijfe e-lec'h ac'hanout en ereoł ma'z on enno evit an Aviel,

14  met n'eo ket bet fellet din ober netra hep da asant, evit na vefe ket da vadober evel un dra ret, met a-volontez-vat.

15  Rak marteze n'eo bet pellaet diouzhit nemet evit un nebeud amzer, evit ma kavfes anezhań a-nevez evit biken,

16  neket evel ur sklav ken, met a-us d'ur sklav, evel ur breur karet-mat, dreist-holl ganin-me ha muioc'h c'hoazh ganit-te, hervez ar c'hig hag hervez an Aotrou.

17  Mar sellez eta ac'hanon evel unanet dit, degemer-eń eveldon va-unan.

18  Ha mar en deus graet ouzhit ur gaou bennak, pe mar dle dit un dra bennak, laka kement-se war va c'hont.

19  Me Paol a skriv kement-mań eus va dorn va-unan, me en paeo hep lavarout dit penaos en em zleez da-unan din.

20  Ya, breur, ra resevin ar blijadur-se diganit en Aotrou, laouena va c'halon en Aotrou.

21  Skrivań a ran dit gant brasań fiziańs ez sentidigezh, o c'houzout penaos e ri zoken muioc'h eget na lavaran.

Distro Paol

22  War un dro, kempenn din ul lojeiz, rak spi am eus bezań rentet deoc'h dre ho pedennoł.

23  Epafraz, va c'henbrizoniad e Jezuz-Krist,

24  Mark, Aristark, Demaz, ha Lukaz, va c'henlabourerien, a salud ac'hanout.

25  Ra vo gras hon Aotrou Jezuz-Krist gant ho spered! Amen.