AN AVIEL HERVEZ MARK

 

Pennad 1

Prezegerezh Yann-Vadezour

1  Penn-kentań Aviel (= Keloł Mat) Jezuz-Krist, Mab Doue.

2  Hervez ma'z eo skrivet er brofeded: Setu e kasan va c'hannad dirak da zremm da gempenn an hent dirazout,

3  mouezh an hini a gri er gouelec'h: Kempennit hent an Aotrou, grit eeun e wenodennoł,

4  Yann a vadeze er gouelec'h hag a brezege badeziant ar geuzidigezh evit pardon ar pec'hedoł.

5  Holl vro Judea ha tud Jeruzalem a yae d'e gavout, hag e oant holl badezet gantań er stźr Jordan, en ur anzav o fec'hedoł.

6  Yann en deveze ur gwiskamant a vlev kańval hag ur gouriz lźr en-dro d'e groazell. E voued a oa kilheien-raden ha mel gouez.

7  Hag e prezege, o lavarout: Dont a ra unan war va lerc'h, galloudusoc'h eo egedon, ha n'on ket dellezek, en ur blegań, da zieren korreenn e votoł.

8  Me am eus ho padezet en dour, met eń ho padezo er Spered-Santel.

Badeziant ha temptadur Jezuz

9  Erruout a reas, en amzer-se, ma teuas Jezuz eus Nazared e Galilea, hag e voe badezet gant Yann er Jordan.

10  Kerkent, evel ma save eus an dour, e welas an neńvoł o tigeriń hag ar Spered evel ur goulm o tiskenn warnań.

11  Ur vouezh a zeuas eus an neńv: Te eo va Mab karet-mat, ennout em eus lakaet va holl levenez.

12  Ha raktal ar Spered a gasas Jezuz er gouelec'h.

13  Hag e voe er gouelec'h daou-ugent devezh, o vezań temptet gant Satan. Eno e oa gant al loened gouez, hag an aeled a servije anezhań.

Prezegerezh kentań Jezuz

14  Goude ma voe bet lakaet Yann en toull-bac'h, Jezuz a zeuas e Galilea, o prezeg Aviel rouantelezh Doue

15  hag o lavarout: An amzer a zo sevenet ha rouantelezh Doue a zo tost. Ho pet keuz ha kredit en Aviel.

An diskibien gentań

16  Evel ma kerzhe a-hed mor Galilea, e welas Simon hag Andrev e vreur, o teurel ur roued er mor, rak pesketaerien e oant.

17  Jezuz a lavaras dezho: Deuit war va lerc'h, ha me ho raio pesketaerien dud.

18  Int raktal a lezas o rouedoł hag a yeas war e lerc'h.

19  Hag ac'hane, o vont un tamm a-raokoc'h, e welas Jakez mab Zebedea ha Yann e vreur, a oa ivez en ur vag o tresań o rouedoł.

20  Raktal o galvas, hag int, o lezel Zebedea o zad er vag gant an devezhourien, a yeas war e lerc'h.

Jezuz a gas ur spered hudur kuit

21  Mont a rejont da Gafarnaoum. O vezań da gentań aet er sinagogenn d'an deiz sabad, e kelennas enni.

22  Souezhet e oant gant e gelennadurezh, rak o deskiń a rae evel unan a oa galloud gantań, ha nann evel ar skribed.

23  En o sinagogenn en em gavas un den dalc'het gant ur spered hudur, hag a grias

24  o lavarout: A! Petra a zo etre te ha ni, Jezuz a Nazared? Ha deuet out evit hor c'holl? Gouzout a ran piv out-te: Sant Doue.

25  Jezuz en gourdrouzas o lavarout: Tav ha kae er-maez eus an den-se.

26  Neuze ar spered hudur en hejas start, hag o leuskel ur griadenn vras, a yeas kuit dioutań.

27  Souezhet bras e voent holl, e doare ma en em c'houlennent etrezo o lavarout: Petra eo kement-mań? Petra eo ar gelennadurezh nevez-mań? Rak gant galloud e c'hourc'hemenn d'ar speredoł hudur zoken, hag e sentont outań.

28  Ar vrud anezhań en em skuilhas kerkent en holl vro en-dro da C'halilea.

Jezuz a yac'ha mamm-gaer Simon

29  Kerkent hag ez ejont er-maez eus ar sinagogenn, e teujont gant Jakez ha Yann e ti Simon hag Andrev.

30  Mamm-gaer Simon a oa war he gwele klańv gant an derzhienn, ha raktal e komzjont outań diwar he fenn.

31  Neuze e tostaas, hag o kemer he dorn e lakaas anezhi da sevel. An derzhienn a yeas kuit diouzhtu diouti, hag hi a servijas anezho.

Jezuz a yac'ha klańvourien e-leizh

32  Deuet an abardaez, pa voe kuzhet an heol, e voe degaset dezhań an holl dud klańv hag ar re a oa dalc'het gant diaouled.

33  Holl dud kźr a oa dastumet dirak an nor.

34  Hag e yac'haas kalz a dud eus meur a gleńved, hag e kasas kuit meur a ziaoul. Ne aotree ket d'an diaouled komz, dre ma ouient piv e oa.

Jezuz o pediń; Jezuz a yac'ha un den lovr

35  Da vintin, evel ma oa c'hoazh teńval, o vezań savet, ez eas er-maez, hag e teuas en ul lec'h a-du. Hag e pedas eno.

36  Simon hag ar re a oa gantań a yeas war e lerc'h.

37  O vezań e gavet, e lavarjont dezhań: An holl a glask ac'hanout.

38  Eń a lavaras dezho: Deomp d'ar bourc'hioł tro-war-dro, evit ma prezegin ivez eno, rak evit-se eo ez on deuet.

39  Hag e prezege en o sinagogennoł dre an holl C'halilea, hag e kase kuit an diaouled.

40  Un den lovr a zeuas d'e gavout, en pedas hag a gouezhas war e zaoulin, o lavarout dezhań: Mar fell dit, e c'hellez va glanaat.

41  Jezuz o kaout truez outań, a astennas e zorn hag a stokas outań, en ur lavarout dezhań: Fellout a ra din, bez glanaet.

42  Adalek m'en doe lavaret-se, al lorgnez a guitaas an den-mań, hag e voe glanaet.

43  Jezuz en kasas kuit raktal, gant gourc'hemennoł start,

44  hag e lavaras dezhań: Diwall da lavarout netra da zen ebet, met kae, en em ziskouez d'an aberzhour, ha kinnig evit da c'hlanidigezh ar pezh en deus gourc'hemennet Moizez, evit ma servijo kement-se da desteni dezho.

45  Met an den-mań o vezań aet kuit, en em lakaas da zisklźriań uhel an dra, ha da skuilhań ar vrud a gement-se, e doare na c'helle mui Jezuz mont e kźr dirak an holl. Met er-maez, e lec'hioł a-du, en em zalc'he, hag a bep tu e teued d'e gavout.

 

Pennad 2

Jezuz a yac'ha un den seizet

1  Un nebeut deizioł goude, e tistroas da Gafarnaoum, hag e voe klevet e oa en ti.

2  Kerkent en em zastumas kalz a dud, e doare ma ne oa ket a lec'h a-walc'h dirak an nor evit o derc'hel. Eń a brezege dezho ar gomz.

3  Dont a reas d'e gavout tud o tegas un den seizet, douget gant pevar den.

4  Evel ma ne c'hellent ket tostaat ouzh an nor en abeg d'an engroez, e tistojont an ti ma oa ennań, hag o vezań graet un toull, e tiskennjont ar gwele ma oa gourvezet warnań an den seizet.

5  Jezuz, o welout o feiz, a lavaras d'an den seizet: Mab, da bec'hedoł a zo pardonet dit.

6  Ur re eus ar skribed azezet eno a sońje en o c'halonoł:

7  Perak e lavar hemań gwallgomzoł evel-se? Piv a c'hell pardoniń ar pec'hedoł, nemet Doue hepken?

8  Jezuz, o vezań anavezet raktal en e spered e sońjent evel-se enno o-unan, a lavaras dezho: Perak hoc'h eus ar sońjoł-se en ho kalonoł?

9  Rak petra eo an aesań: lavarout d'an den seizet-mań: Da bec'hedoł a zo pardonet dit, pe lavarout: Sav, tap da wele ha kerzh?

10  Met evit ma ouiot en deus Mab an den war an douar ar galloud da bardoniń ar pec'hedoł, e lavaras d'an den seizet:

11  Me a lavar dit, sav, tap da wele ha kae da'z ti.

12  Kerkent e savas, hag e kemeras e wele, hag ez eas er-maez dirak an holl, e doare ma voent holl souezhet ha ma rojont gloar da Zoue, o lavarout: Biskoazh n'hon eus gwelet kemend-all.

Jezuz a c'halv Levi

13  Distreiń a reas war-zu ar mor. An holl bobl a zeue d'e gavout hag o c'helenne.

14  En ur dremen e welas Levi mab Alfe, azezet e ti ar gwirioł, hag e lavaras dezhań: Deus war va lerc'h. O vezań savet ez eas war e lerc'h.

15  Evel ma oa Jezuz ouzh taol e ti an den-mań, kalz a bublikaned hag a dud a vuhez fall en em lakaas ivez ouzh taol gantań ha gant e ziskibien, rak kalz anezho a oa deuet war e lerc'h.

16  Pa welas ar skribed hag ar farizianed ma tebre gant ar bublikaned ha gant an dud a vuhez fall, e lavarjont d'e ziskibien: Perak e tebr hag ec'h ev gant ar bublikaned ha gant an dud a vuhez fall?

17  Jezuz o vezań klevet-se a lavaras dezho: N'eo ket ar re a zo yac'h o deus ezhomm a vedisin, met ar re a zo klańv. N'on ket deuet evit gervel d'ar geuzidigezh ar re reizh, met ar bec'herien.

Ar yun

18  Diskibien Yann ha re ar farizianed a zalc'he gant ar yun, hag e teujont hag e lavarjont dezhań: Perak e yun diskibien Yann ha re ar farizianed, ha da ziskibien-te ne yunont ket?

19  Jezuz a lavaras dezho: Daoust hag-eń e c'hell yunań mignoned an den nevez e-pad m'emań an den nevez ganto? E-pad an holl amzer m'emań an den nevez ganto, ne c'hellont ket yunań.

20  Met deizioł a zeuio ma vo lamet an den nevez diganto, hag en deizioł-se e yunint.

21  Den ne wri un tamm mezher nevez ouzh un dilhad kozh, rak an tamm nevez a ziframmfe an hini kozh, hag ar rog a vefe brasoc'h.

22  Ha den ne laka gwin nevez e seier-lźr kozh, rak ar gwin nevez a dorrfe ar seier, ar gwin a redfe, hag ar seier-lźr a vefe kollet. Met ar gwin nevez a zle bezań lakaet e seier nevez.

Jezuz, mestr ar sabad

23  C'hoarvezout a reas ma tremenas dre barkeier ed un deiz sabad. E ziskibien, en ur gerzhout, en em lakaas da ziframmań tańvouezennoł.

24  Ar farizianed a lavaras dezhań: Setu, perak e reont ar pezh n'eo ket aotreet d'un deiz sabad?

25  Eń a lavaras dezho: Ha biskoazh n'hoc'h eus lennet ar pezh a reas David p'en doa ezhomm ha p'en doa naon, eń hag ar re a oa gantań,

26  penaos ez eas e ti Doue, en amzer Abiazar an aberzhour-meur, hag e tebras ar baraoł a ginnig, ne oa aotreet o debriń nemet d'an aberzhourien hepken, hag e roas diouto ivez d'ar re a oa gantań?

27  Hag e lavaras dezho: Ar sabad a zo bet graet evit an den, ha nann an den evit ar sabad.

28  Setu perak Mab an den a zo mestr zoken war ar sabad.

 

Pennad 3

Jezuz a yac'ha un den disec'het e zorn

1  Mont a reas ur wech all er sinagogenn, hag e oa eno un den en doa un dorn disec'het.

2  Hag ec'h eveshaent outań da welout ha d'an deiz sabad e yac'hafe anezhań. Evit e damall e oa.

3  Hag e lavaras d'an den en doa an dorn disec'het: En em zalc'h aze er c'hreiz.

4  Lavarout a reas dezho: Hag aotreet eo, d'an deiz sabad, ober vad pe droug, saveteiń un den pe e lezel da goll? Hag int a davas.

5  Neuze o sellout gant fae ouzh ar re a oa en-dro dezhań, ha glac'haret eus kaleter o c'halonoł, e lavaras d'an den: Astenn da zorn. E astenn a reas, hag e zorn a zeuas da vezań yac'h evel egile.

6  Neuze ar farizianed, o vezań aet er-maez, a zalc'has kuzul raktal gant an herodianed a-enep dezhań, war an tu d'e lakaat da vervel.

Jezuz a yac'ha klańvourien e-leizh

7  Jezuz en em dennas gant e ziskibien war-zu ar mor, hag un engroez bras a yeas war e lerc'h eus Galilea, eus Judea,

8  eus Jeruzalem, eus Idumea hag eus an tu all d'ar Jordan. Ha diwar-dro Tir ha Sidon, o vezań klevet komz eus an traoł bras a rae, un engroez bras a zeuas war-zu ennań.

9  Eń a lavaras d'e ziskibien derc'hel prest ur vag dezhań, en abeg d'ar bobl vras-se, gant aon na vije re wasket ganto.

10  Rak yac'haet en doa kalz anezho, en hevelep doare m'en em daole warnań an holl re o doa ur c'hleńved bennak, evit stekiń outań.

11  Pa wele anezhań ar speredoł hudur, e stouent dirazań hag e krient, o lavarout: Te eo Mab Doue!

12  Met eń a c'hourc'hemenne start dezho n'en rojent ket da anavezout.

Dibab an Daouzek

13  Pignat a reas war ur menez, hag e c'halvas ar re a felle dezhań. Dont a rejont d'e gavout.

14  Lakaat a reas daouzek anezho da vezań gantań, evit o c'has da brezeg,

15  evit kaout ar galloud da yac'haat ar re glańv ha da gas kuit an diaouled.

16  Bez' e oant: Simon ma roas dezhań an anv a Bźr;

17  Jakez mab Zebedea, ha Yann breur Jakez, ma roas dezho an anv a Voanergez, da lavarout eo mibien ar c'hurun;

18  Andrev; Filip; Bartolome; Mazhev; Tomaz; Jakez mab Alfe; Tadde; Simon ar C'hananead;

19  Judaz Iskariod, an hini en gwerzhas ivez. Neuze e tistrojont d'an ti.

20  An engroez en em zastumas a-nevez, e doare ma ne c'hellent ket zoken kemer o fred.

Parabolenn an den kreńv; Ar wallgomz a-enep ar Spered-Santel

21  E vignoned o vezań klevet kement-se, a yeas evit e gemer, rak lavarout a raent: Diskiantet eo.

22  Hag ar skribed diskennet eus Jeruzalem a lavaras: Dalc'het eo gant Beelzebul. Dre brińs an diaouled eo e kas kuit an diaouled.

23  Jezuz o vezań o galvet, a lavaras dezho dre barabolennoł: Penaos e c'hell Satan kas Satan kuit?

24  Mard eo ur rouantelezh dizunanet a-enep dezhi hec'h-unan, ar rouantelezh-se ne c'hell ket padout,

25  ha mard eo un ti dizunanet a-enep dezhań e-unan, an ti-se ne c'hell ket padout.

26  Mar sav eta Satan a-enep dezhań e-unan ha mard eo dizunanet, ne c'hell ket padout, met e ziwezh eo.

27  Den ne c'hell mont e ti un den kreńv ha preizhań e vadoł, anez bezań da gentań ereet an den kreńv. Neuze hepken e preizho e di.

28  Me a lavar deoc'h e gwirionez, penaos pep pec'hed a vo pardonet da vibien an dud kenkoulz hag ar gwallgomzoł m'o devo touet drezo,

29  met piv bennak en devo gwallgomzet a-enep ar Spered-Santel n'en devo biken a bardon, met dalc'het e vo dindan ur varn peurbadus.

30  Kement-se dre ma lavarent: Dalc'het eo gant ur spered hudur.

Mamm ha breudeur Jezuz

31  Erruout a reas e vreudeur hag e vamm, hag oc'h en em zerc'hel er-maez, e kasjont d'e c'hervel.

32  Azezet e oa an engroez tro-dro, hag e voe lavaret dezhań: Setu, da vamm ha da vreudeur en em zalc'h er-maez o c'houlenn ac'hanout.

33  Met respont a reas dezho, o lavarout: Piv eo va mamm ha piv eo va breudeur?

34  Hag o teurel e zaoulagad war ar re a oa azezet en-dro dezhań, e lavaras: Setu va mamm ha va breudeur.

35  Rak piv bennak a raio bolontez Doue, hennezh eo va breur, va c'hoar ha va mamm.

 

Pennad 4

Parabolenn an hader

1  En em lakaat a reas c'hoazh da gelenn e-tal ar mor. Un engroez bras en em zastumas en-dro dezhań, setu perak e pignas en ur vag hag ec'h azezas enni war ar mor. An holl engroez a oa war an douar e-tal ar mor.

2  Deskiń a reas dezho kalz a draoł dre barabolennoł, hag e lavaras dezho en e gelennadurezh:

3  Selaouit: Setu, un hader a yeas er-maez da hadań

4  Evel ma hade, ul lodenn eus an had a gouezhas a-hed an hent, ha laboused an neńv a zeuas hag he debras holl.

5  Ul lodenn all a gouezhas e lec'hioł meinek ma oa eno nebeut a zouar, kerkent e savas rak ne gavas ket un douar don,

6  met pa uhelaas an heol e voe devet, ha dre ma ne oa ket a wrizienn e sec'has.

7  Ul lodenn all a gouezhas e-touez an drein, hag an drein a greskas hag he mougas, ha ne roas ket a frouezh.

8  Ul lodenn all a gouezhas en un douar mat, hag e roas frouezh o sevel hag o kreskiń, e doare ma roas ur c'hreunenn tregont, un all tri-ugent, un all kant.

9  Hag e lavaras dezho: Ra selaouo an neb en deus divskouarn da glevout.

10  Pa voe e-unan ganto, ar re a oa en-dro dezhań gant an daouzek a c'houlennataas anezhań diwar-benn ar barabolenn-se.

11  Eń a lavaras dezho: Roet eo deoc'h da anavezout mister rouantelezh Doue, met evit ar re a-ziavaez pep tra a zo lavaret dre barabolennoł,

12  evel-se o welout e welont ha n'anavezont ket, hag o klevout e klevont ha ne gomprenont ket, gant aon na zistrofent ha na vefe pardonet dezho o fec'hedoł.

13  Lavarout a reas dezho: Ha ne gomprenit ket ar barabolenn-se? Ha penaos neuze e komprenot an holl barabolennoł?

14  An hader a had ar gomz.

15  Ar re a zo a-hed an hent ma'z eo hadet ar gomz warnań eo ar re o deus he c'hlevet, met raktal e teu Satan da zilemel ar gomz bet hadet en o c'halonoł.

16  En hevelep doare, ar re a zegemer an had el lec'hioł meinek eo ar re a glev ar gomz hag a asant dezhi kerkent gant levenez,

17  met n'o deus ket a wrizienn enno o-unan, ne badont nemet ur pennad, ha pa zeu ur glac'har pe un heskinerezh en abeg d'ar gomz, e kavont kerkent un abeg da gouezhań.

18  Hag ar re a zegemer an had e-touez an drein eo ar re a selaou ar gomz,

19  met prederioł ar bed-mań, touellerezh ar pinvidigezhioł ha c'hoantoł a bep seurt evit an traoł all o tont, a voug ar gomz, hag e teu da vezań difrouezh.

20  Hag ar re a zegemer an had en douar mat eo ar re a selaou ar gomz hag a zegemer anezhi, hag e tougont frouezh, ur c'hreunenn tregont, un all tri-ugent, un all kant.

Al lamp war ar c'hantolor

21  Hag e lavaras dezho: Ha degas a reer ul lamp evit e lakaat dindan ur sailh pe dindan ur gwele? N'eo ket evit e lakaat war ur c'hantolor?

22  Rak n'eus netra kuzhet na zle ket bezań disklźriet, ha n'eus netra dalc'het goloet na zle ket bezań lakaet war-wel.

23  Mar en deus unan bennak divskouarn da glevout, ra selaouo.

24  Hag e lavaras dezho: Lakait evezh ouzh ar pezh a glevit. Muzuliet e vo deoc'h gant an hevelep muzul ma vuzuilhit gantań, ha c'hoazh e vo roet ouzhpenn deoc'h-c'hwi a selaou.

25  Rak roet e vo d'an neb en deus, met an hini n'en deus ket, e vo lamet digantań zoken ar pezh en deus.

Parabolenn an had

26  Hag e lavaras: Bez' emań eus rouantelezh Doue evel pa daol un den had en douar,

27  pe e kousk, pe e sav en noz hag en deiz, an had a ziwan hag a gresk hep ma oar penaos.

28  Rak an douar a ro anezhań e-unan, da gentań ar geot, goude an dańvouezenn, hag ar c'hreunenn en dańvouezenn.

29  Ha pa vez darev ar frouezh, e lakaer raktal ar falz enno dre ma'z eo prest an eost.

Parabolenn ar c'hreunenn sezv

30  Hag e lavaras: Gant petra e keńverimp rouantelezh Doue? Pe dre beseurt parabolenn he diskouezimp?

31  Heńvel eo ouzh ur c'hreunenn sezv; pa hader anezhi en douar, ez eo ar bihanań eus holl hadoł an douar.

32  Met goude ma vez hadet, e sav hag e teu da vezań brasoc'h eget al louzoł all, hag e taol brankoł bras, e doare ma c'hell laboused an neńv kavout lojeiz dindan he skeud.

33  Disklźriań a reas dezho ar gomz dre galz a barabolennoł en doare-mań, hervez ma c'hellent he c'hlevout.

34  Ne gomze ket outo hep parabolenn, met a-du e tisplege pep tra d'e ziskibien.

Ar barrad-amzer sioulaet gant Jezuz

35  En deiz-se, pa voe deuet an abardaez, e lavaras dezho: Tremenomp en tu all.

36  Ha goude bezań kaset kuit an engroez, e tegasjont Jezuz er vag m'edo enni. Bez' e oa ivez bagoł bihan all ouzh e ambroug.

37  Neuze e savas un taol-avel bras, hag an tonnoł a yae er vag, e doare ma oa leuniet dija.

38  Hag eń a oa e diadreńv ar vag, o kousket war ur blueg. Hag en tihunjont anezhań o lavarout: Mestr, ha ne rez van ebet ouzh ma en em gollomp?

39  O vezań dihunet, e c'hourdrouzas d'an avelioł hag e lavaras d'ar mor: Tav! Bez sioul! An avel a davas, hag e voe ur sioulder bras.

40  Hag e lavaras dezho: Perak hoc'h eus aon? Penaos n'hoc'h eus ket a feiz?

41  Hag o doe un aon bras, hag e lavarjont an eil d'egile: Piv eo eta hemań, ma sent zoken an avel hag ar mor outań?

 

Pennad 5

Jezuz a yac'ha ur Gadareniad dalc'het gant diaouled

1  Erruout a rejont en tu all d'ar mor, e bro ar C'hadareniz.

2  Kerkent ha ma tiskennas eus ar vag, un den dalc'het gant ur spered hudur a zeuas eus ar bezioł d'e gavout.

3  Chom a rae er bezioł, ha den ne c'helle e zerc'hel ereet, zoken gant chadennoł.

4  Rak alies, o vezań bet ereet gant hern ha gant chadennoł, en doa torret ar chadennoł ha friket an hern, ha den ne c'helle e zońvaat.

5  Chom a rae dalc'hmat, noz ha deiz, war ar menezioł hag er bezioł, o krial hag oc'h en em vlońsań gant mein.

6  P'en doe gwelet Jezuz a-bell, e teredas, e taoulinas dirazań,

7  hag e lavaras, o krial a vouezh uhel: Petra a zo etre te ha me, Jezuz, Mab an Doue Uhel-Meurbet? Da bediń a ran dre Zoue, na boagn ket ac'hanon.

8  Rak lavarout a rae dezhań: Spered hudur, kae er-maez eus an den-se!

9  Jezuz a c'houlennas outań: Pe anv ac'h eus? Eń a respontas, o lavarout: Va anv a zo Lejion, rak kalz omp.

10  Hag e pedas start anezhań na gasje ket anezho er-maez eus ar vro-se.

11  Bez' e oa eno, war-zu ar menezioł, ur bagad bras a voc'h o peuriń.

12  Hag an holl ziaouled en pedas, o lavarout: Kas ac'hanomp er moc'h-se, evit ma'z aimp enno.

13  Raktal Jezuz o lezas da vont. Hag ar speredoł hudur-mań o vezań aet er-maez, a yeas er moc'h, hag ar bagad en em daolas war red eus al lec'h uhel-se er mor; bez' e oa anezho war-dro daou vil, hag e voent beuzet er mor.

14  Ar re a o mźsae a dec'has kuit da lavarout kement-se e kźr ha war ar maez. An dud a zeuas da welout ar pezh a oa c'hoarvezet.

15  Dont a rejont da gavout Jezuz, hag e weljont an hini a oa bet dalc'het gant an diaouled, an hini a oa bet dalc'het gant al lejion, azezet, gwisket hag en e skiant vat. Hag e voent leuniet a spont.

16  Ar re o doa gwelet an traoł-se a lavaras dezho ar pezh a oa c'hoarvezet gant an hini a oa bet dalc'het gant an diaouled, ha gant ar moc'h.

17  Neuze en em lakajont d'e bediń da bellaat diouzh o bro.

18  Pa oa aet er vag, an hini a oa bet dalc'het gant an diaouled en pedas d'e lezel da vont gantań.

19  Met Jezuz n'en lezas ket hag a lavaras dezhań: Kae da'z ti, etrezek da dud, ha lavar dezho an traoł bras en deus graet an Aotrou dit, ha penaos en deus bet truez ouzhit.

20  Mont a reas kuit, hag en em lakaas da embann en Dekapoliz an traoł bras en doa graet Jezuz evitań. Hag an holl a oa estlammet.

Jezuz a zasorc'h merc'h Jairuz hag a yac'ha ar vaouez gant an diwadań

21  Jezuz o vezań adtreuzet ar mor er vag hag aet d'an tu all, un engroez bras en em zastumas en-dro dezhań. Tost d'ar mor e oa.

22  Setu e teuas unan eus pennoł ar sinagogenn, anvet Jairuz, hag o vezań e welet, en em daolas d'e dreid,

23  hag e pedas start anezhań, o lavarout: Va merc'h vihan a zo prest da vervel, deus, laka da zaouarn warni, evit ma vo yac'haet, hag e vevo.

24  Mont a reas gantań. Un engroez bras a yae war e lerc'h hag en gwaske.

25  Neuze ur vaouez, klańv gant an diwadań daouzek vloaz a oa,

26  he doa gouzańvet kalz a boan etre daouarn ar vedisined, hag he doa dispignet he holl vadoł hep bezań bet disamm ebet, met a oa aet kentoc'h war washaat,

27  o vezań klevet komz diwar-benn Jezuz, a zeuas e-touez an engroez a-ziadreńv hag a stokas ouzh e zilhad.

28  Rak hi a lavare: Mar stokan hepken ouzh e zilhad, e vin yac'haet.

29  Raktal he diwadań a baouezas, hag e santas en he c'horf e oa yac'haet eus he foan.

30  Kerkent Jezuz o c'houzout ennań e-unan e oa aet ur galloud er-maez anezhań, en em droas ouzh an engroez, hag a lavaras: Piv en deus stoket ouzh va dilhad?

31  E ziskibien a lavaras dezhań: Te a wel an engroez a wask ac'hanout, hag e lavarez: Piv en deus stoket ouzhin?

32  Hag e selle en-dro evit gwelout piv he doa graet-se.

33  Ar vaouez, spontet hag en ur grenań, o c'houzout ar pezh a oa bet graet enni, a zeuas, en em daolas d'e dreid, hag a lavaras dezhań an holl wirionez.

34  Lavarout a reas dezhi: Merc'h, da feiz he deus da yac'haet, kae e peoc'h, ha bez yac'haet eus da gleńved.

35  Evel ma komze c'hoazh, e teuas tud eus ti penn ar sinagogenn, da lavarout: Da verc'h a zo marv, perak diaezań pelloc'h ar Mestr?

36  Kerkent ha m'en doe Jezuz klevet ar c'homzoł a oa rannet, e lavaras da benn ar sinagogenn: Na'z pez ket aon, kred hepken.

37  Ha ne lezas den da heuliań anezhań, nemet Pźr, Jakez ha Yann breur Jakez.

38  O vezań erruet e ti penn ar sinagogenn, e welas e veze graet un trouz bras, hag e oa tud o ouelań hag o leuskel kriadennoł kreńv.

39  O vezań aet e-barzh, e lavaras dezho: Perak e rit an trouz-se ha perak e ouelit? Ar bugel n'eo ket marv, met kousket eo.

40  Int a reas goap outań. Met o vezań graet dezho holl mont er-maez, e kemeras tad ha mamm ar bugel, hag ar re a oa gantań, hag ez eas el lec'h ma oa gourvezet ar bugel.

41  O kemer dorn ar bugel, e lavaras dezhi: Talita koumi, da lavarout eo: Plac'h vihan, me a lavar dit, sav.

42  Kerkent ar plac'h vihan a savas hag a gerzhas, rak oadet e oa a zaouzek vloaz. Hag e voent souezhet-meurbet.

43  Hag e c'hourc'hemennas start dezho na vefe gouezet kement-se gant den ebet, hag e lavaras reiń dezhi da zebriń.

 

Pennad 6

Jezuz en e vammvro

1  Mont a reas ac'hano hag e teuas en e vro, gant e ziskibien war e lerc'h.

2  Pa voe deuet ar sabad, en em lakaas da gelenn er sinagogenn. Kalz eus ar re en kleve a oa souezhet hag a lavare: A-belec'h e teu dezhań an traoł-se? Petra eo ar furnez-se a zo bet roet dezhań hag ar mirakloł bras a vez graet dre e zaouarn?

3  Ha n'eo ket ar c'halvez, mab Mari, breur Jakez, Jozez, Jud ha Simon? Hag e c'hoarezed, ha n'emaint ket amań en hon touez? Hag e voe evito un abeg da gouezhań.

4  Met Jezuz a lavaras dezho: Ur profed n'eo disprizet nemet en e vro e-unan, e-touez e gerent e-unan hag en e di e-unan.

5  Ne c'hellas ober eno mirakl ebet, nemet e yac'haas un nebeud tud klańv en ur lakaat e zaouarn warno.

6  Souezhet e voe eus o diskredoni, hag ez eas dre ar bourc'hioł tro-war-dro, en ur gelenn.

An Daouzek kaset

7  Gervel a reas an daouzek hag en em lakaas d'o c'has daou-ha-daou, en ur reiń dezho galloud war ar speredoł hudur.

8  Gourc'hemenn a reas dezho na gemerjent netra evit an hent nemet ur vazh, na sac'h, na bara, na moneiz en o gouriz,

9  met sandalennoł en o zreid, ha na zougjent ket div doneg.

10  Hag e lavaras dezho: E peseurt lec'h bennak ma'z eot en un ti, chomit eno betek ma'z eot kuit ac'hano.

11  P'en em gavo tud n'ho tegemerint ket ha n'ho selaouint ket, pa'z eot kuit ac'hano, hejit ar poultr eus ho treid e testeni a-enep dezho. Me a lavar deoc'h e gwirionez, penaos e vo dousoc'h da Sodom ha da C'homora en deiz ar varn eget d'ar gźr-se.

12  O vezań aet, e prezegjont d'an dud kaout keuz.

13  Kas a rejont kuit kalz a ziaouled, hag ec'h olevjont gant eoul kalz a dud glańv hag e yac'hajont anezho.

Yann-Vadezour drouklazhet

14  Ar roue Herodez a glevas komz diwar e benn, rak e anv a oa deuet da vezań brudet bras. Lavarout a reas: Yann-Vadezour a zo dasorc'het a-douez ar re varv, ha dre-se eo en em ra kalz a virakloł drezań.

15  Re all a lavare: Elia eo; ha re all a lavare: Ur profed eo, pe evel unan eus ar brofeded.

16  Met Herodez, o klevout kement-se, a lavaras: Yann eo, an hini am eus graet dibennań, dasorc'het eo a-douez ar re varv.

17  Rak Herodez e-unan en doa graet pakań Yann, hag e eren en toull-bac'h, en abeg da Herodiaz, gwreg Filip e vreur, dre m'en doa he dimezet,

18  ha Yann a lavare da Herodez: N'eo ket aotreet dit kaout gwreg da vreur.

19  Herodiaz he doa droug outań hag a c'hoantae e lakaat d'ar marv, met ne c'helle ket,

20  rak Herodez a zouje Yann, dre ma ouie e oa un den reizh ha santel. Prederius e oa en e geńver, ober a rae zoken kalz a draoł hervez e alioł, hag en selaoue gant plijadur.

21  Met un devezh a-vat a zeuas: Herodez, da zeiz-ha-bloaz e c'hanedigezh, a roas ur fest d'e dud uhel, da vistri e arme, ha da bennoł-bras Galilea.

22  Merc'h Herodiaz, o vezań deuet, a zańsas, hag a blijas da Herodez ha d'ar re en doa pedet. Ar roue a lavaras d'ar plac'h yaouank: Goulenn diganin ar pezh a gari, hag en roin dit.

23  Ha gant le e lavaras: Kement a c'houlenni diganin a roin dit, betek an hanter eus va rouantelezh.

24  O vezań aet er-maez, e lavaras d'he mamm: Petra a c'houlennin? Hag e lavaras: Penn Yann-Vadezour.

25  O vezań deuet buan da gavout ar roue, e reas he goulenn, o lavarout: C'hoantaat a ran e rofes din diouzhtu, war ur plad, penn Yann-Vadezour.

26  Ar roue a voe glac'haret bras, met, en abeg d'e le ha d'ar re a oa azezet gantań, ne fellas ket dezhań nac'hań outi.

27  Raktal e kasas unan eus e warded hag e c'hourc'hemennas dezhań degas penn Yann. Ar gward a yeas hag a droc'has e benn en toull-bac'h,

28  hag en degasas war ur plad. E reiń a reas d'ar plac'h yaouank, hag ar plac'h yaouank en roas d'he mamm.

29  E ziskibien o vezań klevet kement-se, a zeuas, a gemeras e gorf, hag a lakaas anezhań en ur bez.

Pemp mil den maget gant Jezuz (Kentań kreskadur ar bara)

30  An ebestel a zeuas da gavout Jezuz, hag a lavarjont dezhań kement o doa graet ha kement o doa kelennet.

31  Eń a lavaras dezho: Deuit a-du en ul lec'h distro, ha diskuizhit un nebeudig. Rak kement a dud a yae hag a zeue ken n'o doe ket amzer zoken da zebriń.

32  Mont a rejont kuit eta en ur vag, evit en em dennań a-du en ul lec'h distro.

33  Met an engroez a welas anezho o vont kuit ha kalz en anavezas. O redek war droad eus an holl gźrioł, ec'h errujont a-raok dezho hag e teujont asambles en e arbenn.

34  Pa zeuas Jezuz er-maez, e welas un engroez bras hag en doe truez outo, dre ma oant evel deńved hep mesaer, hag en em lakaas da zeskiń dezho meur a dra.

35  Evel ma oa dija diwezhat, e ziskibien a dostaas outań hag a lavaras: Al lec'h-mań a zo distro ha diwezhat eo,

36  kas-int kuit evit ma'z aint d'ar c'hźriołigoł ha d'ar bourc'hioł tro-war-dro da brenań bara, rak n'o deus netra da zebriń.

37  Eń a respontas hag a lavaras dezho: Roit hoc'h-unan da zebriń dezho. Hag e lavarjont dezhań: Mont a rafemp da brenań evit daou c'hant diner (1 diner = pezh arc'hant roman war-dro 4 g) a vara, evit reiń dezho da zebriń?

38  Eń a lavaras dezho: Pet bara hoc'h eus? It ha sellit. P'o doe gwelet, e lavarjont: Pemp, ha daou besk.

39  Hag e c'hourc'hemennas dezho lakaat an holl da azezań, a-strolladoł, war ar geot glas,

40  hag ec'h azezjont a renkoł a gantadoł hag a hanter-kantadoł.

41  Kemer a reas ar pemp bara hag an daou besk, hag o sevel e zaoulagad etrezek an neńv, e vennigas, e torras ar baraoł, hag o roas d'e ziskibien evit o lakaat dirazo. Lodennań a reas ivez an daou besk kenetrezo holl.

42  Debriń a rejont holl hag o doe a-walc'h,

43  hag e kasjont ganto daouzek panerad leun eus an tammoł bara hag eus ar pezh a vane eus ar pesked.

44  Ar re o doa debret eus ar baraoł-se a oa war-dro pemp mil den.

Jezuz a gerzh war an dour

45  Kerkent goude, e redias e ziskibien da vont er vag ha d'e ziaraogiń en tu all, etrezek Betsaida, e-pad ma kasfe an engroez en o hent.

46  P'en doe o c'haset kuit, e pignas war ar menez evit pediń.

47  An abardaez o vezań deuet, ar vag a oa e-kreiz ar mor, hag eń a oa e-unan war an douar.

48  Gwelout a reas o doa kalz a boan o roeńvat, rak an avel a oa en o enep. War-dro ar bedervet beilhadenn eus an noz, e teuas d'o c'havout o kerzhout war ar mor, ha c'hoant en doa d'o diaraogiń.

49  Pa weljont anezhań o kerzhout war ar mor, e kredjont e oa un tasmant hag e krijont,

50  rak an holl a welas anezhań hag a voe trubuilhet. Met kerkent e komzas outo, hag e lavaras dezho: Ho pet fiziańs, me eo, n'ho pet ket aon!

51  Pignat a reas ganto er vag hag e paouezas an avel. Souezhet-meurbet e voent enno o-unan, sabatuet ha leuniet a estlamm,

52  rak n'o doa ket komprenet mirakl ar baraoł, dre ma oa o c'halonoł kaledet.

Jezuz a yac'ha tud klańv

53  Ha goude m'o doe treuzet, e teujont da vro C'henezared hag e touarjont.

54  Pa voent aet er-maez eus ar vag, an dud en anavezas raktal.

55  Hag e redjont dre an holl vro tro-war-dro, hag en em lakajont da zougen war gweleoł ar re a oa klańv, e kement lec'h ma klevent e oa.

56  Ha da belec'h bennak ma'z ae, d'ar bourc'hioł pe d'ar c'hźrioł pe war ar maez, e lakaent an dud klańv war al leurgźrioł, hag e pedent anezhań d'o lezel da stekiń hepken ouzh pempilhenn e zilhad. Ha kement hini a stoke outań, a oa yac'haet.

 

Pennad 7

Ar farizianed hag an hengoun

1  Ar farizianed gant hiniennoł eus ar skribed deuet eus Jeruzalem en em zastumas en-dro dezhań.

2  Gwelout a rejont ur re bennak eus e ziskibien o kemer o fred gant daouarn dic'hlan, da lavarout eo hep bezań o gwalc'het, hag e kavjont da damall.

3  Rak ar farizianed hag an holl Yuzevien ne zebront ket hep bezań gwalc'het alies o daouarn, o terc'hel hengoun ar re gozh.

4  Ha pa zeuont eus leur ar marc'had, ne zebront ket hep bezań en em walc'het. Ha kalz a draoł all a zo ivez, o deus resevet evit o mirout, evel gwalc'hiń an hanafoł, ar podoł, al listri-arem hag ar gweleoł.

5  Neuze ar farizianed hag ar skribed a c'houlennas outań: A-belec'h e teu ma ne heuilh ket da ziskibien hengoun ar re gozh ha ma kemeront o fred hep gwalc'hiń o daouarn?

6  Respont a reas o lavarout dezho: Pilpouzed, Izaia en deus profedet mat diwar ho penn, hervez ar pezh a zo skrivet: Ar bobl-mań a enor ac'hanon gant o muzelloł, met o c'halon a zo pell diouzhin.

7  Met en aner eo ec'h enoront ac'hanon, o kelenn kemennadurioł a zo gourc'hemennoł tud.

8  Rak, o lezel gourc'hemenn Doue, e virit hengoun an dud, o walc'hiń ar podoł hag an hanafoł, hag oc'h ober kalz a draoł all heńvel outo.

9  Lavarout a reas dezho c'hoazh: Gwall-vat e torrit gourc'hemenn Doue, evit mirout hoc'h hengoun.

10  Rak Moizez en deus lavaret: Enor da dad ha da vamm, hag: An hini a villigo e dad pe e vamm a vo lakaet d'ar marv.

11  Met c'hwi a lavar: An hini a lavaro d'e dad pe d'e vamm: Ar pezh am bije gallet reiń dit a zo Korban, da lavarout eo ur prof,

12  ne lezit ket anezhań d'ober netra ken evit e dad pe e vamm,

13  o kas da netra komz Doue gant hoc'h hengoun, graet ganeoc'h hoc'h-unan. Ha kalz a draoł all a rit evel-se.

Kalon an den

14  Hag e c'halvas an holl engroez hag e lavaras dezho: Va selaouit holl ha komprenit.

15  Netra eus ar pezh a zo er-maez eus an den hag a antre ennań ne c'hell en saotr, met an traoł a zeu er-maez anezhań eo a saotr an den.

16  Mar en deus unan bennak divskouarn da glevout, ra selaouo.

17  Pa voe aet en ti, pell diouzh an engroez, e ziskibien a c'houlennas outań petra oa ar barabolenn-se.

18  Hag e lavaras dezho: C'hwi ivez ha bez' oc'h eta hep skiant? Ne gomprenit ket penaos kement tra a zo er-maez hag a antre en den ne c'hell ket e saotrań?

19  Rak an dra-se ned a ket er galon met er c'hof, a-belec'h e kouezh er poull, e-lec'h ma vez glanaet an holl vouedoł.

20  Hag e lavare: Ar pezh a zeu er-maez eus an den eo a saotr an den.

21  Rak eus an diabarzh, eus kalon an dud, e teu ar sońjoł fall, an avoultriezh, ar gasterezh, ar muntroł,

22  al laerońsioł, ar c'hoantegezh, ar fallentez, ar faosoni, al loustoni, al lagad avius, an droukkomz, an ourgouilh, ar follentez.

23  An holl draoł fall-se a zeu eus an diabarzh hag a saotr an den.

Jezuz e bro Tir ha Sidon: ar vaouez sirofenikian

24  O vont ac'hano, ez eas da gorn-bro Tir ha Sidon. O vezań aet en un ti, e felle dezhań na ouije den kement-se, met ne c'hellas ket chom kuzhet.

25  Rak ur vaouez, a oa trec'het he merc'h gant ur spered hudur, o vezań klevet komz diwar e benn, a zeuas hag en em daolas d'e dreid.

26  Ar vaouez-mań a oa gresian, ha sirofenikian a bobl. E bediń a reas da gas an diaoul kuit eus he merc'h.

27  Met Jezuz a lavaras dezhi: Lez da gentań ar vugale da gaout o gwalc'h, rak n'eo ket mat kemer bara ar vugale hag e deurel d'ar chas bihan.

28  Met hi a respontas hag a lavaras dezhań: Gwir eo Aotrou, koulskoude ar chas bihan a zebr dindan an daol bruzun ar vugale.

29  Hag e lavaras dezhi: En abeg d'ar gomz-se, kae, aet eo an diaoul kuit eus da verc'h.

30  O vezań distroet d'he zi, e kavas e oa aet kuit an diaoul, hag he merc'h gourvezet war ar gwele.

Jezuz e bro an Dekapoliz (Dek-Keoded): pare un den bouzar ha mut

31  O vezań aet kuit a-nevez eus korn-bro Tir ha Sidon, e teuas etrezek mor Galilea, o treuziń bro an Dekapoliz.

32  Degaset e voe dezhań un den bouzar a oa dalc'het en e gomz, hag e pedjont anezhań da lakaat e zaouarn warnań.

33  O vezań e dennet a-du eus an engroez, e lakaas e vizied en e zivskouarn, hag o vezań kemeret eus e grańch e stokas ouzh e deod.

34  O sevel e zaoulagad etrezek an neńv, e huanadas hag e lavaras dezhań: Effata! da lavarout eo: Digor!

35  Raktal e tigoras e zivskouarn, e deod a voe dizereet, hag e komzas hep poan.

36  Gourc'hemenn a reas dezho chom hep lavar kement-se da zen, met mui e tifenne outo, seul vui e vrudent an dra.

37  Souezhet-meurbet e oant o lavarout: Kement a ra a zo burzhudus, lakaat a ra zoken ar re vouzar da glevout hag ar re vut da gomz.

 

Pennad 8

Pevar mil den maget gant Jezuz (Eil kreskadur ar bara)

1  En deizioł-se, evel ma oa gant Jezuz un engroez bras-kenań, ha n'o doa netra da zebriń, e c'halvas e ziskibien hag e lavaras dezho:

2  Truez am eus ouzh an engroez-mań, rak tri devezh a zo emaint em c'hichen ha n'o deus netra da zebriń.

3  Ha mar kasan anezho war yun d'o ziez, o nerzh a vanko dezho en hent, rak darn anezho a zo deuet a-bell.

4  E ziskibien a respontas dezhań: Penaos e c'hellfemp dinaoniań anezho a vara amań, el lec'h distro-mań?

5  Eń a c'houlennas outo: Pet bara hoc'h eus? Hag int a lavaras: Seizh.

6  Hag e c'hourc'hemennas d'an engroez azezań war an douar, e kemeras ar seizh bara hag e trugarekaas, o zorras, hag o roas d'e ziskibien evit o lakaat dirazo. Hag o lakajont dirak an engroez.

7  Bez' e oa ivez peskedigoł, hag e vennigas, hag e c'hourc'hemennas o lakaat dirazo.

8  Debriń a rejont hag o doe a-walc'h, hag e kasjont ganto seizh panerad eus an tammoł a vane.

9  Ar re o doa debret a oa war-dro pevar mil. Goude-se o c'hasas en o hent.

Goell ar farizianed

10  O vont kerkent er vag gant e ziskibien, ez eas da gorn-vro Dalmanuta.

11  Hag e teuas eno farizianed hag en em lakajont da riotal anezhań, o c'houlenn digantań, evit e demptań, ur mirakl eus an neńv.

12  O huanadiń don en e spered, e lavaras: Perak e c'houlenn ar rummad-mań ur mirakl? Me a lavar deoc'h e gwirionez, ne vo roet mirakl ebet d'ar rummad-mań.

13  Hag o vezań o lezet, ez eas adarre er vag hag e tremenas en tu all.

14  Ankounac'haet o doa kemer bara ganto, ha n'o doa nemet ur bara er vag ganto.

15  Eń a reas outo an difenn-mań: Diwallit gant evezh diouzh goell ar farizianed ha diouzh goell Herodez.

16  Int a sońjas enno o-unan hag a lavaras: Dre ma n'hon eus ket kemeret bara ganeomp eo.

17  Jezuz oc'h anavezout kement-se a lavaras dezho: Perak e sońjit ez eo dre ma n'hoc'h eus ket kemeret bara ganeoc'h? Ha bez' oc'h c'hoazh hep skiant, ha ne gomprenit ket? Bepred eo kaletaet ho kalon?

18  Daoulagad hoc'h eus, ha ne welit ket? Divskouarn hoc'h eus, ha ne glevit ket? Ha n'hoc'h eus ket a sońj?

19  Pa em eus torret pemp bara evit pemp mil den, pet panerad leun a dammoł chomet a zilerc'h hoc'h eus dastumet? Int a lavaras dezhań: Daouzek.

20  Ha pa em eus torret ar seizh bara evit ar pevar mil den, pet panerad leun a dammoł hoc'h eus dastumet? Int a lavaras: Seizh.

21  Hag e lavaras dezho: Penaos eta ne gomprenit ket?

Jezuz a yac'ha un den dall e Betsaida

22  O vezań deuet da Vetsaida, e voe degaset dezhań un den dall, hag en pedjont da stekiń outań.

23  Kemer a reas dorn an dall hag en kasas er-maez eus ar bourc'h. Krańch a lakaas war e zaoulagad, lakaat a reas e zaouarn warnań, hag e c'houlennas digantań hag eń a wele un dra bennak.

24  O vezań sellet, e lavaras: Gwelout a ran tud o kerzhout hag a zo evel gwez.

25  Jezuz a lakaas adarre e zaouarn war e zaoulagad hag a lavaras dezhań sellout. Yac'haet e voe, hag o gwele holl fraezh mat.

26  Hag e kasas anezhań d'e di, en ur lavarout: N'a ket d'ar bourc'h, ha na lavar kement-se da zen eus ar bourc'h.

Disklźriadenn Bźr

27  Jezuz a yeas gant e ziskibien e bourc'hioł Kezarea-Filip. War an hent, eń a c'houlennatas e ziskibien hag a lavaras: Piv a lavar an dud ez on?

28  Respont a rejont: Yann-Vadezour; darn a lavar Elia; ha darn all, unan eus ar brofeded.

29  Hag e lavaras dezho: Ha c'hwi, piv a lavarit ez on? Pźr a respontas hag a lavaras dezhań: Te eo ar C'hrist.

30  Hag e c'hourc'hemennas start dezho chom hep lavarout kement-se diwar e benn da zen.

Jezuz a ziougan e varv

31  Neuze en em lakaas da zisklźriań dezho e oa ret da Vab an den gouzańv kalz a draoł, bezań taolet kuit gant an henaourien, gant an aberzhourien vras ha gant ar skribed, bezań lakaet d'ar marv, ha dasorc'hiń tri devezh goude.

32  Hag e lavare ar c'homzoł-se dezho sklaer-mat. Pźr o vezań e gemeret a-du, en em lakaas d'e repren.

33  Met distreiń a reas hag e sellas ouzh e ziskibien, hag e c'hourdrouzas Pźr, o lavarout: A-dreńv din, Satan! Rak da sońjezonoł n'emaint ket en traoł a sell ouzh Doue, met er re a sell ouzh an dud.

Heuliań Jezuz

34  O c'hervel an engroez hag e ziskibien, e lavaras dezho: Mar fell da unan bennak dont war va lerc'h, ra raio dilez anezhań e-unan, ra zougo e groaz, ha ra heulio ac'hanon.

35  Rak piv bennak a fello dezhań saveteiń e ene en kollo, met piv bennak a gollo e ene abalamour din ha d'an Aviel en saveteo.

36  Ha petra a dalvfe d'un den gounit ar bed holl, ma kollfe e ene?

37  Petra a rofe an den e trok ouzh e ene?

38  Rak piv bennak en devo mezh ac'hanon hag eus va c'homzoł, e-touez ar rummad-mań, avoultrer ha pec'her, Mab an den ivez en devo mezh anezhań pa zeuio e gloar e Dad gant an aelez santel.

 

Pennad 9

1  Lavarout a reas dezho ivez: Me a lavar deoc'h e gwirionez, ez eus hiniennoł eus a-douez ar re a zo amań ha ne varvint ket ken n'o devo gwelet rouantelezh Doue o tont gant galloud.

An Treuzneuziadur

2  C'hwec'h devezh goude, Jezuz a gemeras gantań Pźr, Jakez ha Yann, hag o c'hasas o-unan a-du war ur menez uhel. Hag e voe treuzneuziet dirazo.

3  E zilhad a zeuas da vezań lugernus, gwenn evel an erc'h, ken n'eus gwenner ebet war an douar a c'hellfe gwennań evel-se.

4  Hag Elia ha Moizez en em ziskouezas dezho, o komz gant Jezuz.

5  Pźr o kemer ar gomz, a lavaras da Jezuz: Rabbi (=Mestr), mat eo deomp bezań amań. Savomp amań teir deltenn, unan evidout, unan evit Moizez, unan evit Elia.

6  Rak ne ouie ket petra lavarout, dre m'o doe ur spont bras.

7  Hag e teuas ur goabrenn d'o goleiń gant he skeud, hag ur vouezh a zeuas eus ar goabrenn o lavarout: Hemań eo va Mab karet-mat. Selaouit-eń!

8  Kerkent, an diskibien o vezań sellet en-dro dezho, ne weljont den ebet ken nemet Jezuz e-unan ganto.

9  Evel ma tiskennent eus ar menez, e tifennas outo lavarout da zen ar pezh o doa gwelet, ken na vije Mab an den dasorc'het a-douez ar re varv.

10  Hag e talc'hjont ar gomz-se evito o-unan, o c'houlenn an eil digant egile petra a c'helle bezań: Dasorc'hiń a-douez ar re varv.

11  Hag e rejont ur goulenn outań, o lavarout: Perak e lavar ar skribed eo ret da Elia dont da gentań?

12  Respont a reas hag e lavaras dezho: Gwir eo e teu Elia da gentań hag ec'h adlaka pep tra. Hag evel ma'z eo skrivet diwar-benn Mab an den, e tle hemań gouzańv kalz a draoł ha bezań dismegańset.

13  Met me a lavar deoc'h eo deuet Elia, hag o deus graet dezhań kement o deus c'hoantaet, evel ma'z eo skrivet diwar e benn.

Jezuz a yac'ha ur bugel dalc'het gant ur spered mut

14  O vezań deuet etrezek an diskibien all, e welas un engroez bras en-dro dezho, ha skribed a dabute ganto.

15  Kerkent ha ma welas an engroez-se anezhań, e voent souezhet bras, hag e teredjont d'e saludiń.

16  Hag e c'houlennas digant ar skribed: Diwar-benn petra e tabutit ganto?

17  Un den eus an engroez o kemer ar gomz, a lavaras: Mestr, degaset em eus dit va mab, ur spered mut en deus.

18  E pelec'h bennak ma krog ennań, en gwallgas start, eoniń a ra, grigońsat e zent, hag e tisec'h. Pedet em eus da ziskibien d'e gas kuit, ha n'o deus ket gellet.

19  Eń a respontas dezhań hag a lavaras: O rummad diskredik, betek pegeit e vin ganeoc'h? Betek pegeit ho kouzańvin? Degasit-eń din.

20  E zegas a rejont dezhań. Raktal ma welas Jezuz, ar spered a wallgasas start ar bugel, a gouezhas d'an douar o ruilhal hag oc'h eoniń.

21  Goulenn a reas ouzh e dad: Pegeit amzer 'zo abaoe ma c'hoarvez kement-mań gantań? Hag e lavaras: Abaoe e vugaleaj.

22  Alies en deus e daolet en tan hag en dour evit e lakaat da vervel. Met mar gellez ober un dra bennak, sikour ac'hanomp, az pez truez ouzhimp.

23  Jezuz a lavaras dezhań: Mar gellez krediń, pep tra a zo posupl d'an hini a gred.

24  Kerkent tad ar bugel a grias gant daeroł, hag a lavaras: Me a gred, Aotrou! Sikour ac'hanon em diskredoni!

25  Pa welas Jezuz an engroez o tont d'ar red, e c'hourdrouzas ar spered hudur, o lavarout dezhań: Spered mut ha bouzar, me a c'hourc'hemenn dit, kae kuit anezhań ha na zistro ken ennań.

26  Mont a reas kuit o leuskel ur griadenn hag o tifretań garv anezhań; ar bugel a zeuas evel marv, e doare ma lavare meur a hini: Marv eo.

27  Met Jezuz o kemer e zorn, a reas dezhań sevel. Hag e chomas en e sav.

28  Pa voe aet en ti, e ziskibien a c'houlennas digantań a-du: Perak n'hon eus ket gellet e gas kuit?

29  Lavarout a reas dezho: Ar seurt-se ne c'hell ket mont kuit, nemet dre ar bedenn ha dre ar yun.

Divizoł pouezus-kenań gant an diskibien

30  O vezań aet ac'hano, e treuzjont bro C'halilea. Ne felle ket dezhań e vije gouezet gant den.

31  Rak kelenn a rae e ziskibien hag e lavare dezho: Mab an den a vo droukroet etre daouarn an dud, hag e lakaint anezhań d'ar marv. Goude ma vo bet lazhet, e tasorc'ho d'an trede deiz.

32  Met ne gomprenent ket ar gerioł-se, ha ne gredent ket goulenn digantań.

33  Dont a reas da Gafarnaoum. O vezań en ti, e c'houlennas diganto: Diwar-benn petra en em dabutec'h etrezoc'h en hent?

34  Met int a dave, rak en em dabutet o doa etrezo en hent da c'houzout pehini anezho e oa ar brasań.

35  O vezań azezet, e c'halvas an daouzek hag e lavaras dezho: Mar fell da unan bennak bezań ar c'hentań, e vo an diwezhań eus an holl, ha servijer an holl.

36  Hag o vezań kemeret ur bugel bihan, e lakaas anezhań en o c'hreiz, hag o terc'hel anezhań etre e zivrec'h, e lavaras dezho:

37  Piv bennak a zegemer unan eus ar vugale vihan-mań em anv am degemer, ha piv bennak am degemer, n'eo ket me a zegemer, met an hini en deus va c'haset.

Diwar-benn an implij eus anv Jezuz

38  Yann o kemer ar gomz, a lavaras dezhań: Mestr, gwelet hon eus un den o kas kuit an diaouled ez anv, ha ne heuilh ket ac'hanomp. Difennet hon eus outań dre ma ne heuilh ket ac'hanomp.

39  Met Jezuz a lavaras: Na zifennit ket-se, rak n'eus den a rafe mirakloł em anv hag a c'hellfe kerkent droukkomz diwar va fenn.

40  Rak an hini n'emań ket a-enep deomp a zo evidomp.

41  Ha piv bennak a roio deoc'h ur werennad dour da evań em anv, abalamour ma'z oc'h da Grist, me a lavar deoc'h e gwirionez, ne gollo ket e c'hopr.

An abegoł da gouezhań

42  Met piv bennak a laka da gouezhań unan eus ar re vihan-se a gred ennon, gwelloc'h e vefe dezhań e vefe staget ouzh e c'houzoug ur maen milin, hag e vefe taolet en donder ar mor.

43  Ma ra dit kouezhań da zorn, troc'h-eń. Gwelloc'h eo dit mont mogn er vuhez, eget kaout daou zorn ha mont er gehenn,

44  en tan na voug biken, e-lec'h na varv ket o freńv ha na voug ket an tan.

45  Ma ra dit kouezhań da droad, troc'h-eń. Gwelloc'h eo dit mont kamm er vuhez, eget kaout daou droad ha bezań taolet er gehenn, en tan na voug biken,

46  e-lec'h na varv ket o freńv ha na voug ket an tan.

47  Ha ma ra dit kouezhań da lagad, diframm-eń. Gwelloc'h eo dit mont e rouantelezh Doue gant ul lagad hepken, eget kaout daou lagad ha bezań taolet e tan ar gehenn,

48  e-lec'h na varv ket o freńv ha na voug ket an tan.

49  Rak pep hini a vo sallet gant tan, ha pep prof a vo sallet gant holen.

50  Un dra vat eo an holen, met mar deu an holen da vezań divlaz, gant petra e vo temzet? Ho pet holen ennoc'h hoc'h-unan ha bezit e peoc'h etrezoc'h.

 

Pennad 10

An torr-dimeziń

1  O vont ac'hano, e teuas e korn-bro Judea en tu all d'ar Jordan. An engroez en em zastumas adarre war e dro, hag evel ma oa e c'hiz, en em lakaas c'hoazh d'o c'helenn.

2  Ar farizianed a zeuas hag a c'houlennas dioutań, evit e demptań: Ha gallout e c'hell un den kas kuit e wreg?

3  Respont a reas hag e lavaras dezho: Petra en deus Moizez gourc'hemennet deoc'h?

4  Lavarout a rejont: Moizez en deus aotreet da reiń ur skrid a dorr-dimeziń ha d'he c'has kuit.

5  Jezuz a respontas hag a lavaras dezho: En abeg da galeter ho kalon eo en deus skrivet deoc'h ar c'hemennadur-se.

6  Met e penn-kentań ar grouidigezh, Doue a reas ur gwaz hag ur vaouez.

7  En abeg da-se ar gwaz a guitaio e dad hag e vamm hag en em stago ouzh e wreg,

8  hag an daou a vo ur c'hig hepken. Evel-se ned int mui daou met ur c'hig hepken.

9  Arabat eo d'an den disrannań ar pezh a zo bet unanet gant Doue.

10  Hag e ziskibien a c'houlennas c'hoazh digantań diwar-benn-se e-barzh an ti.

11  Lavarout a reas dezho: Piv bennak a gas kuit e wreg hag a zimez gant un all, a ra avoultriezh en he c'heńver,

12  ha mar deu ur wreg da guitaat he fried ha ma timez gant un all, e ra avoultriezh.

Ar vugale vihan

13  Degaset e voe dezhań bugale vihan evit ma stokfe outo, met an diskibien a rebeche ar re o degase.

14  Met Jezuz o welout-se a yeas droug ennań, hag e lavaras dezho: Lezit ar vugale vihan da zont davedon ha na virit ket outo, rak rouantelezh Doue a zo d'ar re a zo heńvel outo.

15  Me a lavar deoc'h e gwirionez, piv bennak ne zegemero ket rouantelezh Doue evel ur bugel bihan, ned aio ket e-barzh.

16  Hag o c'hemeras etre e zivrec'h, e lakaas e zaouarn warno, hag o bennigas.

An den pinvidik

17  Evel ma'z ae evit en em lakaat en hent, un den a zeredas, hag o vezań daoulinet dirazań, e c'houlennas digantań: Mestr mat, petra a zlean d'ober evit kaout ar vuhez peurbadus?

18  Jezuz a lavaras dezhań: Perak em galvez mat? Den n'eo mat nemet unan, Doue hepken.

19  Anavezout a rez ar gourc'hemennoł: Na ra ket a avoultriezh; na vuntr ket; na laer ket; na lavar ket a falstesteni; na ra ket a faosoni; enor da dad ha da vamm.

20  Eń a respontas: Mestr, miret em eus an holl draoł-se adalek va yaouankiz.

21  Jezuz o sellout outań, a garas anezhań hag a lavaras dezhań: Mankout a ra dit un dra, kae, gwerzh kement ac'h eus, ro-se d'ar beorien, hag ez po un teńzor en neńv. Goude-se deus da'm heuliań, en ur gemer ar groaz.

22  Met glac'haret gant ar gomz-se, ez eas kuit gwall-drist, rak madoł bras en doa.

23  Neuze Jezuz a sellas en-dro dezhań hag a lavaras d'e ziskibien: Pegen diaes e vo d'ar re o deus pinvidigezhioł mont e-barzh rouantelezh Doue!

24  An diskibien a voe souezhet gant ar gomz-se. Met Jezuz oc'h adkemer ar gomz, a lavaras dezho: Bugale, pegen diaes eo evit ar re a laka o fiziańs er pinvidigezhioł mont e-barzh rouantelezh Doue!

25  Aesoc'h eo d'ur c'hańval tremen dre graoenn un nadoz, eget d'un den pinvidik mont e-barzh rouantelezh Doue.

26  Hag e voent c'hoazh muioc'h souezhet hag e lavarjont an eil d'egile: Ha piv eta a c'hell bezań salvet?

27  Jezuz a sellas outo hag a lavaras: Dibosupl eo evit an dud, met n'eo ket evit Doue, rak pep tra a zo posupl evit Doue.

28  Neuze Pźr en em lakaas da lavarout dezhań: Setu, ni hon eus dilezet pep tra hag hon eus da heuliet.

29  Jezuz a respontas hag a lavaras: Me a lavar deoc'h e gwirionez, n'eus den en defe kuitaet ti, pe vreudeur, pe c'hoarezed, pe dad, pe vamm, pe wreg, pe vugale, pe zouaroł, abalamour din ha d'an Aviel,

30  ha ne resevo bremań er c'hantved-mań kant kemend all, a diez, a vreudeur, a c'hoarezed, a vammoł, a vugale hag a zouaroł, gant heskinerezhioł, hag er c'hantved da zont, ar vuhez peurbadus.

31  Met kalz eus ar re gentań a vo ar re ziwezhań, hag ar re ziwezhań a vo ar re gentań.

Jezuz a ziougan e varv adarre

32  Bez' e oant en hent o pignat da Jeruzalem, ha Jezuz a yae en o raok. Nec'het e oant hag o doa aon en ur vont war e lerc'h. O kemer adarre an daouzek gantań, en em lakaas da zisklźriań dezho ar pezh a zlee c'hoarvezout gantań:

33  Setu e pignomp da Jeruzalem, ha Mab an den a vo lakaet etre daouarn an aberzhourien vras hag ar skribed, hag e kondaonint anezhań d'ar marv, hag e lakaint anezhań etre daouarn ar broadoł.

34  Goap a raint anezhań, e skourjezint anezhań, e krańchint outań, hag e lakaint anezhań d'ar marv, met dasorc'hiń a raio d'an trede deiz.

Goulenn Jakez ha Yann

35  Jakez ha Yann, mibien Zebedea, a dostaas outań hag a lavaras: Mestr, ni a garfe e rafes deomp ar pezh a c'houlennimp ouzhit.

36  Lavarout a reas dezho: Petra a fell deoc'h e rafen evidoc'h?

37  Int a lavaras dezhań: Ro deomp da vezań azezet e-barzh da c'hloar, unan a-zehoł hag egile a-gleiz dit.

38  Met Jezuz a lavaras dezho: N'ouzoc'h ket ar pezh a c'houlennit. Ha gallout e c'hellit evań an hanaf a zlean evań ha bezań badezet eus ar vadeziant ma tlean bezań badezet ganti?

39  Int a lavaras dezhań: Ni a c'hell. Ha Jezuz a lavaras dezho: Gwir eo ec'h evot an hanaf am eus da evań hag e viot badezet eus ar vadeziant am eus da vezań badezet ganti.

40  Met bezań azezet a-zehoł pe a-gleiz din, n'eo ket din da reiń an dra-se, roet e vo d'ar re ma'z eo bet-se kempennet evito.

41  An dek o vezań klevet kement-se, a yeas droug enno a-enep Jakez ha Yann.

42  Jezuz o galvas hag a lavaras dezho: Gouzout a rit penaos ar re a seller evel pennoł ar broadoł a zo mistri warno, ha penaos ar re vras a ra o renkoł warno.

43  Met ne vo ket evel-se en ho touez. Met an neb a fello dezhań bezań bras en ho touez, ra vo ho servijer,

44  hag an neb a fello dezhań bezań ar c'hentań en ho touez, ra vo sklav an holl.

45  Rak evel-se n'eo ket deuet Mab an den evit bezań servijet, met evit servijań, hag evit reiń e vuhez evel daspren evit kalz.

Jezuz a yac'ha Bartime

46  Dont a rejont da Jeriko. Hag evel ma'z ae kuit ac'hano gant e ziskibien hag un engroez niverus, Bartime an dall, mab Time, a oa azezet war ribl an hent, o c'houlenn an aluzen.

47  Pa glevas e oa Jezuz a Nazared, en em lakaas da grial ha da lavarout: Jezuz, Mab David, az pez truez ouzhin!

48  Kalz a c'hourdrouze anezhań evit e lakaat da devel, met eń a grie c'hoazh kreńvoc'h: Mab David, az pez truez ouzhin!

49  Jezuz o chom a-sav, a lavaras e c'hervel. Gervel a rejont an den dall en ur lavarout dezhań: Sav, bez kalonek, da c'hervel a ra.

50  O teurel e vantell, e savas hag e teuas da gavout Jezuz.

51  Jezuz o kemer ar gomz, a lavaras dezhań: Petra a fell dit e rafen dit? An den dall a lavaras dezhań: Mestr, ma’c’h adkavin ar gweled.

52  Jezuz a lavaras dezhań: Kae, da feiz he deus da yac'haet. Ha kerkent ec’h adkavas ar gweled, hag ez eas war-lerc'h Jezuz war an hent.

 

Pennad 11

Donedigezh veur Jezuz e Jeruzalem

1  Pa dostajont ouzh Jeruzalem, a-rez gant Betfage ha gant Betania, e-kichen Menez an Olived, Jezuz a gasas daou eus e ziskibien,

2  en ur lavarout dezho: It d'ar vourc'h a zo dirazoc'h, ha kerkent ha ma viot aet enni, e kavot un azenig stag ha n'eus bet c'hoazh pignet den warnań. Distagit-eń ha degasit-eń.

3  Mar lavar unan bennak deoc'h: Perak e rit an dra-se? Lavarit: An Aotrou en deus ezhomm anezhań. Ha raktal en kaso amań.

4  Mont a rejont hag e kavjont an azenig a oa stag en diavaez dirak an nor, etre daou hent, hag e tistagjont anezhań.

5  Hiniennoł eus ar re a oa eno a lavaras dezho: Perak e tistagit an azenig-se?

6  Int a respontas evel m'en doa gourc'hemennet Jezuz, hag e voent lezet da vont.

7  Degas a rejont an azenig da Jezuz, e lakajont o dilhad warnań, hag ec’h azezas warnań.

8  Kalz a astennas o dilhad war an hent, ha re all a droc'has brankoł gwez hag a c'holoas ganto an hent.

9  Ar re a gerzhe a-raok hag ar re a heulie a grie, o lavarout: Hozanna! Benniget ra vo an hini a zeu en anv an Aotrou!

10  Benniget ra vo ren David hon tad, a zeu en anv an Aotrou! Hozanna el lec'hioł uhel-meurbet!

11  Jezuz a yeas e Jeruzalem hag en templ. O vezań sellet ouzh pep tra, evel ma oa diwezhat, ez eas er-maez da Vetania gant an daouzek.

Ar wezenn-fiez milliget

12  An deiz war-lerc'h, pa zistroent eus Betania, en doe naon.

13  O welout a-bell ur wezenn-fiez he doa delioł, ez eas evit gwelout hag-eń e kavje un dra bennak enni. Hag o vezań tostaet, ne gavas nemet delioł, rak ne oa ket mare ar fiez.

14  Neuze Jezuz o kemer ar gomz, a lavaras dezhi: Ne roi biken da zen eus da frouezh da zebriń. Hag e ziskibien a glevas kement-se.

Ar varc'hadourien kaset kuit er-maez eus an templ

15  Dont a rejont da Jeruzalem. Jezuz o vezań aet en templ, en em lakaas da gas kuit ar re a werzhe hag a brene en templ, hag e tiskaras taolioł an drokerien-arc'hant ha kadorioł ar re a werzhe koulmed.

16  Ne leze den da zougen lestr ebet dre an templ.

17  Hag e kelenne o lavarout dezho: Ha n'eo ket skrivet: Va zi a vo anvet un ti a bedenn evit an holl vroadoł? Met c'hwi hoc'h eus graet anezhań ur c'havarn laeron.

18  Ar skribed hag an aberzhourien vras o vezań klevet kement-se, a glaskas an doare d'e lakaat d'ar marv. Rak aon o doa dirazań, dre ma oa estlammet an holl engroez gant e gelennadurezh.

19  An abardaez o vezań deuet, ez eas kuit eus kźr.

Ar wezenn-fiez sec'het; ar feiz; ar pardon

20  Da vintin en ur dremen, e weljont ar wezenn-fiez sec'het betek he gwrizioł.

21  Pźr o kaout sońj, a lavaras dezhań: Rabbi (=Mestr), setu, ar wezenn-fiez ac'h eus milliget a zo sec'het.

22  Jezuz a respontas hag a lavaras dezho: Ho pet feiz e Doue.

23  Rak me a lavar deoc'h e gwirionez, an hini a lavaro d'ar menez-se: Sav alese hag en em daol er mor, ha ne ziskredo ket en e galon, met a gredo e c'hoarvezo ar pezh a lavar, graet e vo dezhań ar pezh en devo lavaret.

24  Setu perak e lavaran deoc'h: Kement a c'houlennot o pediń, kredit e resevot anezhań, ha kement-se a vo roet deoc'h.

25  Ha pa en em zalc'hit o pediń, mar hoc'h eus un dra bennak a-enep unan bennak, pardonit, evit ma teuio ho Tad a zo en neńvoł da bardon deoc'h ho mankoł ivez.

26  Met ma ne bardonit ket, ho Tad a zo en neńvoł ivez ne bardono ket ho mankoł.

Galloud Jezuz

27  Distreiń a rejont c'hoazh da Jeruzalem, hag evel ma kerzhe en templ, an aberzhourien vras, ar skribed hag an henaourien a dostaas outań

28  da lavarout dezhań: Dre beseurt galloud e rez an traoł-se, ha piv en deus roet dit ar galloud d'ober an traoł-se?

29  Jezuz a respontas hag a lavaras dezho: Un dra a c'houlennin ivez ouzhoc'h. Respontit din hag e lavarin deoc'h dre beseurt galloud e ran an traoł-se.

30  Badeziant Yann, ha dont a rae eus an neńv pe eus an dud? Respontit din.

31  Int a sońjas enno o-unan, o lavarout: Mar lavaromp: Eus an neńv, e lavaro: Perak eta n'hoc'h eus ket kredet anezhań?

32  Ha mar lavaromp: Eus an dud... Aon o doa rak ar bobl, rak an holl a gemere Yann evit ur gwir brofed.

33  Neuze e respontjont o lavarout da Jezuz: N'ouzomp ket. Ha Jezuz a respontas o lavarout dezho: Me kennebeut ne lavarin ket deoc'h dre beseurt galloud e ran an traoł-se.

 

Pennad 12

Parabolenn ar winierien

1  Hag en em lakaas da gomz outo dre barabolennoł. Un den a blantas ur winienn, a reas ur c'harzh en-dro dezhi, a gleuzias ur foz evit ur waskell, hag a savas un tour. Neuze e feurmas anezhi da winierien, hag ez eas en ur vro all.

2  Da goulz ar frouezh e kasas ur servijer etrezek ar winierien evit kemer diganto eus frouezh ar winienn.

3  Met kregiń a rejont ennań, en kannjont, hag en kasjont kuit hep netra.

4  Kas a reas dezho adarre ur servijer all, met teurel a rejont mein outań, en gloazjont en e benn, hag en kasjont kuit goude bezań graet dezhań meur a zismegańs.

5  Kas a reas adarre un all, a voe lazhet ganto; ha kalz a re all goude-se, kannet e oa lod ha lazhet lod all.

6  Ur mab en doa c'hoazh, e garet-mat; e gas a reas ivez dezho da ziwezhań, en ur lavarout: Doujań a raint va mab.

7  Met ar winierien-se a lavaras etrezo: Setu an heritour, deuit, lazhomp-eń, hag an hźrezh a vo deomp.

8  Hag e krogjont ennań, en lazhjont, hag en taoljont er-maez eus ar winienn.

9  Petra eta a raio mestr ar winienn? Dont a raio da zistrujań ar winierien-se, hag e roio ar winienn da reoł all.

10  Ha n'hoc'h eus ket lennet ar gomz-mań eus ar Skritur: Ar maen taolet kuit gant ar re a vańsone a zo deuet da vezań penn ar c'horn;

11  kement-se a zo bet graet gant an Aotrou, ur burzhud eo d'hon daoulagad?

12  Klask a rejont kregiń ennań, met aon o doa rak an engroez. Anavezout a rejont mat en doa lavaret ar barabolenn-se a-enep dezho; hag e lezjont anezhań hag ez ejont kuit.

Ar gwir da Gezar

13  Hag e kasjont d'e gavout hiniennoł eus ar farizianed hag eus an herodianed, evit e dapout en e gomzoł.

14  Dont a rejont da lavarout dezhań: Mestr, gouzout a reomp ez out gwirion ha ne rez van eus den ebet, rak ne sellez ket ouzh diavaez an dud, met kelenn a rez hent Doue hervez ar wirionez: Ha dleet eo paeań ar gwir da Gezar pe n'eo ket?

15  E baeań a raimp pe ne raimp ket? Met eń oc'h anavezout o filpouzerezh, a lavaras dezho: Perak e temptit ac'hanon? Degasit din un diner (1 diner = pezh arc'hant roman war-dro 4 g) evit ma welin anezhań.

16  Hag e tegasjont unan. Neuze e lavaras dezho: Eus piv eo ar skeud hag ar skrid-mań? Int a lavaras dezhań: Eus Kezar.

17  Ha Jezuz a respontas hag a lavaras: Roit da Gezar ar pezh a zo da Gezar, ha da Zoue ar pezh a zo da Zoue. Hag e voent estlammet gantań.

Diwar-benn an dasorc'hidigezh

18  Neuze e teuas d'e gavout ar sadukeiz, ar re a lavar n'eus ket a zasorc'hidigezh, hag ober a rejont ar goulenn-mań outań, o lavarout:

19  Mestr, Moizez en deus skrivet deomp: mar deu da vervel breur unan bennak o lezel e wreg hep lezel bugale, e timezo e vreur d'e intańvez evit sevel ul lignez d'e vreur.

20  Hogen, bez' e oa seizh breur. Ar c'hentań o vezań kemeret ur wreg, a varvas hep lezel bugale.

21  An eil a gemeras anezhi hag a varvas hep lezel kennebeut a vugale. An hevelep doare a c'hoarvezas gant an trede.

22  Ar seizh o deus he c'hemeret ha n'o deus ket lezet a vugale. Goude an holl re-mań, e varvas ar wreg ivez.

23  Neuze pa zasorc'hint d'an dasorc'hidigezh, da behini anezho e vo gwreg? Rak bet eo gwreg dezho o seizh.

24  Jezuz a respontas hag a lavaras dezho: Daoust ha n'oc'h ket faziet, dre ma n'anavezit nag ar Skriturioł na galloud Doue?

25  Rak pa zasorc'hont a-douez ar re varv, ne zimezont ket ha n'int ket roet da zimeziń, met evel aeled en neńv ez int.

26  Met diwar-benn dasorc'hiń ar re varv, hag-eń n'hoc'h eus ket lennet e levr Moizez, penaos Doue a gomzas outań eus ar vodenn pa lavaras: Me eo Doue Abraham, Doue Izaak, Doue Jakob?

27  N'eo ket Doue ar re varv, met Doue ar re vev. Faziet bras oc'h eta.

Ar gourc'hemenn kentań

28  Unan eus ar skribed o c'hlevas o riotal. O welout en doa respontet mat dezho, e tostaas hag e c'houlennas outań: Pehini eo ar c'hentań eus an holl c'hourc'hemennoł?

29  Jezuz a respontas dezhań: Ar c'hentań eus an holl c'hourc'hemennoł eo: Selaou Israel, an Aotrou hon Doue a zo an Aotrou hepken,

30  ha: Karout a ri an Aotrou da Zoue, eus da holl galon, eus da holl ene, eus da holl sońj, eus da holl nerzh. Hennezh eo ar c'hentań gourc'hemenn.

31  Ha setu an eil a zo heńvel outań: Karout a ri da nesań eveldout da-unan. N'eus gourc'hemenn all ebet brasoc'h eget ar re-mań.

32  Ar skrib a lavaras dezhań: Mat eo, Mestr, lavaret ec'h eus hervez ar wirionez n'eus nemet un Doue ha n'eus hini all ebet nemetań,

33  hag e garout eus e holl galon, eus e holl sońj, eus e holl ene, eus e holl nerzh, ha karout e nesań eveltań e-unan a zo muioc'h eget an holl loskaberzhoł hag an holl aberzhoł.

34  Jezuz o welout en doa respontet gant furnez, a lavaras dezhań: N'out ket pell diouzh rouantelezh Doue. Ha neuze den ne gredas mui ober goulenn ebet outań.

Mab piv eo ar C'hrist?

35  Evel ma oa Jezuz o kelenn en templ, e kemeras ar gomz hag e lavaras: Penaos e lavar ar skribed ez eo ar C'hrist Mab da Zavid?

36  Rak David a lavaras e-unan dre ar Spered-Santel: An Aotrou en deus lavaret da'm Aotrou: Azez a-zehoł din, betek ma em bo graet eus da enebourien ur skabell dindan da dreid.

37  David e-unan eta a c'halv anezhań Aotrou, ha penaos eo-eń e vab? Hag un engroez bras a selaoue anezhań gant plijadur.

38  Lavarout a rae ivez dezho en e gelennadurezh: Diwallit diouzh ar skribed a blij dezho pourmen gant saeoł hir, a gar ar saludoł war ar marc'hallac'hioł,

39  ar c'hadorioł kentań er sinagogennoł hag ar plasoł kentań er festoł,

40  hag a rińs tiez an intańvezed gant un doare a-ziavaez a bedennoł hir. Barnet e vint garvoc'h.

Profadenn an Intańvez

41  Jezuz o vezań azezet dirak an teńzor, a sellas penaos e roe an dud arc'hant e-barzh an teńzor. Kalz a dud pinvidik a lakae kalz.

42  Hag e teuas un intańvez paour, a roas daou bezhig oc'h ober ur gwenneg.

43  O vezań galvet e ziskibien, e lavaras dezho: Me a lavar deoc'h e gwirionez, an intańvez paour-se he deus roet muioc'h eget an holl re all o deus roet er c'hef,

44  rak holl o deus roet eus ar pezh o doa a re, met houmań he deus lakaet eus he dienez kement he doa, kement holl a oa chomet ganti evit bevań.

 

Pennad 13

Neuze e vo gwelet Mab an den o tont ...

1  Evel ma'z ae kuit eus an templ, unan eus e ziskibien a lavaras dezhań: Mestr, sell pebezh mein ha pebezh savadurioł!

2  Jezuz a respontas hag a lavaras dezhań: Ha gwelout a rez an holl savadurioł bras-se? Ne chomo ket diouto amań maen war vaen na vo diskaret.

3  Hag evel ma oa azezet war Venez an Olived, dirak an templ, Pźr, Jakez, Yann hag Andrev a c'houlennas a-du digantań:

4  Lavar deomp pegoulz e c'hoarvezo an traoł-se, ha dre beseurt arouez e vo anavezet e vint prest d'en em gavout.

5  Jezuz a respontas dezho hag en em lakaas da lavarout: Diwallit na douellfe den ac'hanoc'h.

6  Rak meur a hini a zeuio em anv, en ur lavarout: Me eo. Hag e touellint kalz a dud.

7  Pa glevot komz eus brezelioł ha brud brezelioł, na spontit ket, rak ret eo e teufe an traoł-se. Met kement-se ne vo ket c'hoazh an diwezh.

8  Rak ur vroad a savo a-enep ur vroad, hag ur rouantelezh a-enep ur rouantelezh, hag e vo krenoł-douar e meur a lec'h, naonegezhioł ha trubuilhoł. An traoł-mań ne vo nemet ar gloazioł kentań.

9  Met diwallit ouzhoc'h hoc'h-unan, rak ho kas a raint dirak al lezioł-barn hag ho skourjezań a raint er sinagogennoł, mont a reot dirak ar c'houarnourien ha dirak ar rouaned abalamour din, evit reiń testeni dirazo.

10  Ret eo ma vo da gentań prezeget an Aviel d'an holl vroadoł.

11  Pa gasint ac'hanoc'h evit ho troukreiń, na vezit ket en poan a-raok eus ar pezh ho po da lavarout ha na rakprederit ket anezhań, met lavarit ar pezh a vo roet deoc'h war an eur-se, rak ne vo ket c'hwi a gomzo met ar Spered-Santel.

12  Ar breur a roio e vreur d'ar marv, hag an tad e vugel. Ar vugale en em savo a-enep o zud hag o lakaint d'ar marv.

13  Kasaet e viot gant an holl abalamour da'm anv, met an hini a gendalc'ho betek an diwezh, hennezh a vo salvet.

14  Pa welot euzhusted ar glac'har, m'en deus komzet ar profed Daniel diwar he fenn, deuet el lec'h na zle ket bezań, ra gompreno an neb a lenn, neuze ar re a vo e Judea, ra dec'hint d'ar menezioł,

15  an hini a vo war an doenn, ra chomo hep diskenn en ti hag hep mont ennań da gemer un dra bennak en e di,

16  an hini a vo er parkeier, ra chomo hep distreiń a-dreńv da gemer e zilhad.

17  Gwalleur d'ar gwragez brazez ha d'ar magerezed en deizioł-se!

18  Pedit evit na c'hoarvezo ket ho tec'h er goańv,

19  rak en deizioł-se e vo ur glac'har ken bras, evel n'eus ket bet adalek penn-kentań ar bed en deus krouet Doue betek vremań, ha ne vo biken.

20  Ha ma n'en dije ket an Aotrou berraet an deizioł-se, den ebet ne vije salvet. Met abalamour d'ar re zibabet dilennet gantań, berraet en deus an deizioł-se.

21  Neuze, mar lavar unan bennak deoc'h: Setu, ar C'hrist a zo amań, pe: Setu, emań aze, na gredit ket.

22  Rak fals-kristed ha fals-profeded a savo, hag e raint arouezioł ha burzhudoł e doare ma touellint, ma vefe gallet, zoken ar re zibabet.

23  Bezit war evezh eta, setu, lavaret em eus holl deoc'h a-raok.

24  En deizioł-se, goude ar glac'har-mań, an heol a vo teńvalaet, al loar ne roio ken he sklźrijenn,

25  stered an neńv a gouezho, hag ar galloudoł en neńvoł a vo brańsellet.

26  Neuze e vo gwelet Mab an den o tont war ar c'hoabrennoł gant ur galloud bras hag ur c'hloar vras.

27  Kas a raio e aeled hag e tastumo e re zibabet eus ar pevar avel, adalek penn pellań an douar betek penn pellań an neńv.

28  Deskit dre ur barabolenn tennet eus ar wezenn-fiez. Pa zeu he brankoł da vezań tener hag he delioł da vountań, gouzout a rit eo tost an hańv.

29  Evel-se ivez pa welot an traoł-se oc'h erruout, gouezit emań tost, e-tal an nor.

30  Me a lavar deoc'h e gwirionez, ne dremeno ket ar rummad-mań ken na vo sevenet an holl draoł-se.

31  An neńv hag an douar a dremeno, met va c'homzoł ne dremenint ket.

32  Hogen evit ar pezh a sell ouzh an deiz hag ouzh an eur, den n'o anavez, nag an aeled a zo en neńv, nag ar Mab, met an Tad hepken.

33  Bezit war evezh, beilhit ha pedit, rak n'ouzoc'h ket pa zeuio ar c'houlz-se.

34  Heńvel eo ouzh un den a ya da veajiń, a lez e di, a ro ar renerezh anezhań d'e vevelien, da bep hini e labour, hag a c'hourc'hemenn d'ar porzhier beilhań.

35  Beilhit eta, rak n'ouzoc'h ket pa zeuio mestr an ti, d'an abardaez, da hanternoz, da gan ar c'hilhog, pe diouzh ar beure,

36  gant aon na zeufe en un taol, ha n'ho kavfe kousket.

37  Hag ar pezh a lavaran deoc'h, a lavaran d'an holl: Beilhit.

 

Pennad 14

Irienn a-enep Jezuz

1  Gouel ar Pask hag ar bara hep goell a zlee bezań daou zevezh goude. An aberzhourien vras hag ar skribed a glaske an doare da gregiń ennań dre droidell ha d'e lakaat d'ar marv.

2  Met lavarout a raent: Arabat e vefe e-pad ar gouel, gant aon na savfe un drubuilh bennak e-touez ar bobl.

Jezuz olevet e Betania

3  E-pad ma oa e Betania, ouzh taol, e ti Simon al lovr, ur vaouez a zeuas gant ul lestr alabastr leun a c'hwezh-vat a nard pur prizius bras; terriń a reas al lestr hag e skuilhas ar c'hwezh-vat war e benn.

4  En o zouez hiniennoł a oa droug enno hag e lavarjont: Perak koll ar c'hwezh-vat-se?

5  Gallet e vije bet he gwerzhań ouzhpenn tri c'hant diner (1 diner = pezh arc'hant roman war-dro 4 g) hag o reiń d'ar beorien. Hag e rebechent anezhi.

6  Met Jezuz a lavaras: Lezit-hi, perak e rit poan dezhi? Un dra vat he deus graet em c'heńver.

7  Rak bepred ho po peorien ganeoc'h, ha bep gwech ma c’hoantaiot e c'hellot ober vad dezho, met n'ho po ket atav ac'hanon.

8  Graet he deus ar pezh a c'helle, frondet he deus a-ziaraok va c'horf evit va beziadur.

9  Me a lavar deoc'h e gwirionez, e kement lec'h ma vo prezeget an Aviel-mań dre ar bed holl, ar pezh he deus graet-hi a vo ivez lavaret en eńvor anezhi.

Trubarderezh Judaz

10  Judaz Iskariod, unan eus an daouzek, a yeas da gavout an aberzhourien vras evit e lakaat etre o daouarn.

11  O vezań e selaouet, e voent laouen hag e lavarjont reiń arc'hant dezhań. Hag e klaske un tu dereat d'e zroukreiń.

Ar Pask diwezhań

12  An deiz kentań eus ar bara hep goell, pa aberzhed ar Pask, e ziskibien a lavaras dezhań: Pelec'h e fell dit ez afemp da gempenn evidout pred ar Pask?

13  Kas a reas daou eus e ziskibien hag e lavaras dezho: It e kźr, hag e kavot un den o tougen ur podad dour, it war e lerc'h.

14  E pe lec'h bennak ma'z aio e-barzh, lavarit d'ar penn-tiegezh: Ar Mestr a lavar: Pelec'h emań ar sal ma tebrin ar Pask enni gant va diskibien?

15  Hag e tiskouezo deoc'h ur gambr uhel bras, annezet ha fichet mat, kempennit-eń eno deomp.

16  E ziskibien a yeas kuit, a zeuas e kźr, hag a gavas an traoł evel m'en doa lavaret dezho. Hag e kempennjont ar Pask.

17  Pa voe deuet an abardaez, e teuas gant an daouzek.

18  E-pad ma oant ouzh taol ha ma tebrent, Jezuz a lavaras dezho: Me a lavar deoc'h e gwirionez, unan ac'hanoc'h, unan hag a zebr ganin, am gwerzho.

19  En em lakajont da vezań glac'haret ha da lavarout dezhań an eil goude egile: Ha me eo? Hag un all: Ha me eo?

20  Eń a respontas hag a lavaras dezho: Unan eus an daouzek eo, ha lakaat a ra e zorn er plad ganin.

21  Mab an den evit gwir a ya kuit hervez ar pezh a zo skrivet diwar e benn, met gwalleur d'an den ma'z eo gwerzhet gantań! Gwelloc'h e vije bet d'an den-se ma ne vije biken bet ganet.

Ar Goan-Santel

22  E-pad ma tebrent Jezuz a gemeras bara, ha goude bezań trugarekaet, en torras hag en roas dezho, en ur lavarout: Kemerit, debrit, hemań eo va c'horf.

23  Kemer a reas ivez an hanaf, ha goude bezań trugarekaet, en roas dezho hag ec'h evjont holl dioutań;

24  hag e lavaras dezho: Hemań eo va gwad, ar gwad eus an emglev nevez skuilhet evit kalz.

25  Me a lavar deoc'h e gwirionez, n'evin mui eus frouezh ar winienn betek an deiz ma'c'h evin hini nevez e rouantelezh Doue.

Jezuz a gemenn da Bźr e zinac'hadenn

26  Goude bezań kanet ur c'hantik, ez ejont da Venez an Olived.

27  Jezuz a lavaras dezho: Evidoc'h holl e vin en noz-mań un abeg da gouezhań, rak skrivet eo: Skeiń a rin gant ar mesaer, hag an deńved a vo stlabezet.

28  Met goude ma vin dasorc'het, ho tiaraogin e Galilea.

29  Pźr a lavaras dezhań: Zoken pa vefes un abeg da gouezhań evit an holl, ne vi biken evidon-me.

30  Jezuz a lavaras dezhań: Me a lavar dit e gwirionez, hiziv, en noz-mań, a-raok ma kano ar c'hilhog div wech, te az po va dinac'het teir gwech.

31  Met eń a lavaras kreńvoc'h: Pa vefe ret din mervel ganit, ne zinac'hin ket ac'hanout. Hag an holl re a lavaras an hevelep tra.

E liorzh Getsemane

32  Neuze ez ejont d'ul lec'h anvet Getsemane, hag e lavaras d'e ziskibien: Azezit amań e-pad ma pedin.

33  Kemer a reas gantań Pźr, Jakez ha Yann, hag e krogas da vezań leun a aon hag a anken.

34  Hag e lavaras dezho: Trist-kenań eo va ene betek ar marv, chomit amań ha beilhit.

35  Hag o vont un tamm a-raokoc'h, e kouezhas d'an douar, hag e pedas ma tremenje e-biou dezhań an eur-se, mar gellje-se bezań.

36  Hag e lavare: Abba, Tad, an holl draoł a c'hellez, pella an hanaf-se diouzhin! Koulskoude, n'eo ket evel ma fell din, met evel ma fell dit.

37  Dont a reas hag o c'havas kousket, hag e lavaras da Bźr: Simon, kousket a rez! Ne'c'h eus ket gallet beilhań un eurvezh?

38  Beilhit ha pedit, evit ma n'eot ket e-barzh an temptadur, rak ar spered a zo tuet mat met ar c'hig a zo dinerzh.

39  Mont a reas adarre, hag e pedas o lavarout an hevelep komzoł.

40  Hag e tistroas hag o c'havas kousket adarre, rak o daoulagad a oa pounneraet, ha ne ouient ket petra respont dezhań.

41  Hag e teuas evit an trede gwech hag e lavaras dezho: Kouskit bremań ha diskuizhit! A-walc'h eo! An eur a zo deuet. Setu, Mab an den a ya da vezań lakaet etre daouarn ar bec'herien.

42  Savit, deomp. Setu, an hini am gwerzh a dosta.

Jezuz a zo trubardet ha paket

43  Ha kerkent, evel ma komze c'hoazh, e teuas Judaz, unan eus an daouzek, ha gantań un engroez bras a dud gant klezeier ha gant bizhier, a-berzh an aberzhourien vras, ar skribed hag an henaourien.

44  An hini en gwerzhe en doa roet ar sin-mań: An hini a bokin dezhań, hennezh eo, krogit ennań ha kasit-eń sur.

45  Kerkent hag e voe erruet, e tostaas raktal outań hag e lavaras: Mestr! Mestr! Hag e pokas dezhań.

46  Neuze e lakajont o daouarn warnań, hag e krogjont ennań.

47  Unan eus ar re a oa eno a dennas e gleze, a skoas gant ur servijer eus an aberzhour-meur, hag a droc'has e skouarn dezhań.

48  Neuze Jezuz a gemeras ar gomz hag a lavaras dezho: Deuet oc'h er-maez evel war-lerc'h ul laer, gant klezeier ha gant bizhier, evit kregiń ennon.

49  Bemdez e oan en ho touez o kelenn en templ, ha n'hoc'h eus ket va c'hemeret, met bez' eo evit ma vo sevenet ar Skriturioł.

50  Neuze an holl a zilezas anezhań hag a dec'has kuit.

51  Un den yaouank a zeuas war e lerc'h, goloet hepken gant ul linenn skańv. An dud yaouank a grogas ennań,

52  met eń a lezas al linenn hag a dec'has en noazh eus etre o daouarn.

Jezuz degaset dirak an aberzhour-meur; Dinac'hadurioł Pźr

53  Kas a rejont Jezuz da di an aberzhour-meur, e-lec'h ma oa en em zastumet an holl aberzhourien vras, an henaourien hag ar skribed.

54  Pźr a heulias anezhań a-bell betek e-barzh porzh an aberzhour-meur. Hag o vezań azezet gant ar vevelien, e tomme e-tal an tan.

55  An aberzhourien vras hag ar sanedrin a-bezh a glaske un testeni a-enep Jezuz evit e lakaat d'ar marv, met ne gavent ket.

56  Rak kalz a roe falstestenioł en e enep, met o zestenioł ne oant ket heńvel etrezo.

57  Hiniennoł a savas hag a zougas ur falstesteni a-enep dezhań, o lavarout:

58  E glevet hon eus o lavarout: Me a ziskaro an templ-mań graet gant dorn an den, hag a-benn tri devezh e savin unan all ha ne vo ket graet gant dorn an den.

59  Met war ar poent-se kennebeut, o zestenioł ne oant ket heńvel etrezo.

60  An aberzhour-meur a savas en o c'hreiz, hag e reas ur goulenn ouzh Jezuz o lavarout: Ha ne respontez netra? Petra a lavar an dud-se ez enep?

61  Met tevel a reas ha ne respontas netra. An aberzhour-meur en goulennatas c'hoazh o lavarout dezhań: Bez' out-te ar C'hrist, Mab an Hini a zo benniget?

62  Jezuz a lavaras dezhań: Emaon. Hag e welot Mab an den azezet a-zehoł d'ar galloud, hag o tont war goabrennoł an neńv.

63  Neuze an aberzhour-meur a rogas e zilhad hag a lavaras: Da betra hon eus mui ezhomm a destoł?

64  Klevet hoc'h eus al ledoued. Petra a sońjit? Int holl neuze a varnas anezhań evel o tleout mervel.

65  Hiniennoł en em lakaas da grańchat outań, da c'holeiń e zremm ha da reiń taolioł-dorn dezhań, en ur lavarout: Diougan! Hag ar vevelien a jodatae anezhań.

66  Pźr a oa e traoń ar porzh, hag e teuas eno unan eus mitizhien an aberzhour-meur.

67  O welout Pźr o tommań, e sellas outań hag e lavaras: Te ivez a oa gant Jezuz a Nazared.

68  Met eń a nac'has o lavarout: N'ouzon ket, ne gomprenan ket petra a lavarez. Mont a reas er-maez dindan ar porched, hag e kanas ur c'hilhog.

69  Ar vatezh o vezań e welet adarre en em lakaas da lavarout d'ar re a oa eno: Hemań a zo eus an dud-se.

70  Eń a nac'has adarre. Ur pennad goude, ar re a oa eno a lavaras ivez da Bźr: A-dra-sur ez out eus an dud-se, rak te a zo Galileat, da yezh a zo heńvel ouzh o hini.

71  Neuze en em lakaas da zroukpediń ha da douiń: N'anavezan ket an den-se a gomzit anezhań.

72  Evit un eil gwech e kanas ur c'hilhog. Pźr en doe sońj eus ar ger en doa lavaret Jezuz dezhań: A-raok ma kano ar c'hilhog div wech, te az po va dinac'het teir gwech. Hag en ur sońjal ennań, e ouelas.

 

Pennad 15

Jezuz degaset dirak Pilat

1  Kerkent ha ma voe deuet ar mintin, an aberzhourien vras, gant an henaourien, ar skribed hag ar sanedrin a-bezh, en em guzulias asambles. O vezań ereet Jezuz, en degasjont hag en lakajont etre daouarn Pilat.

2  Pilat a c'houlennas outań: Ha te eo Roue ar Yuzevien? Respont a reas o lavarout dezhań: Henn lavarout a rez.

3  Tamallet e voe gant an aberzhourien vras eus meur a dra, met ne respontas netra.

4  Pilat a c'houlennataas anezhań c'hoazh o lavarout: Ne respontez netra? Sell pegement a draoł a lavaront a-enep dit.

5  Met Jezuz ne respontas netra ken, e doare ma voe souezhet Pilat.

6  D'ar gouel e laoske dezho ur prizoniad, piv bennak a c'houlennent.

7  Hag e oa en toull-bac'h unan anvet Barabbaz gant e genseurted, rak graet o doa ur muntr e-pad un dispac'h.

8  An engroez en em lakaas da c'houlenn gant kriadennoł bras ma vije graet dezho evel m'en doa graet a-viskoazh.

9  Pilat a respontas hag a lavaras dezho: Ha fellout a ra deoc'h e laoskfen deoc'h Roue ar Yuzevien?

10  Rak anavezout a rae e oa dre warizi o doa an aberzhourien vras e lakaet etre e zaouarn.

11  Met an aberzhourien vras a vroudas an engroez da c'houlenn ma vije laosket kentoc'h Barabbaz dezho.

12  Pilat o kemer ar gomz, a lavaras adarre dezho: Petra a fell deoc'h e rafen eta eus an hini a anvit Roue ar Yuzevien?

13  Int a grias a-nevez: Kroazstag-eń!

14  Pilat a lavaras dezho: Met pe zroug en deus graet? Hag e krijont c'hoazh kreńvoc'h: Kroazstag-eń!

15  Pilat eta o c'hoantaat plijout d'an engroez, a laoskas dezho Barrabaz, ha goude bezań lakaet Jezuz da vezań skourjezet, en roas evit bezań kroazstaget.

16  Ar soudarded a zegasas anezhań e diabarzh ar porzh, da lavarout eo er pretordi, hag e tastumjont an holl strollad.

17  Gwiskań a rejont anezhań gant limestra, hag e lakajont war e benn ur gurunenn spern o doa gweet,

18  hag en em lakajont d'e saludiń: Salud, Roue ar Yuzevien!

19  Gant ur gorzenn e skoent war e benn hag e krańchent outań, hag o plegań o glin e stouent dirazań.

Ar c'hroazstagadur

20  Goude bezań graet goap anezhań, e lamjont al limestra diwarnań, e wiskjont dezhań e zilhad en-dro, hag e kasjont anezhań ganto evit e groazstagań.

21  Un den eus Siren, anvet Simon, tad Aleksandr ha Rufuz, a dremene dre eno o tont eus ar parkeier, hag e redijont anezhań da zougen e groaz.

22  Hag en kasjont d'al lec'h anvet Golgota, da lavarout eo: Lec'h ar C'hlopenn.

23  Gwin mesket gant mir a rojont dezhań da evań, met ne gemeras ket.

24  Goude bezań e groazstaget, e lodennjont e zilhad ouzh o zeurel d'ar sord, evit anavezout lod pep hini.

25  An trede eur e oa pa groazstagjont anezhań.

26  Abeg e gondaonidigezh a oa lakaet dre ar skritell-mań: ROUE AR YUZEVIEN.

27  Kroazstaget e voe gantań daou laer, unan a-zehoł hag egile a-gleiz dezhań.

28  Evel-se e voe sevenet ar Skritur a lavar: Lakaet eo bet e renk an dorfedourien.

29  Ar re a dremene dre eno a lavare dismegańsoł dezhań hag a heje o fenn, en ur lavarout: He! Te hag a ziskar an templ hag en adsav e tri devezh,

30  en em savete da-unan, ha diskenn eus ar groaz!

31  Evel-se ivez, an aberzhourien vras gant ar skribed a rae goap etrezo, o lavarout: Saveteet en deus ar re all, ha ne c'hell ket en em saveteiń e-unan.

32  Ra ziskenno ar C'hrist, Roue Israel, bremań eus ar groaz, evit ma welimp ha ma kredimp. Hag ar re a oa kroazstaget gantań a lavare dismegańsoł dezhań.

33  Pa zeuas ar c'hwec'hvet eur, e voe teńvalijenn war ar vro a-bezh betek an navet eur.

34  D'an navet eur, Jezuz a grias gant ur vouezh kreńv: Eloi, Eloi, lama sabaktani? Da lavarout eo: Va Doue, va Doue, perak ec'h eus va dilezet?

35  Hiniennoł eus ar re a oa eno o vezań e glevet, a lavaras: Setu, e c'halv Elia.

36  Unan anezho a redas, a leunias ur spoueenn a winegr, he lakaas e penn ur gorzenn hag he roas dezhań da evań, en ur lavarout: Lezit, gwelomp hag-eń e teuio Elia d'e ziskenn.

37  Ha Jezuz o vezań taolet ur griadenn vras, a varvas.

38  Gouel an templ a rogas e div adalek al lein betek an traoń.

39  Ar c'hantener a oa dirazań, o welout e oa marvet en ur grial evel-se, a lavaras: E gwirionez, hemań a oa Mab Doue.

40  Bez' e oa ivez maouezed a selle a-bell. En o-zouez e oa Mari a Vagdala, Mari mamm Jakez ar yaouankań ha Jozez, ha Salome,

41  ar re o doa e heuliet hag e servijet pa oa e Galilea, ha meur a hini all a oa pignet gantań da Jeruzalem.

Beziadur Jezuz

42  Pa voe deuet an abardaez, evel ma oa deiz ar c'hempennadur, da lavarout eo deiz kent ar sabad,

43  e teuas Jozef a Arimatea, kuzulier enoret a c'hortoze ivez rouantelezh Doue, hag ez eas gant hardizhegezh da gavout Pilat da c'houlenn digantań korf Jezuz.

44  Pilat a voe souezhet e oa marv dija, hag o vezań galvet ar c'hantener, e c'houlennas digantań hag-eń e oa marv pell a oa.

45  P'en doe klevet gant ar c'hantener, e roas ar c'horf da Jozef.

46  O vezań prenet ul lińsel, en diskennas, en goloas gant al lińsel, hag e lakaas anezhań en ur bez toullet er roc'h. Neuze e ruilhas ur maen ouzh dor ar bez.

47  Mari a Vagdala ha Mari mamm Jozez a selle e pelec'h e lakaed anezhań.

 

Pennad 16

Jezuz dasorc'het a-douez ar re varv

1  Goude ma voe tremenet ar sabad, Mari a Vagdala, Mari mamm Jakez ha Salome, a brenas louzoł-frondus evit dont d'e valzamań.

2  Deiz kentań ar sizhun, e teujont d'ar bez mintin-mat, pa oa an heol o sevel.

3  Hag e lavarent etrezo: Piv a ruilho deomp ar maen diouzh dor ar bez?

4  O vezań sellet, e weljont e oa bet ruilhet ar maen, ha gwall vras e oa.

5  O vezań aet er bez, e weljont un den yaouank azezet en tu dehoł, gwisket gant ur sae wenn, hag e voent spontet.

6  Eń a lavaras dezho: Na vezit ket spontet, emaoc'h o klask Jezuz a Nazared a zo bet kroazstaget. Dasorc'het eo, n'emań ket amań, setu al lec'h m'o doa e lakaet.

7  Met it ha lavarit d'e ziskibien ha da Bźr ho tiaraogo e Galilea. Eno en gwelot, evel m'en deus lavaret deoc'h.

8  Mont a rejont kuit buan hag e tec'hjont diouzh ar bez, rak souezhet e oant ha leuniet a aon. Ne lavarjont netra da zen, rak spontet e oant.

Jezuz en em ziskouez da Vari a Vagdala ha da ziskibien all

9  O vezań dasorc'het da veure ar c'hentań deiz eus ar sizhun, Jezuz en em ziskouezas da gentań da Vari a Vagdala, m'en doa kaset kuit seizh diaoul diouti.

10  Hi a yeas hag a roas d'henn anavezout d'ar re a oa bet gantań hag a oa e kańv hag en daeroł.

11  Met int, o klevout e oa bev hag he doa-hi gwelet anezhań, ne gredjont ket.

12  Goude-se, en em ziskouezas en un doare all da zaou anezho a oa war an hent o vont war ar maez.

13  Ar re-mań a yeas d'henn lavarout d'ar re all, ha n'o c'hredjont ket kennebeut.

14  Da ziwezhań en em ziskouezas d'an unnek evel ma oant ouzh taol, hag e rebechas dezho o diskredoni hag o c'haleter a galon, dre n'o doa ket kredet ar re o doa e welet dasorc'het.

It dre ar bed holl ...

15  Hag e lavaras dezho: It dre ar bed holl, ha prezegit an Aviel da bep krouadur.

16  An hini a gredo hag a vo badezet a vo salvet, met an hini na gredo ket a vo kondaonet.

17  Setu ar mirakloł a heulio ar re a gredo: Em anv e kasint kuit an diaouled; komz a raint yezhoł nevez;

18  kemer a raint an naered; mar evont un dra marvus bennak, ne raio ket a zroug dezho; lakaat a raint o daouarn war ar re glańv hag e vint yac'haet.

19  An Aotrou, goude bezań komzet outo, a voe savet d'an neńv, hag ec'h azezas en tu dehoł da Zoue.

20  Int a yeas kuit da brezeg dre holl; an Aotrou a laboure ganto hag a roe kred d'ar gomz dre ar mirakloł a heulie anezhi. Amen.