LIZHER PAOL D'AR

ROMANED

 

Pennad 1

1  Paol, servijer Jezuz-Krist, galvet da vezań abostol, lakaet a-du evit Aviel Doue

2  prometet dija gantań dre e brofeded er Skriturioł santel,

3  hag a gomz diwar-benn e Vab, ganet eus lignez David hervez ar c'hig,

4  disklźriet Mab Doue gant galloud hervez ar Spered a santelezh dre e adsavidigezh a-douez ar re varv, Jezuz-Krist hon Aotrou,

5  hon eus resevet drezań ar c'hras hag an abostolerezh evit degas ar sentidigezh ouzh ar feiz e-touez an holl baganed, evit gloar e anv,

6  eus o zouez ez oc'h ivez, c'hwi a zo bet galvet gant Jezuz-Krist,

7  d'an holl dud karet-mat gant Doue a zo e Rom, galvet da vezań santelaet: Ar c'hras hag ar peoc'h ra vo roet deoc'h a-berzh Doue hon Tad hag an Aotrou Jezuz-Krist!

Paol en deus c'hoant bras da welout kristenien Rom

8  Da gentań e trugarekaan va Doue dre Jezuz-Krist evidoc'h holl, abalamour ma'z eo ho feiz brudet mat dre ar bed holl.

9  Rak Doue, a servijan em spered en Aviel e Vab, a zo test din penaos e venegan ac'hanoc'h hep ehan,

10  o c'houlenn dalc'hmat em fedennoł gallout, mar d-eo e volontez, dont a-benn da gaout un tu mat da vont d'ho kavout.

11  Rak c'hoantaat a ran kalz ho kwelout, evit lodennań ganeoc'h un donezon speredel bennak, evit ma viot kreńvaet,

12  da lavarout eo, o vezań en ho touez, ma vimp kalonekaet asambles dre ar feiz a zo kumun etrezomp holl deoc'h kenkoulz ha din-me.

13  Hogen, breudeur, ne fell ket din e tremenfec'h hep gouzout em eus alies lakaet em sońj da vont d'ho kavout, da zastum ur frouezh bennak en ho touez evel e-touez ar broadoł all, met miret eo bet kement-se ouzhin betek vremań.

14  En em dleout a ran d'ar C'hresianed kenkoulz ha d'ar Varbared, d'ar re ouiziek kenkoulz ha d'ar re ziouiziek.

15  Evel-se, e kement hag a sell ouzhin, ez on prest da brezeg an Aviel deoc'h-c'hwi ivez, ar re a zo e Rom.

Abeg al lizher

16  Rak ne'm eus ket mezh eus Aviel Krist, rak galloud Doue eo evit silvidigezh ar re holl a gred, ar Yuzev da gentań, ha goude ar Gresian.

17  Rak ennań eo diskuliet reizhder Doue eus ar feiz hag evit ar feiz, hervez ma'z eo skrivet: An hini reizh a vevo dre ar feiz.

Fulor Doue a-enep an holl dud

18  Rak fulor Doue en em ziskuilh eus an neńv a-enep pep dizoujańs Doue ha pep direizhder eus an dud a zalc'h ar wirionez en direizhder,

19  rak ar pezh a c'heller anavezout eus Doue a zo diskuliet sklaer dirazo, Doue en deus e ziskouezet dezho.

20  E gwirionez, traoł diwelus Doue, e c'halloud peurbadus hag e zoueelezh, a weler ken sklaer ha gant an daoulagad abaoe krouidigezh ar bed, pa seller outo a-dreuz e oberoł, en hevelep doare ma n'o deus digarez ebet,

21  rak, goude bezań anavezet Doue, n'o deus ket roet gloar dezhań evel da Zoue ha n'o deus ket e drugarekaet, met deuet int d'en em goll en o arguzennoł hag o c'halon dibourvez a zo bet leuniet a deńvalijenn.

22  Oc'h en em lavarout fur, deuet int da vezań sot

23  ha troet o deus gloar an Doue divreinus e skeudennoł a ziskouez an den breinus, laboused, pevarzroadeged ha loened-stlej.

24  Dre-se ivez Doue en deus o lakaet, hervez droukc'hoantoł o c'halonoł, en un hudurniezh ken bras ma o deus dizenoret o c'horfoł o-unan,

25  int hag o deus troet gwirionez Doue e gaou, ha servijet hag azeulet ar c'hrouadur e-lec'h ar C'hrouer, an hini a zo benniget da virviken. Amen.

26  Setu perak Doue en deus o laosket da c'hoantegezhioł mezhus. Rak o gwragez o deus troet ar c'hiz naturel en unan all a zo a-enep an natur.

27  En hevelep doare ivez, ar wazed, o tilezel an darempred naturel gant ar wreg, a zo bet entanet en o c'hoantidigezh an eil evit egile, oc'h ober gwaz gant gwaz loustonioł mezhus hag o resev enno o-unan ar gopr a oa dleet d'o gwallgundu.

28  Evel na fellas ket dezho anavezout Doue, Doue en deus o laosket da sońjoł a fallentez en hevelep doare ma reont traoł dizellezek.

29  Bez' ez int leuniet a bep direizhder, a loustoni, a fallentez, a bizhoni, a dromplerezh, a warizi, a vuntroł, a dabutoł, a widre, a fallagriezh,

30  flatrerien, droukkomzerien, enebourien Doue, tud dismegańsus, ourgouilhus, aner, ijinus a fallentez, disentus ouzh o zud,

31  diskiant, disleal, hep hegarated naturel, dibardon, didruez,

32  ha, daoust ma'c'h anavezont urzh Doue a varn dellezek a varv ar re a ra ar seurt traoł-se, n'int ket hepken ouzh o ober, met ouzhpenn ec'h asantont d'ar re o gra.

 

Pennad 2

Barnedigezh Doue a zo reizh

1  Te eta, o den, piv bennak ez out pa varnez, te a zo dibardon, rak, o varn ar re all, e varnez da-unan, peogwir te a varn hag a ra an hevelep traoł.

2  Hogen gouzout a reomp penaos barnedigezh Doue a-enep ar re a ra ar seurt traoł-se a zo hervez ar wirionez.

3  Ha te a sońj dit eta, o den hag a varn ar re a ra ar seurt traoł-se hag o gra da-unan, e c'helli tec'hout diouzh barnedigezh Doue?

4  Pe disprizań a rez pinvidigezhioł e vadelezh, e basianted hag e hir gortozidigezh, hep anavezout e c'halv madelezh Doue ac'hanout d'ar geuzidigezh?

5  Met dre da galeted ha da galon dibened, e tastumez un teńzor a fulor evit deiz fulor ha diskuliadur barnedigezh reizh Doue,

6  pa roio en-dro da bep hini hervez e oberoł,

7  ar vuhez peurbadus d'ar re a gendalc'h en oberoł mat, a glask ar gloar, an enor hag an divreinadurezh,

8  met droukc'hras ha fulor d'an dabuterien, d'ar re a stourm ouzh ar wirionez hag a sent ouzh an direizhder,

9  glac'har hag anken war bep ene den a ra an droug, war ar Yuzev da gentań, ha goude war ar Gresian,

10  met gloar, enor ha peoc'h da bep den a ra ar mad, d'ar Yuzev da gentań, ha goude d'ar Gresian.

11  Rak Doue ne ra van ebet eus diavaezioł an dud.

12  Ar re holl o devo pec'het hep al lezenn, a varvo ivez hep al lezenn, hag ar re holl o devo pec'het o kaout al lezenn, a vo barnet dre al lezenn.

13  Rak n'eo ket ar re a selaou al lezenn a zo reizh dirak Doue, met ar re a vir al lezenn eo ar re a vo reishaet.

14  Pa zeu ar baganed, int ha n'o deus ket al lezenn, da ober dre natur ar pezh a zo el lezenn, ez int ul lezenn dezho o-unan, o vezań n'o deus ket al lezenn,

15  diskouez a reont penaos oberenn al lezenn a zo skrivet en o c'halonoł, o c'houstiańs a ro testeni dezho hag o sońjoł en em damall pe en em zigarez etrezo,

16  en deiz ma varno Doue oberoł kuzhet an dud dre Jezuz-Krist, hervez va Aviel.

Ar Yuzevien hag al lezenn

17  Setu, te a zo anvet Yuzev, en em harp war al lezenn, a denn gloar eus Doue,

18  a anavez e volontez, a gav mat ar pezh a zo dispar, o vezań desket dre al lezenn,

19  a gred bezań rener ar re dall, sklźrijenn ar re a zo en deńvalijenn,

20  doktor ar re ziouiziek, mestr ar re hegredik, o kaout el lezenn reolenn ar c'houiziegezh hag ar wirionez.

21  Te eta, a gelenn ar re all, ha n'en em gelennez ket da-unan? Te a brezeg na dleer ket laerezh, hag e laerez?

22  Te a lavar na dleer ket ober avoultriezh, hag e rez avoultriezh? Te a gasa an idoloł, hag e laerez temploł?

23  Te a denn gloar eus al lezenn, hag e tizenor Doue o terriń al lezenn?

24  Rak anv Doue a zo mezhekaet e-touez ar baganed en abeg deoc'h, evel ma'z eo kement-se skrivet.

25  Gwir eo ez eo an amdroc'h talvoudek mar virez al lezenn, met mar d-out un torrer eus al lezenn, da amdroc'h a zeu da vezań diamdroc'h.

26  Mar mir eta an hini n'eo ket amdroc'het gourc'hemennoł al lezenn, e ziamdroc'h ha ne vo ket kontet evel amdroc'h?

27  Ha mar mir al lezenn an hini n'eo ket amdroc'het dre natur, ha ne varno ket ac'hanout, te hag a dorr al lezenn gant da lizherenn ha da amdroc'h?

28  Rak n'eo ket Yuzev an neb n'eo nemet en diavaez, ha n'eo ket an amdroc'h an hini a zo graet en diavaez er c'hig,

29  met eus an diabarzh eo e vezer Yuzev, hag an amdroc'h a zo hini ar galon, hervez ar spered ha nann hervez al lizherenn. E veuleudi ne zeu ket eus an dud, met eus Doue.

 

Pennad 3

Dreistelezh ar Yuzevien

1  Petra eta eo dreistelezh ar Yuzevien? Pe, petra eo talvoudegezh an amdroc'h?

2  Bras eo e pep doare, dreist-holl dre ma'z eo bet fiziet enno diouganoł Doue.

3  Petra eta mar d-eus hiniennoł ha n'o deus ket kredet, daoust hag o diskredoni a gaso da netra fealded Doue?

4  N'eo ket! Met ra vo Doue anavezet gwirion ha pep den gaouiat, hervez ma'z eo skrivet: Evit ma vi kavet reizh en da gomzoł ha ma c'hounezi da abeg pa vi barnet.

5  Met mar deu hon direizhder da ziskouez reizhder Doue, petra a lavarimp? Daoust hag eo Doue direizh pa ziskouez e gounnar? Komz a ran evel an dud.

6  N'eo ket! Anez, penaos e varnfe Doue ar bed?

7  Ha mar deu gwirionez Doue da lugerniń muioc'h evit e c'hloar dre va gaou, perak ez on c'hoazh barnet evel ur pec'her?

8  Perak ne reomp ket an droug evit m'en em gavfe ar mad a gement-se, evel ma'z eus hiniennoł a dest e lavaromp, en ur zroukkomz ac'hanomp? Kondaonidigezh an dud-se a zo reizh.

An holl a zo dindan ar pec'hed

9  Petra eta? Ha gwelloc'h ez omp-ni? Tamm ebet. Rak diskouezet hon eus penaos emań an holl, Yuzevien ha Gresianed, dindan ar pec'hed,

10  hervez ma'z eo skrivet: N'eus den reizh ebet, nann, hini ebet,

11  n'eus den hag en deus skiant, n'eus den hag a glask Doue,

12  an holl a zo en em zianket, an holl a zo en em lousaet asambles, n'eus hini anezho hag a ra ar mad, n'eus hini ebet.

13  O gouzoug a zo ur bez digor, lakaet o deus o zeod da servijań da douellerezh, ur binim a naer-aspig a zo dindan o muzelloł,

14  o genoł a zo leun a vallozh ha c'hwervoni,

15  skańv eo o zreid da skuilhań ar gwad,

16  ar glac'har hag ar gwalleur a zo war o hentoł,

17  n'o deus ket anavezet hent ar peoc'h,

18  n'emań ket doujańs Doue dirak o daoulagad.

19  Hogen gouzout a reomp penaos kement a lavar al lezenn, en lavar d'ar re a zo dindan al lezenn, evit ma vo serret pep genoł ha ma vo ar bed holl lakaet dindan barnedigezh Doue.

20  Rak kig ebet ne vo reishaet dirazań dre oberoł al lezenn, rak dre al lezenn eo e teu anaoudegezh ar pec'hed.

Reizhder Doue dre ar feiz eus Jezuz-Krist

21  Met bremań reizhder Doue a zo bet diskuliet hep al lezenn, al lezenn hag ar brofeded o reiń testeni dezhań,

22  reizhder Doue dre ar feiz eus Jezuz-Krist, evit ar re holl ha war ar re holl a gred. Rak n'eus diforc'h ebet,

23  peogwir holl o deus pec'het, hag e tioueront gloar Doue,

24  hag ez int reishaet evit netra dre e c'hras, dre an dasprenadur a zo e Jezuz-Krist,

25  eń hag a zo bet lakaet gant Doue da vezań un aberzh a drugarez dre ar feiz en e wad, evit diskouez e reizhder dre ar pardon eus ar pec'hedoł graet diagent e-pad deizioł pasianted Doue,

26  evit diskouez e reizhder en amzer a-vremań, en doare da vezań e-unan reizh ha da reishaat an neb en deus ar feiz eus Jezuz.

27  Pelec'h eta emań an abeg d'en em reiń gloar? Kaset eo kuit. Dre beseurt lezenn? Dre hini an oberoł? Nann, met dre lezenn ar feiz.

28  Dre-se eta e lavaromp ez eo reishaet an den dre ar feiz, hep oberoł al lezenn.

29  Doue, ha bez' eo hepken Doue ar Yuzevien? Ha n'eo ket ivez hini ar baganed? Ya, bez' eo ivez hini ar baganed,

30  rak bez' ez eus un Doue hepken a reishaio an amdroc'hidi dre ar feiz hag ar re ziamdroc'h dre ar feiz.

31  Ha kas a reomp eta da netra al lezenn dre ar feiz? N'eo ket! Er c'hontrol, diazezań a reomp al lezenn.

 

Pennad 4

Abraham reishaet dre ar feiz

1  Petra a lavarimp eta diwar-benn ar pezh en deus Abraham hon tad kavet hervez ar c'hig?

2  Mar d-eo bet Abraham reishaet dre an oberoł, en deus lec'h da dennań gloar, met nann dirak Doue.

3  Rak petra a lavar ar Skritur? Abraham a gredas Doue ha kement-se a voe kontet dezhań da reizhder.

4  Hogen, gopr an hini a labour n'eo ket kontet dezhań evel ur c'hras met evel un dra dleet,

5  ha d'an hini na labour ket met a gred en hini a reisha an den dizoue, e feiz a zo kontet dezhań da reizhder.

6  Evel-se ivez e tisklźri David eürusted an den a zo kontet dezhań gant Doue ar reizhder hep an oberoł:

7  Eürus ar re a zo pardonet dezho o direizhderioł hag a zo goloet o fec'hedoł!

8  Eürus an den na gonto ket dezhań an Aotrou e bec'hed!

9  An eürusted-se eta, daoust hag eo evit an amdroc'hidi hepken pe evit ar re ziamdroc'h ivez? Rak lavarout a reomp penaos ar feiz a voe kontet da Abraham da reizhder.

10  Pegoulz eta eo bet kontet dezhań? Pa oa amdroc'het pe diamdroc'h? Ne oa ket goude an amdroc'h, met e-pad ma oa c'hoazh diamdroc'h.

11  Hag e resevas sin an amdroc'h evel siell ar reizhder eus ar feiz en doa bet o vezań diamdroc'h, evit bezań tad d'ar re holl a gred petra bennak ma'z int diamdroc'h, ha ma vo ar reizhder ivez kontet dezho,

12  hag evit bezań tad an amdroc'hidi, ar re n'int ket amdroc'het hepken met c'hoazh a heuilh roudoł ar feiz en doa hon tad Abraham pa voe diamdroc'h.

13  Evel-se ar bromesa da gaout ar bed da hźrezh n'eo ket bet graet da Abraham pe d'e lignez dre al lezenn, met dre reizhder ar feiz.

14  Rak mar d-eo ar re eus ar lezenn an heritourien, ar feiz a zo aet da netra hag ar bromesa a zo torret.

15  Al lezenn a zegas ar gounnar, peogwir e-lec'h n'eus lezenn ebet n'eus ket a dorridigezh-lezenn.

16  Setu perak eus ar feiz eo hon eus resevet ar c'hras, evit ma vo ar bromesa asuret d'an holl lignez, nann hepken d'an hini a zo eus al lezenn, met ivez d'an hini a zo eus feiz Abraham, eń hag a zo hon tad deomp holl,

17  hervez ma'z eo skrivet: Da lakaet em eus da vezań tad da veur a vroad. Hon tad eo dirak Doue en deus kredet ennań, eń hag a ro buhez d'ar re varv hag a c'halv an traoł n'emaint ket evel ma vijent.

18  Oc'h esperout a-enep da bep esperańs, en deus kredet e teuje da vezań tad da veur a vroad, hervez ar pezh a oa bet lavaret: Evel-se e vo da lignez.

19  Evel na oa ket dinerzh er feiz, ne chomas ket da sońjal e oa e gorf dija gwanaet, pa'z eo gwir e oa erru tost da gant vloaz, hag e oa mammoł Sara e stad a varv.

20  N'en doe ket douetańs dre zifiziańs e-keńver promesa Doue, met kreńvaet e voe dre ar feiz, en ur reiń gloar da Zoue,

21  o krediń start penaos ar pezh en deus prometet, a c'hell ivez ober.

22  Setu perak kement-se a voe kontet dezhań da reizhder.

23  Hogen n'eo ket hepken evitań eo skrivet e oa kontet-se dezhań,

24  met deomp-ni eo ivez e vo kontet kement-se, ni hag a gred en hini en deus adsavet a-douez ar re varv Jezuz hon Aotrou,

25  an hini a zo bet droukroet evit hor pec'hedoł hag a zo adsavet a varv evit hor reizhadur.

 

Pennad 5

Ar peoc'h hag al levenez

1  O vezań eta reishaet dre ar feiz, hon eus ar peoc'h gant Doue dre hon Aotrou Jezuz-Krist,

2  eń hag en deus roet deomp dre ar feiz digor d'ar c'hras-se a chomomp start enni, hag e kavomp gloar en esperańs eus meurded Doue.

3  N'eo ket e kement-se hepken, met e kavomp gloar ivez er glac'haroł, o c'houzout penaos ar glac'har a zegas an dalc'husted,

4  an dalc'husted ar vertuz amprouet, hag ar vertuz amprouet an esperańs.

5  Hag an esperańs ne drompl ket, rak karantez Doue a zo bet skuilhet en hor c'halonoł gant ar Spered-Santel a zo bet roet deomp.

6  Rak pa oamp c'hoazh hep nerzh, Krist a zo marvet, en amzer dereat, evit tud zizoue.

7  A-boan ma varvfed evit un den reizh. Marteze e kredfe unan bennak mervel evit un den mat.

8  Met Doue a ziskouez e garantez en hor c'heńver, o vezań ma oamp c'hoazh pec'herien pa'z eo marvet Krist evidomp.

9  O vezań eta bremań reishaet dre e wad, muioc'h a-se e vimp salvet gantań eus ar gounnar.

10  Rak mar d-omp bet, pa oamp enebourien, adunvanet gant Doue dre varv e Vab, muioc'h a-se o vezań adunvanet, e vimp salvet dre e vuhez.

11  N'eo ket kement-se hepken, met c'hoazh e kavomp gloar e Doue dre hon Aotrou Jezuz-Krist, hon eus resevet bremań an adunvanidigezh drezań.

Ar marv dre Adam hag ar vuhez dre Grist

12  Dre-se, evel ma'z eo dre un den hepken ez eo deuet ar pec'hed er bed ha dre ar pec'hed ar marv, evel-se ivez ar marv a zo deuet d'en em astenn war an holl dud, rak holl o deus pec'het.

13  Rak ar pec'hed a oa er bed a-raok al lezenn, met ar pec'hed n'eo ket kontet pa n'eus lezenn ebet.

14  Koulskoude ar marv en deus renet adalek Adam betek Moizez, zoken war ar re n'o doa ket pec'het dre un disentidigezh heńvel ouzh hini Adam, eń a oa skeudenn an hini a dlee dont.

15  Met n'emań ket eus donezon ar c'hras evel eus ar pec'hed. Rak mar d-eo marvet tud e-leizh dre bec'hed unan hepken, kalz muioc'h gras Doue ha donezon ar c'hras deuet eus un den hepken, Jezuz-Krist, a zo en em skuilhet war galz a dud.

16  Ha n'emań ket eus an donezon evel eus ar pezh a zo c'hoarvezet dre unan hepken en deus pec'het. Rak ar varnedigezh a zo deuet da vezań kondaonidigezh goude ur pec'hed hepken, met donezon ar c'hras a zo deuet da vezań reizhadur goude meur a bec'hed.

17  Rak mar dre bec'hed unan hepken en deus renet ar marv, dre unan hepken, kalz muioc'h ar re a resev ar fonnder eus ar c'hras hag eus donezon ar reizhder a reno er vuhez dre unan hepken, Jezuz-Krist.

18  Evel-se eta, mar en deus ur pec'hed hepken talvezet ar gondaonidigezh d'an holl dud, evel-se ivez dre un ober a reizhder hepken an holl dud o deus ar reizhadur a ro ar vuhez.

19  Rak evel dre disentidigezh un den hepken kalz a zo bet lakaet da vezań pec'herien, evel-se ivez dre sentidigezh unan hepken kalz a vo lakaet da vezań reizh.

20  Hogen al lezenn a zo deuet evit lakaat ar pec'hed da fonnań; met e-lec'h m'en deus fonnet ar pec'hed, ar c'hras he deus dreistfonnet,

21  hag, evel m'en deus ar pec'hed renet er marv, e reno ar c'hras ivez dre ar reizhder evit reiń ar vuhez peurbadus dre Jezuz-Krist hon Aotrou.

 

Pennad 6

Ar vadeziant e Jezuz-Krist

1  Petra a lavarimp eta? Ha chom a raimp er pec'hed evit ma fonno ar c'hras?

2  N'eo ket! Marv omp d'ar pec'hed, penaos e c'hellfemp bevań c'hoazh ennań?

3  Ha n'ouzoc'h ket penaos ni holl hag a zo bet badezet e Jezuz-Krist, a zo bet badezet en e varv?

4  Sebeliet omp bet eta gantań dre ar vadeziant en e varv, evit, evel ma'z eo Krist adsavet a-douez ar re varv dre c'hloar an Tad, ma kerzhimp-ni ivez en hevelep doare e nevezded a vuhez.

5  Rak mar d-omp bet unanet asambles en ur marv heńvel ouzh e hini, e vimp ivez en e adsavidigezh a varv,

6  o c'houzout penaos hon den kozh a zo bet kroazstaget gantań, evit ma vo korf ar pec'hed distrujet, ha na vimp mui sklavourien ar pec'hed.

7  Rak an hini a zo marv, a zo dieubet eus ar pec'hed.

8  Hogen, mar d-omp marv gant Krist, e kredomp e vevimp ivez gantań,

9  o c'houzout penaos Krist adsavet a-douez ar re varv ne varvo ken. Ar marv n'en deus ken galloud warnań.

10  Rak o vervel, eo marvet ur wech hepken evit ar pec'hed, met o vevań, e vev evit Doue.

11  C'hwi ivez eta, en em sellit evel marv d'ar pec'hed da vat met bev evit Doue, e Jezuz-Krist hon Aotrou.

12  Ra ne reno eta ket ar pec'hed en ho korf marvel, evit ma sentot ouzh e zroukc'hoantoł.

13  Na roit ket hoc'h izili d'ar pec'hed evit bezań binvioł a zireizhder, met en em roit hoc'h-unan da Zoue evel tud deuet eus ar marv d'ar vuhez, ha roit hoc'h izili evel binvioł a reizhder evit Doue.

14  Rak ar pec'hed n'en devo ken galloud warnoc'h, dre ma n'emaoc'h ket dindan al lezenn met dindan ar c'hras.

Sklavourien d'ar reizhder evit ar santeladur

15  Petra eta? Ha pec'hiń a raimp dre ma n'emaomp ket dindan al lezenn met dindan ar c'hras? N'eo ket!

16  Ha n'ouzoc'h ket penaos mar en em rentit sklavourien da unan bennak da sentiń outań, ez oc'h sklavourien d'an hini ma sentit outań, pe d'ar pec'hed evit ar marv, pe d'ar sentidigezh evit ar reizhder?

17  Met grasoł ra vo roet da Zoue, goude bezań bet sklavourien d'ar pec'hed, hoc'h eus sentet a galon ouzh reolenn a gelennadurezh oc'h bet roet dezhi.

18  O vezań bet dieubet eus ar pec'hed, oc'h deuet sklavourien d'ar reizhder.

19  Komz a ran hervez giz an dud abalamour da zinerzhded ho kig. Evel eta ma hoc'h eus roet hoc'h izili da sklavourien d'an hudurniezh ha d'ar fallentez evit ar fallentez, evel-se roit hoc'h izili bremań da sklavourien d'ar reizhder evit ar santeladur.

20  Rak pa oac'h sklavourien d'ar pec'hed, e oac'h frank e-keńver ar reizhder.

21  Peseurt frouezh a dennec'h eta neuze eus an traoł-se a ra mezh deoc'h bremań? Rak diwezh an traoł-se eo ar marv.

22  Met bremań, o vezań dieubet eus ar pec'hed ha deuet sklavourien da Zoue, e tennit evit frouezh ar santeladur, hag evit diwezh ar vuhez peurbadus.

23  Rak gopr ar pec'hed eo ar marv, met donezon Doue eo ar vuhez peurbadus e Jezuz-Krist hon Aotrou.

 

Pennad 7

Ar gristenien dizereet diouzh al lezenn

1  Breudeur, ha n'ouzoc'h ket, rak komz a ran ouzh tud a anavez al lezenn, penaos al lezenn n'he deus galloud war an den nemet e-pad ma'z eo bev?

2  Rak ur wreg dimezet a zo ereet dre al lezenn ouzh hec'h ozhac'h e-keit ha ma'z eo bev, met mar deu hec'h ozhac'h da vervel, dizereet eo diouzh lezenn an ozhac'h.

3  Evel-se eta, mar deu da zimeziń da ur gwaz all e-pad buhez hec'h ozhac'h, e vo galvet avoultrerez. Met mar deu hec'h ozhac'h da vervel, dieubet eo diouzh al lezenn en hevelep doare ma n'eo ket avoultrerez mar deu da zimeziń da ur gwaz all.

4  Evel-se, va breudeur, c'hwi ivez a zo deuet marv d'al lezenn dre gorf Krist, evit bezań da unan all, da lavarout eo d'an hini a zo adsavet a-douez ar re varv, evit ma tougimp frouezh da Zoue.

5  Rak pa oamp er c'hig, c'hoantegezhioł ar pec'hedoł a laboure en hon izili war-bouez al lezenn, o tougen frouezh d'ar marv.

6  Met bremań dizereet omp bet diouzh al lezenn, o vezań marv d'ar pezh a oamp dalc'het dindanań, en hevelep doare ma servijomp e nevezded ar spered ha nann hervez al lizherenn a zo deuet da vezań kozh.

7  Petra a lavarimp eta? Hag eo pec'hed al lezenn? N'eo ket! Met ne'm eus anavezet ar pec'hed nemet dre al lezenn. Rak ne'm bije ket anavezet an droukc'hoant ma n'en dije ket al lezenn lavaret: Ne zroukc'hoantai ket.

8  Met ar pec'hed, o kemer an tu eus ar gourc'hemenn, en deus lakaet ennon pep seurt droukc'hoantoł. Rak hep al lezenn, ar pec'hed a zo marv.

9  Bez' e oan bev gwechall hep lezenn, met ar gourc'hemenn o vezań deuet, ar pec'hed en deus adkemeret buhez, hag ez on deuet da vervel.

10  Hag eo en em gavet penaos ar gourc'hemenn, hag a dlee reiń din ar vuhez, en deus roet din ar marv.

11  Rak ar pec'hed, o kemer an tu eus ar gourc'hemenn, en deus tromplet ac'hanon, ha drezań en deus va lazhet.

12  Al lezenn eta a zo santel, hag ar gourc'hemenn a zo santel, reizh ha mat.

13  Ha roet en deus din neuze ar marv ar pezh a zo mat? N'eo ket! Met ar pec'hed eo, evit m'en em ziskouez evel pec'hed en ur reiń din ar marv dre un dra vat, hag evit ma teu da vezań gwall bec'her dre ar gourc'hemenn.

Al lezenn a zo speredel, met me a zo kigel, …

14  Rak gouzout a reomp ez eo al lezenn speredel, met me a zo kigel, gwerzhet d'ar pec'hed.

15  Rak n'ouzon ket ar pezh a ran, ober a ran ar pezh na fell ket din, ober a ran ar pezh a gasaan.

16  Hogen, mar gran ar pezh na fell ket din, ec'h anavezan ez eo mat al lezenn.

17  Met bremań n'eo mui me a ra kement-se, met ar pec'hed a chom ennon.

18  Rak gouzout a ran penaos ar mad ne chom ket ennon, da lavarout eo em c'hig; c'hoant am eus d'ober ar mad, met ne gavan ket ar galloud d'henn ober.

19  Rak ne ran ket ar mad a fell din, met ober a ran an droug na fell ket din d'ober.

20  Mar gran ar pezh na fell ket din, n'eo mui me a ra kement-se, met ar pec'hed a chom ennon.

21  Kavout a ran eta al lezenn-mań: pa fell din ober ar mad, an droug a zo stag ouzhin.

22  Rak kavout a ran plijadur e lezenn Doue hervez an den a-ziabarzh,

23  met gwelout a ran ul lezenn all em izili, ul lezenn a ra brezel a-enep lezenn va c'hlevidigezh hag am dalc'h ereet ouzh lezenn ar pec'hed a zo em izili.

24  Paour-kaezh paotr ma'z on! Piv a zieubo ac'hanon eus korf ar marv-mań?

25  Trugarekaat a ran Doue dre Jezuz-Krist hon Aotrou! Evel-se eta, me va-unan a servij lezenn Doue dre ar glevidigezh, met lezenn ar pec'hed dre ar c'hig.

 

Pennad 8

Ar c'hristen a zo dieubet gant ar Spered a Vuhez

1  N'eus ken eta bremań kondaonidigezh ebet evit ar re a zo e Jezuz-Krist, ar re a gerzh nann hervez ar c'hig met hervez ar spered.

2  Rak lezenn ar Spered a vuhez a zo e Jezuz-Krist en deus va dieubet eus lezenn ar pec'hed hag ar marv.

3  Rak ar pezh a oa dibosupl d'al lezenn, abalamour ma oa dinerzh dre ar c'hig, Doue, en ur gas e Vab e-unan en ur c'hig heńvel ouzh hini ar pec'hed, hag en abeg d'ar pec'hed, a gondaonas ar pec'hed er c'hig,

4  evit ma vefe peurc'hraet reizhder al lezenn ennomp-ni na gerzhomp ket hervez ar c'hig met hervez ar spered.

5  Rak ar re a vev hervez ar c'hig a laka o c'harantez e traoł ar c'hig, met ar re a vev hervez ar spered a laka o c'harantez e traoł ar spered.

6  Karantez ar c'hig eo ar marv, met karantez ar spered eo ar vuhez hag ar peoc'h,

7  rak karantez ar c'hig a zo enebiezh ouzh Doue, dre na sent ket ouzh lezenn Doue hag evit gwir ne c'hell ket henn ober.

8  Ar re a zo er c'hig ne c'hellont ket plijout da Zoue.

9  Met n'emaoc'h ket er c'hig met er spered, gant ma chom Spered Doue ennoc'h. Ma ez eus unan bennak ha n'en deus ket Spered Krist, hennezh n'eo ket dezhań.

10  Met mar d-emań Krist ennoc'h, ar c'horf evit gwir a zo marv abalamour d'ar pec'hed, met ar spered a zo buhez abalamour d'ar reizhder.

11  Mar chom ennoc'h Spered an hini en deus adsavet Jezuz a-douez ar re varv, an hini en deus adsavet Krist a-douez ar re varv a roio ivez ar vuhez d'ho korfoł marvel dre e Spered a chom ennoc'h.

12  Evel-se eta, breudeur, n'omp ket dleourien d'ar c'hig evit bevań hervez ar c'hig.

13  Rak mar bevit hervez ar c'hig, e varvot, met mar lakait dre ar Spered oberoł ar c'horf da vervel, e vevot.

14  Rak ar re holl a zo renet gant Spered Doue a zo mibien Doue.

15  Ha n'hoc'h eus ket resevet ur spered a sklavelezh evit bezań c'hoazh en aon, met resevet hoc'h eus ur Spered advugelań a laka ac'hanomp da grial: Abba! Tad!

16  Ar Spered e-unan a ro testeni d'hor spered ez omp bugale da Zoue.

17  Ha mar d-omp bugale, ez omp ivez heritourien, heritourien da Zoue ha kenheritourien gant Krist, mar gouzańvomp koulskoude gantań evit ma resevimp ivez gloar gantań.

Gloar bugale Doue

18  Me a gav din n'eus heńveledigezh ebet etre poanioł an amzer a-vremań hag ar gloar da zont a vo diskuliet ennomp.

19  Rak ar grouadelezh a zo o c'hortoz gant ur c'hoant start ma vo diskuliet mibien Doue,

20  rak n'eo ket dre gaer emań ar grouadelezh dindan ar fouge, met abalamour d'an hini en deus he lakaet eo,

21  gant an esperańs e vo ivez dieubet eus sklavelezh ar vreinadurezh evit bezań e frankiz gloar bugale Doue.

22  Gouzout a reomp penaos betek vremań an holl grouadelezh a huanad hag a c'houzańv gwentloł ar gwilioud,

23  ha n'eo ket hi hepken, met ni ivez, en ur gaout frouezh kentań ar Spered, e huanadomp ivez ennomp hon-unan o c'hortoz an advugelań, dasprenadur hor c'horf.

24  Rak salvet omp en esperańs, met an esperańs a weler n'eo ken esperańs. Penaos e c'heller esperout ar pezh a weler?

25  Met ma'c'h esperomp ar pezh na welomp ket, ez omp ouzh henn gortoz gant pasianted.

26  Evel-se ivez ar Spered a sikour ac'hanomp en hon dinerzhded. Rak n'ouzomp ket petra a dleomp goulenn evit pediń evel ma'z eo dereat. Met ar Spered e-unan a erbed evidomp dre huanadoł na c'hellont ket bezań displeget.

27  An hini a furch ar c'halonoł a oar petra eo sońj ar Spered, rak ec'h erbed evit ar sent hervez Doue.

28  Gouzout a reomp penaos pep tra a dro da vad evit ar re a gar Doue, ar re a zo galvet hervez e ziviz.

29  Rak ar re en deus anavezet a-ziaraok, en deus ivez raktonket da vezań heńvel ouzh skeudenn e Vab, evit ma vo hemań ar c'hentań-ganet e-touez meur a vreur.

30  Hag ar re en deus raktonket, en deus ivez o galvet. Hag ar re en deus galvet, en deus ivez o reishaet. Hag ar re en deus reishaet, en deus ivez roet gloar dezho.

31  Petra a lavarimp eta diwar-benn an traoł-se? Mar d-eo Doue evidomp, piv a vo a-enep deomp?

32  Eń ha n'en deus ket espernet e Vab e-unan, met en deus e roet evidomp holl, penaos ne roio ket pep tra deomp gantań?

33  Piv a savo evit tamall ar re zibabet gant Doue? Doue eo an hini a reisha.

34  Piv a gondaono anezho? Krist a zo marv, hag ivez adsavet a varv, emań zoken a-zehou da Zoue, hag ouzhpenn ec'h erbed evidomp.

35  Piv a zispartio ac'hanomp diouzh karantez Krist? Ha bez' e vo an anken, ar glac'har, an heskinerezh, an naon, an noazhder, ar riskl, ar c'hleze?

36  Evel-se eo skrivet: Lakaet omp d'ar marv bemdez abalamour dit, hag omp sellet evel deńved kempennet d'ar gigerezh.

37  Met en holl draoł-se ez omp ouzhpenn trec'herien dre an hini en deus hor c'haret.

38  Rak sur on penaos nag ar marv, nag ar vuhez, nag an aelez, nag ar prińselezhioł, nag ar galloudoł, nag an traoł a-vremań, nag an traoł da zont,

39  nag an uhelder, nag an donder, na krouadur all ebet, ne c'hello hon dispartiań diouzh karantez Doue a zo e Jezuz-Krist hon Aotrou.

 

Pennad 9

Israel

1  Me a lavar ar wirionez e Krist, ne lavaran gaou ebet, va c'houstiańs a ro testeni din dre er Spered-Santel,

2  un dristidigezh vras am eus hag ur glac'har dalc'hus a zo em c'halon.

3  Rak karout a rafen bezań va-unan milliget ha dispartiet diouzh Krist evit va breudeur, va c'herent hervez ar c'hig,

4  a zo Israeliz, a zo bet roet dezho an advugelań, ar gloar, an emglevioł, donezon al lezenn, al lid, ar promesaoł,

5  a zo deuet eus lignez an tadoł, ha diouto eo deuet Krist hervez ar c'hig, an hini a zo Doue dreist an holl draoł, benniget da virviken. Amen.

6  N'eo ket koulskoude m'en defe ger Doue deuet da netra. Rak ar re holl a zo deuet eus lignez Israel n'int ket Israel,

7  hag evito da vezań eus lignez Abraham, n'int ket holl e vugale. Met skrivet eo: En Izaak e vo ul lignez a zougo da anv,

8  da lavarout eo, n'eo ket bugale ar c'hig a zo bugale da Zoue, met bugale ar bromesa eo ar re a zo kontet da vezań al lignez.

9  Rak setu amań gerioł ar bromesa: Dont a rin en-dro d'ar poent-mań ar bloaz, ha Sara he devo ur mab.

10  N'eo ket-se hepken, met e c'hoarvezas kement-all gant Rebeka pa gońsevas en ur wech eus Izaak hon tad,

11  rak ar vugale ne oant ket ganet c'hoazh ha n'o doa graet na mad na droug, met evit ma chomfe start an diviz a zibab eus Doue nann abalamour d'an oberoł met abalamour d'an hini a c'halv,

12  e voe lavaret dezhi: An henań a vo dindan ar yaouankań,

13  hervez ma'z eo skrivet: Karet em eus Jakob ha kasaet em eus Ezaü.

Emań trugarez Doue evit an hini en deus dibabet

14  Petra a lavarimp eta? Ha bez' ez eus direizhder e Doue? N'eo ket!

15  Rak lavaret en deus da Voizez: Me a raio trugarez d'an hini a rin trugarez dezhań hag em bo truez ouzh an hini am bo truez outań.

16  Evel-se eta, kement-se ne zeu ket eus an hini a fell dezhań, nag eus an hini a red, met eus an hini a ra trugarez, eus Doue.

17  Rak ar Skritur a lavar da Faraon: Da savet em eus evit kement-mań, evit diskouez ennout va galloud hag evit ma vo embannet va anv dre an douar holl.

18  Evel-se eta, e ra trugarez d'an neb a fell dezhań hag e kaleta an neb a fell dezhań.

19  Neuze e lavari din: Perak e kav abeg c'hoazh? Rak piv a c'hell enebiń ouzh e volontez?

20  Met kentoc'h, o den, piv out evit tabutal gant Doue? Hag ar pod a lavaro d'an hini en deus graet anezhań: Perak ec'h eus va graet evel-se?

21  Ha n'en deus ket ar poder ar galloud d'ober eus un hevelep toaz-douar ur pod evit an enor hag unan all evit un implij dister?

22  Petra lavarout mar en deus Doue, o fellout dezhań diskouez e gounnar ha reiń da anavezout e c'halloud, gouzańvet gant ur basianted vras podoł a gounnar graet evit ar gollidigezh,

23  evit reiń da anavezout pinvidigezh e c'hloar e-keńver podoł a drugarez en deus graet a-ziaraok evit ar gloar,

24  en hor c'heńver hag en deus galvet, nann hepken a-douez ar Yuzevien met ivez a-douez ar baganed?

25  Henn lavarout a ra en Ozea: Envel a rin va fobl an hini na oa ket va fobl, hag ar garet-mat an hini na oa ket ar garet-mat.

26  Hag e c'hoarvezo penaos el lec'h-se ma oa bet lavaret dezho: C'hwi n'oc'h ket va fobl, e vint anvet: Mibien an Doue bev.

27  Izaia ivez a sav e vouezh diwar-benn Israel: Pa vefe niver mibien Israel evel traezh ar mor, un nemorant hepken a vo salvet.

28  Rak e peurc'hraio an afer hag en berraio gant reizhder, rak an Aotrou a raio un oberenn berr war an douar.

29  Izaia en doa lavaret diagent en hevelep doare: Ma n'en dije ket Aotrou an armeoł lezet ganeomp un hadenn, e vijemp deuet evel Sodom, hor bije heńvelekaet Gomora.

30  Petra a lavarimp eta? Penaos ar baganed na glaskent ket ar reizhder, o deus kavet ur reizhder, ar reizhder a zo dre ar feiz,

31  met Israel hag a glaske ul lezenn a reizhder, n'eo ket deuet a-benn da gavout al lezenn-se a reizhder.

32  Perak? Dre ma n'o deus ket he c'hlasket dre ar feiz met dre oberoł al lezenn. En em stoket int ouzh ar maen-kouezh,

33  hervez ma'z eo skrivet: Setu, e lakaan e Sion ur maen-kouezh hag ur roc'h a wallskouer, ha piv bennak a gredo ennań ne vo ket mezhekaet.

 

Pennad 10

Ar Salud a zo evit ar Yuzevien hag evit ar C'hresianed

1  Breudeur, c'hoant va c'halon ha va fedenn da Zoue evit Israel, eo ma vint salvet.

2  Rak reiń a ran an testeni-mań dezho penaos o deus gred evit Doue, met ur gred n'eo ket hervez an anaoudegezh.

3  Rak evel na anavezont ket reizhder Doue ha ma klaskont diazezań o reizhder o-unan, n'o deus ket pleget da reizhder Doue.

4  Rak Krist eo diwezh al lezenn evit reizhadur ar re holl a gred.

5  Moizez a skriv diwar-benn ar reizhder a zeu eus al lezenn: An den a raio an traoł-mań a vevo drezo.

6  Met ar reizhder a zeu eus ar feiz a gomz evel-henn: Na lavar ket en da galon: Piv a bigno d'an neńv? Lakaat Krist da ziskenn eo;

7  pe: Piv a ziskenno en donder? Lakaat Krist da adpignat a-douez ar re varv eo.

8  Petra a lavar eta? Ar ger a zo tost dit, en da c'henoł hag en da galon. Setu aze ar ger a feiz a brezegomp:

9  Mar anzavez gant da c'henoł an Aotrou Jezuz ha mar kredez en da galon en deus Doue e adsavet a-douez ar re varv, e vi salvet.

10  Rak krediń a reer gant ar galon evit kaout ar reizhder, hag anzav a reer gant ar genoł evit kaout ar silvidigezh.

11  Rak ar Skritur a lavar: Piv bennak a gred ennań ne vo ket mezhekaet.

12  N'eus diforc'h ebet etre ar Yuzev hag ar Gresian, dre ma o deus holl un hevelep Aotrou, a zo pinvidik evit ar re holl a c'halv anezhań.

13  Rak piv bennak a c'halvo anv an Aotrou a vo salvet.

14  Penaos eta e c'halvint an hini n'o deus ket kredet ennań? Ha penaos e kredint en hini n'o deus ket klevet diwar e benn? Ha penaos e klevint komz diwar e benn ma ne vez den da brezeg?

15  Ha penaos e vo prezeget ma ne vez kaset den? Skrivet eo eta: Pegen kaer eo treid ar re a brezeg Aviel ar peoc'h, ar re a gemenn keleier mat!

16  Met n'o deus ket sentet holl ouzh an Aviel, rak Izaia a lavar: Aotrou, piv en deus kredet d'ar pezh hon eus prezeget?

17  Ar feiz a zeu eta eus ar pezh a glever, hag ar pezh a glever a zeu eus ger Doue.

18  Met e lavaran: Ha n'o deus ket klevet? Er c'hontrol, o mouezh a zo aet dre an douar holl hag o c'homzoł betek pennoł pellań ar bed.

19  Met e lavaran: Ha n'en deus ket Israel anavezet? Da gentań Moizez a lavar: Me ho lakaio da vezań gwarizius dre ar pezh n'eo ket ur bobl, lakaat a rin droug da sevel ennoc'h dre ur vroad diskiant.

20  Hag Izaia a gred lavarout: Kavet on bet gant ar re na'm c'hlaskent ket, anavezet on bet gant ar re na c'houlennent ket diwar va fenn.

21  Met e-keńver Israel, e lavar: A-hed an deiz em eus astennet va daouarn etrezek ur bobl disent ha chifus.

 

Pennad 11

1  Me a lavar eta: Hag en deus Doue taolet kuit e bobl? N'eo ket! Rak me a zo va-unan Israelat, eus lignez Abraham, eus meuriad Benjamin.

2  Doue n'en deus ket taolet kuit e bobl anavezet a-ziagent gantań. Ha n'ouzoc'h ket ar pezh a lavar ar Skritur diwar-benn Elia, penaos en em glemmas da Zoue a-enep Israel?

3  Aotrou, lazhet o deus da brofeded, diskaret o deus da aoterioł, me a zo chomet va-unan, hag e klaskont va lazhań.

4  Met peseurt respont a reas Doue dezhań? Miret em eus din seizh mil den n'o deus ket pleget o glin dirak Baal.

5  Bez' ez eus ivez eta en amzerioł-mań un nemorant a zo bet miret hervez dibaberezh ar c'hras.

6  Hogen mar d-eo dre c'hras, n'eo mui dre an oberoł, anez ar c'hras ne vije mui ur c'hras. Met mar d-eo dre an oberoł, n'eo mui ur c'hras, anez an oberoł ne vijent mui oberoł.

7  Petra eta? Ar pezh a glaske Israel n'eo ket bet kavet gantań, met ar re zibabet o deus henn kavet, hag ar re all a zo bet kaledet,

8  hervez ma'z eo skrivet: Doue en deus roet dezho betek an devezh-mań ur spered a vorgousk, daoulagad ha ne welont ket, divskouarn ha ne glevont ket.

9  Ha David a lavar: Ra vo o zaol dezho ur roued, ur pech, un abeg da gouezhań, hag o faeamant,

10  ra vo o daoulagad teńvalaet evit na welint ket, ha ra vo o c'hein daoubleget da viken.

Distaol Israel evit adunvanidigezh ar bed

11  Me a lavar eta: Ha strebotet o deus evit kouezhań? N'eo ket! Met ar silvidigezh a zo deuet d'ar baganed dre o lamm, evit lakaat ar warizi da sevel enno.

12  Met mar d-eo bet o lamm pinvidigezh ar bed hag o bihander pinvidigezh ar baganed, pegement mui e vo o distro holl.

13  Me a lavar deoc'h-c'hwi, paganed: O vezań abostol ar baganed, e roan gloar da'm ministrerezh,

14  o klask hegasiń, mar gellan, gwarizi ar re eus va c'hig ha salviń hiniennoł anezho.

15  Rak, mar d-eo bet o distaol adunvanidigezh ar bed, petra a vo o adgalvidigezh, nemet ur vuhez a-douez ar re varv?

16  Mar d-eo ar frouezh kentań santel, ar bern a zo ivez, ha mar d-eo ar wrizienn santel, ar brankoł a zo ivez.

17  Met mar d-eo lamet kuit hiniennoł eus ar brankoł, ha mar d-out-te, olivezenn gouez, bet imboudet en o zouez, ha deuet da gaout lod e gwrizienn hag e chug an olivezenn,

18  na zenn ket gloar diwar goust ar brankoł-se. Mar tennez gloar, anavez penaos n'eo ket te a zoug ar wrizienn, met ar wrizienn eo an hini a zoug ac'hanout.

19  Te a lavari eta: Ar brankoł a zo bet troc'het evit ma vijen-me imboudet.

20  Gwir eo, lamet int bet kuit abalamour d'o diskredoni, ha te a chom dre ar feiz. Arabat dit lorc'hiń, met az pez aon,

21  rak ma n'en deus ket Doue espernet ar brankoł naturel, diwall na vefes ket espernet kennebeut.

22  Laka evezh eta ouzh madelezh hag ouzh garvder Doue: e c'harvder e-keńver ar re a zo kouezhet, met e vadelezh en da geńver, mar kendalc'hez er vadelezh-se, anez e vi lamet kuit ivez.

23  Hag evito, ma ne gendalc'hont ket en diskredoni, e vint imboudet, rak Doue en deus ar galloud d'o imboudań a-nevez.

24  Rak mar d-out bet troc'het eus an olivezenn gouez dre e natur hag imboudet, a-enep lezenn an natur, war an olivezenn vat, pegement mui, ar re a zo ar brankoł naturel ha ne vint ket imboudet war o olivezenn o-unan?

25  Rak ne fell ket din, breudeur, na oufec'h ket ar mister-mań, evit na viot ket fur d'ho taoulagad hoc'h-unan, penaos ul lodenn eus Israel a zo kouezhet er galeted betek ma vo holl bobl ar baganed deuet e-barzh;

26  hag evel-se holl Israel a vo salvet, hervez ma'z eo skrivet: An dieuber a zeuio eus Sion hag e pellaio eus Jakob pep dizoujańs;

27  ha kement-se eo an emglev a rin ganto pa lamin o fec'hedoł.

28  Gwir eo ez int enebourien e-keńver an Aviel abalamour deoc'h, met e-keńver an dibaberezh, ez int karet abalamour d'o zadoł,

29  rak donezonoł ha galvidigezh Doue a zo didorrus.

30  Evel ma'z oc'h bet gwechall disent ouzh Doue, ha ma hoc'h eus bet bremań trugarez dre o disentidigezh,

31  en hevelep doare ez int bet bremań disent, evit m'o devo ivez trugarez, dre an drugarez a zo bet roet deoc'h.

32  Rak Doue en deus dastumet an holl dud en disentidigezh evit ober trugarez d'an holl.

33  O donder pinvidigezh, furnez, ha gouiziegezh Doue! Pegen disont eo e varnedigezhioł ha pegen digompren eo e hentoł!

34  Rak piv en deus anavezet sońj an Aotrou, pe piv a zo bet e guzulier?

35  Pe piv en deus roet dezhań ar c'hentań hag a vo paeet en distro?

36  Rak an holl draoł a zo anezhań ha drezań hag evitań. Dezhań ra vo ar gloar da viken! Amen.

 

Pennad 12

Kinnigit ho korfoł en aberzh …

1  Ho pediń a ran eta, breudeur, dre drugarez Doue, da ginnig ho korfoł en aberzh bev, santel, plijus da Zoue, ar pezh a zo ul lid dereat eus ho perzh.

2  N'en em blegit ket d'ar c'hantved-mań, met bezit cheńchet dre nevezidigezh ho klevidigezh, evit ma'c'h anavezot ez eo bolontez Doue mat, plijus ha peurvat.

3  Gant ar c'hras a zo bet roet din, e lavaran da bep hini ac'hanoc'h n'en devo ket anezhań e-unan ur meno brasoc'h eget ma'z eo ret, met m'en devo santadoł izel, hervez ar muzul a feiz en deus Doue roet da bep hini.

4  Rak, evel ma hon eus meur a ezel en ur c'horf hepken ha n'o deus ket an holl izili an hevelep labour d'ober,

5  evel-se ivez, ni a zo meur a hini hag emaomp ur c'horf hepken e Krist, o vezań pep hini ac'hanomp ezel an eil ouzh egile,

6  o kaout koulskoude donezonoł disheńvel, hervez ar c'hras a zo bet roet deomp. Mar d-eo ar brofediezh, ra embrego anezhi hervez muzul ar feiz;

7  pe an hini a servij, ra en em stago ouzh ar servij; pe an hini a gelenn, ra en em stago ouzh ar c'helenn;

8  pe an hini a ali, ra en em stago ouzh an ali; pe an hini a ro aluzenoł, ra raio anezho gant eeunder; pe an hini a ren, ra raio gant evezh; pe an hini a ra oberoł a drugarez, ra raio anezho gant levenez.

9  Ra vo ar garantez hep pilpouzerezh. Kasait an droug hag en em stagit start ouzh ar mad.

10  E-keńver ar garantez a vreur, bezit leun a deneridigezh an eil evit egile. En em ziaraogit oc'h en em enoriń an eil egile.

11  E-keńver ar gred, na vezit ket didalvez. Bezit birvidik er spered. Servijit an Aotrou.

12  En em laouenait en esperańs. Bezit habask er glac'har. Kendalc'hit er bedenn.

13  Kemerit lod en ezhommoł ar sent. Bezit buan da reiń degemer en ho ti.

14  Bennigit ar re a heskin ac'hanoc'h, bennigit ha na villigit ket.

15  En em laouenait gant ar re en em laouena, gouelit gant ar re a ouel.

16  Ho pet an hevelep sońjoł etrezoc'h. Na glaskit ket an traoł uhel, met tremenit gant an traoł izel. Na vezit ket fur d'ho taoulagad hoc'h-unan.

17  Na rentit da zen droug evit droug. En em stagit ouzh ar pezh a zo onest dirak an holl dud.

18  Mar d-eo posupl hag e kement ha ma sell ouzhoc'h, bezit e peoc'h gant an holl dud.

19  N'en em veńjit ket hoc'h-unan, re garet-mat, met lezit ar gounnar d'ober, rak skrivet eo: Din-me eo ar veńjańs, me eo a rento, eme an Aotrou.

20  Ha mar en deus naon da enebour, ro dezhań da zebriń, mar en deus sec'hed, ro dezhań da evań, rak en ur ober evel-se, e tastumi glaou tan war e benn.

21  Na vez ket trec'het gant an droug, met trec'h an droug gant ar mad.

 

Pennad 13

Sentidigezh ouzh ar galloudoł

1  Ra blego pep den d'ar galloudoł uhel, rak n'eus galloud ebet nemet eus Doue, hag ar galloudoł a vez kavet, a zo bet lakaet gant Doue.

2  Dre-se an hini a stourm ouzh ar galloud, a stourm ouzh an urzh diazezet gant Doue, hag ar re a stourm a denno warno o-unan ur varnedigezh.

3  Rak ar pennoł n'emaint ket da vezań doujet pa reer oberoł mat, met hepken pa reer reoł fall. Ha te a fell dit bezań hep aon dirak ar galloud? Gra ar mad hag e vi meulet gantań.

4  Servijer Doue eo evit da vad. Met mar rez an droug, az pez aon, rak ne zoug ket ar c'hleze evit netra, met servijer Doue eo evit veńjiń en ur gastizań an hini a ra an droug.

5  Ret eo eta plegań, nann hepken abalamour d'ar c'hastiz, met ivez abalamour d'ar goustiańs.

6  Dre-se ivez eo e paeit tailhoł, abalamour ma'z int servijerien Doue, oc'h en em reiń dalc'hmat d'ar garg-se.

7  Rentit eta d'an holl ar pezh a zo dleet dezho: an tailh d'an neb eo dleet an tailh, ar gwir d'an neb eo dleet ar gwir, an doujańs d'an neb eo dleet an doujańs, an enor d'an neb eo dleet an enor.

En em garit an eil egile

8  Na dleit netra da zen, nemet ar garantez an eil evit egile, rak an hini a gar ar re all en deus leuniet al lezenn.

9  Rak: Ne ri ket avoultriezh, ne vi ket muntrer, ne laeri ket, ne zougi ket a falstesteni, ne zroukc'hoantai ket, ha pep gourc'hemenn all, kement-se holl a zo dalc'het er ger-mań: Karout a ri da nesań eveldout da-unan.

10  Ar garantez ne ra ket droug d'an nesań, ar garantez eo eta leunder al lezenn.

11  Ha kement-se a dleit d'ober en abeg d'an amzer ma'z omp ennań, rak houmań eo an amzer deomp da zihuniń eus hor c'housk, pa'z emań ar silvidigezh tostoc'h deomp eget pa hon eus kredet.

12  An noz a zo aet war-raok hag an deiz a dosta. Diwiskomp eta oberoł an deńvalijenn ha gwiskomp armoł ar sklźrijenn.

13  Kerzhomp gant onestiz evel ma reer en deiz, ha nann en diroll hag er vezventi, en hudurniezh hag er c'hadaliezh, en tabutoł hag er gwarizioł.

14  Ha gwiskit an Aotrou Jezuz-Krist, na selaouit ket ar c'hig en e zroukc'hoantoł.

 

Pennad 14

Lezenn ar frankiz ha lezenn ar garantez

1  Degemerit an hini a zo dinerzh er feiz hep tabut diwar-benn e sońjoł.

2  Unan a gred gallout debriń a bep tra, met an hini a zo dinerzh ne zebr nemet legumaj.

3  An hini a zebr, ra ne zisprizo ket an hini na zebr ket, hag an hini na zebr ket, ra ne varno ket an hini a zebr, rak Doue en deus e degemeret.

4  Piv out-te evit barn servijer unan all? Mar dalc'h en e sav pe mar kouezh, d'e vestr eo da varn anezhań. Met e chomo e en sav rak Doue a zo galloudus evit e lakaat da chom en e sav.

5  Unan a gav un deiz dreist un deiz all, unan all a gav an holl zeizioł heńvel. Ra vo pep hini kendrec'het en e sońjoł e-unan.

6  An hini a laka kemm etre an deizioł, a laka kemm abalamour d'an Aotrou, hag an hini na laka kemm etrezo, na laka kemm abalamour d'an Aotrou. An hini a zebr, a zebr abalamour d'an Aotrou, rak trugarekaat a ra Doue, hag an hini na zebr ket, na zebr ket abalamour d'an Aotrou, ha trugarekaat a ra Doue.

7  Rak hini ac'hanomp ne vev evitań e-unan hag hini ne varv evitań e-unan.

8  Mar bevomp, e vevomp evit an Aotrou, ha mar marvomp, e varvomp evit an Aotrou. Pe eta e vevomp, pe e varvomp, ez omp d'an Aotrou.

9  Rak evit-se eo Krist marvet, eo adsavet a-varv hag en deus adkemeret ar vuhez, evit ma reno war ar re vev ha war ar re varv.

10  Met te, perak e varnez da vreur? Pe te, perak e tisprizez da vreur? Pa'z eo gwir ez aimp holl dirak lez-varn Krist.

11  Rak skrivet eo: Me a zo bev, eme an Aotrou, pep glin a blego dirazon ha pep teod a roio gloar da Zoue.

12  Evel-se pep hini ac'hanomp a rento kont da Zoue evitań e-unan.

13  N'en em varnomp mui eta an eil egile, met kentoc'h barnit penaos na dleit ket lakaat un maen-kouezh pe reiń un abeg a wallskouer d'ho preur.

14  Gouzout a ran, ha sur mat on dre an Aotrou Jezuz n'eus netra dic'hlan anezhań e-unan, koulskoude, an hini a gred ez eo un dra dic'hlan, an dra-se a zo dic'hlan evitań.

15  Met mar d-eo da vreur glac'haret diwar-benn ur boued, ne gerzh ken hervez ar garantez. Na laka ket da vont da goll dre da voued an hini hag a zo Krist marvet evitań.

16  Ra ne vo ket droukkomzet eus ho treistelezh,

17  rak rouantelezh Doue n'emań ket an debriń pe an evań, met reizhder, peoc'h ha levenez er Spered-Santel.

18  An hini a servij Krist en doare-se a blij da Zoue hag a vez kavet mat gant an dud.

19  Klaskomp eta an traoł a gas d'ar peoc'h hag a c'hell kenteliań an eil egile.

20  Na zistruj ket oberenn Doue evit ur boued. Gwir eo ez eo glan an holl draoł, met fall eo d'an den debriń anezho en ur zont ur maen-kouezh.

21  Mat eo tremen hep debriń kig, nag evań gwin ha kemer netra eus ar pezh a c'hell lakaat da vreur da strebotiń pe e lakaat da gouezhań pe e zinerzhań.

22  Ha te ac'h eus ar feiz? Mir anezhi ennout da-unan dirak Doue. Eürus eo an hini n'en em gońdaon ket e-unan er pezh a gav mat.

23  Met an hini en deus douetańs a zo końdaonet mar debr, rak n'en gra ket gant feiz. Ha kement tra na reer ket gant feiz a zo ur pec'hed.

 

Pennad 15

1  Ni ar re greńv a dle gouzańv dinerzhded ar re zinerzh ha ne dleomp ket en em blijout ennomp hon-unan.

2  Ra zeuio pep hini ac'hanomp da blijout d'e nesań er pezh a zo mat evit e greńvadur.

3  Rak Krist ivez n'eo ket en em blijet ennań e-unan, met hervez ma'z eo skrivet: Dismegańsoł ar re a zismegańs ac'hanout a zo kouezhet warnon.

4  Rak kement a zo bet skrivet gwechall, a zo bet skrivet evit hor c'helennadurezh, evit m'hor bo an esperańs dre ar basianted hag ar frealz eus ar Skriturioł.

5  Ra roio deoc'h an Doue a basianted hag a frealz da gaout an hevelep santadoł etrezoc'h hervez skouer Jezuz-Krist,

6  evit ma c'hellot, gant un hevelep ene hag un hevelep genoł, reiń gloar da Zoue Tad hon Aotrou Jezuz-Krist.

7  En em zegemerit eta an eil egile, evel m'en deus Krist hon degemeret, evit gloar Doue.

8  Lavarout a ran eta ez eo bet Jezuz-Krist servijer an amdroc'hidi evit diskouez gwirionez Doue, evit leuniań ar promesaoł graet d'hon tadoł

9  hag evit ma teuio ar baganed da reiń gloar da Zoue abalamour d'e drugarez, hervez ma'z eo skrivet: En abeg da-se ec'h anzavin ac'hanout e-touez ar broadoł, hag e veulin da anv.

10  Lavaret eo c'hoazh: Broadoł, en em laouenait gant e bobl.

11  Ha c'hoazh: Broadoł, meulit holl an Aotrou, hag holl bobloł, meulit anezhań.

12  Izaia a lavar ivez: Dont a raio eus Jese ur wrizienn hag a savo da ren war ar broadoł, hag ar broadoł a espero enni.

13  Ra zeuio Doue an esperańs d'ho leuniań eta a bep seurt levenez ha peoc'h er feiz, evit ma kreskot en esperańs dre c'halloud ar Spered-Santel.

Ministrerezh Paol

14  Va breudeur, me am eus an diarvar ez oc'h leun a vadelezh, karget a bep anaoudegezh, barrek d'en em aliań an eil egile.

15  Koulskoude, breudeur, em eus skrivet deoc'h gant mui a hardizhegezh marteze, evit dihuniń ho sońjoł, hervez ar c'hras a zo bet roet din gant Doue

16  da vezań servijer Jezuz-Krist e-keńver ar baganed ha da leuniań ar garg santel eus Aviel Doue, evit ma vo kavet mat gantań ar prof eus ar baganed, ur prof santelaet gant ar Spered-Santel.

17  Ul lec'h a c'hloar am eus eta e Jezuz-Krist e-keńver ar pezh a sell ouzh traoł Doue.

18  Rak ne gredfen komz eus netra ha na vefe bet graet drezon gant Krist evit degas ar baganed d'ar sentidigezh, dre ar ger ha dre an oberoł,

19  dre c'halloud ar mirakloł hag ar burzhudoł, dre c'halloud Spered Doue, en hevelep doare ma em eus skuilhet dre holl Aviel Krist adalek Jeruzalem hag ar broioł nesań betek Illiria.

20  Kemeret em eus ar garg da brezeg an Aviel e-lec'h na oa ket bet Krist anvet, evit tremen hep sevel war an diazez en dije unan all lakaet,

21  hervez ma'z eo skrivet: Ar re na oa ket bet prezeget dezho a welo, hag ar re n'o doa ket klevet komz anezhań a gompreno.

22  Kement-se eo en deus miret ouzhin alies na'z ajen d'ho kavout.

23  Met bremań, evel n'eus netra ken o terc'hel ac'hanon er vro-mań ha ma em eus ur c'hoant bras d'ho kwelout abaoe meur a vloavezh,

24  ez in d'ho kavout pa'z in da Vro-Spagn. Evel-se em eus spi da welout ac'hanoc'h en ur dremen ha da vezań ambrouget ganeoc'h en hent war-zu eno, goude ma em bo bet ar plijadur da vezań un tammig ganeoc'h.

25  Met bremań ez an da Jeruzalem da sikour ar sent.

26  Rak falvezet eo bet d'ar re eus Makedonia hag eus Akaia reiń lod eus o madoł evit peorien a zo e-touez sent Jeruzalem.

27  Plijet eo bet ganto hag, evit gwir, dleourien e oant ivez dezho, rak mar o deus bet ar baganed lod en o madoł speredel, e tleont ivez reiń dezho lod eus o madoł douarel.

28  Goude eta ma em bo echuet kement-se ha ma em bo roet dezho gant fealded ar sikour-se, ez in da Vro-Spagn, o tremen e-biou deoc'h.

29  Gouzout a ran penaos pa'z in d'ho kavout, e teuin gant leunder bennozhioł Aviel Krist.

30  Ho pediń a ran start eta, breudeur, dre hon Aotrou Jezuz-Krist ha dre garantez ar Spered, ma vrezelot ganin er pedennoł a reot da Zoue evidon,

31  evit ma vin dieubet diouzh diskrederien Judea ha ma vo va servij e Jeruzalem degemeret mat gant ar sent,

32  en hevelep doare ma'z in d'ho kavout gant levenez, dre volontez Doue, ha ma tiskuizhin en ho touez.

33  Ra vo an Doue a beoc'h ganeoc'h holl! Amen.

 

Pennad 16

Saludoł da glozań hag alioł diwezhań

1  Erbediń a ran deoc'h Foebe hor c'hoar, diagonez eus Iliz Kenkre,

2  evit ma tegemerot anezhi en Aotrou evel ma tere ouzh ar sent ha ma sikourot anezhi en holl draoł he defe ezhomm ac'hanoc'h, rak sikouret he deus meur a hini hag ivez me va-unan.

3  Saludit Prisilha hag Akilaz, va c'henlabourerien e Jezuz-Krist,

4  lakaet o deus en arvar o vuhez evit va hini. Ha n'eo ket me hepken a drugareka anezho, met c'hoazh holl Ilizoł ar baganed.

5  Saludit ivez an Iliz a zo en o zi. Saludit Epainet va c'haret-mat, hag a zo bet ar frouezh kentań eus Akaia evit Krist.

6  Saludit Mari, kemeret he deus kalz a boan evidomp.

7  Saludit Andronikuz ha Juniaz, va c'herent ha va c'henbrizonidi. Enoret int e-touez an ebestel, ha zoken o deus kredet e Krist araozon.

8  Saludit Ampliaz, va c'haret-mat en Aotrou.

9  Saludit Urban, hor c'henlabourer e Krist, ha Stakiz va c'haret-mat.

10  Saludit Apellez, aprouet eo bet e Krist. Saludit ar re eus ti Aristobul.

11  Saludit Herodion a zo kar din. Saludit ar re eus ti Narkiz a zo en Aotrou.

12  Saludit Trifen ha Trifoz a labour evit an Aotrou. Saludit Persiz ar garet-mat, labouret he deus kalz evit an Aotrou.

13  Saludit Rufuz, dibabet gant an Aotrou, hag e vamm a zo ivez va hini.

14  Saludit Asinkrit, Flegon, Hermaz, Patrobaz, Hermez, hag ar vreudeur a zo ganto.

15  Saludit Filolog ha Julia, Nere hag e c'hoar, hag Olimp hag an holl sent a zo ganto.

16  Saludit an eil egile dre ur pok santel. Ilizoł Krist a salud ac'hanoc'h.

17  Alian a ran ac'hanoc'h, breudeur, da ziwall diouzh a re a laka dizunvaniezh hag abegoł da gouezhań a-enep ar gelennadurezh hoc'h eus desket, ha da bellaat diouto.

18  Rak ar seurt tud-se ne servijont ket an Aotrou Jezuz-Krist, met o c'hof o-unan; dre gomzoł dous ha melus, e tromplont kalonoł a re zizrouk.

19  Ho sentidigezh a zo anavezet gant an holl. Levenez am eus eta abalamour deoc'h. Met e c'hoantaan e vefec'h fur e-keńver ar mad ha glan e-keńver an droug.

20  Hep dale an Doue a beoc'h a friko Satan dindan ho treid. Gras hon Aotrou Jezuz-Krist ra vo ganeoc'h! Amen.

21  Timote, va c'henlabourer, Lusiuz, Jason ha Sozipater, va c'herent, a salud ac'hanoc'h.

22  Me a salud ac'hanoc'h en Aotrou, me, Tersiuz, me hag am eus skrivet al lizher-mań.

23  Gaiuz, va ostiz hag hini an holl Iliz, a salud ac'hanoc'h. Erast teńzorier kźr hag ar breur Kouartuz a salud ac'hanoc'h.

24  Gras hon Aotrou Jezuz-Krist ra vo ganeoc'h holl! Amen.

25  D'an hini a c'hell ho nerzhań hervez va Aviel hag hervez ar pezh a zo bet prezeget gant Jezuz-Krist, a glot gant diskuliadur ar mister kuzhet e-pad meur a gantved,

26  met a zo bremań diskouezet dre skridoł ar brofeded hervez urzh an Doue peurbadus hag a zo prezeget d'an holl vroadoł evit ma sentint ouzh ar feiz,

27  da Zoue, an hini fur nemetań, ra vo ar gloar en holl gantvedoł dre Jezuz-Krist! Amen.